شو رايك؟؟؟

موضوع: شو رايك؟؟؟ الجمعة مارس 13, 2009 10:08 am

من فتره قصيره وصلتني رساله من عضو معنا
الرساله تقول :
مرحبا اختي رايه حبيت عرفك بنفسي وهاي صوري
طبعا انا فرحت كتير بالرساله وفرحت اكثر على الثقه التي وهبني اياها هذا الاخ العزيز
وهنا يكمن سؤالي.....لاي مدى ممكن ان نثق بانسان لا تربطنا به صله الا الانترنت؟؟
وباي المعايير تقيس حتى تكون قادر على التفرقه بين انسان يمكن ان تثق به او لا؟؟؟

كتير بيهمني اسمع الراي.....

ودمتم لي جميعكم سالمين...

موضوع: رد: شو رايك؟؟؟ الجمعة مارس 13, 2009 3:33 pm

والله يا اختي رايه في قليل ناس هيك بوصلو للامان
لو كل انسان بستعم النت زي ما منستعمله باحترام كان
اليوم بدل الصديق عشره
يسلمو ونشالله للامام

موضوع: رد: شو رايك؟؟؟ السبت مارس 14, 2009 6:16 am

موضوع كتير مهم
وخصوصا وهو يتحدث عن شيئ مهم جدا بحياتنا
( الثقه ) ولكني ساكتفي بهذا الآن
ولي عوده....
تقبلي مروري رايه على اختيارك الموفق لهذا الموضوع
دمتي بخير

موضوع: رد: شو رايك؟؟؟ السبت مارس 14, 2009 6:17 am

يعطيكم العافية انا من راي اختي امال وخيي مراقب

موضوع: رد: شو رايك؟؟؟ السبت مارس 14, 2009 1:39 pm

لا تعليق اكثر من اللي قالته امال

موضوع: رد: شو رايك؟؟؟ الإثنين مارس 16, 2009 8:48 am

"يعني رأي الاعضاء اللي شاركوا انو الثقه موجوده
وحتى بالنت
ومو مهم نعرف الشخص عن قريب لنثق في
ممكن تكون الثقه باشخاص ما بحياتك شفتن
بس في شي اقوى من الماده وهوي الروح "

في كتير ناس بيمرو بحياتنا ومنحتك فيهن يوميا
بس ما بكونو اهل للثقه وممكن ناس كمان بالنت
بس كمان ما بكونو اهل للثقه
انا برأيي الناس معادن بالنت او خارجو
والمعدن الاصيل رح يبين واللي عندو خبره بالحياة بيقدر يكشف معادن الناس
والتجربه هي البرهان...

تقبلو تحياتي

ممممممممم
موضوع حلو كثير للطرح
صعب الثقه باي انسان عن طريق النيت خاصه لانه مش عارفه ولا شايفه الاعتماد الاول والاخير راح يكون على الكلام وهذا صعب يخلينا نثق باي انسان
بس في ناس سبحان الله ما بعرف كيف روحهم الطيبه بتخلينا نثق فيهم انا راح اعطي مثال عحالي
انا من النوع الي بخاف من النيت من ل شي فيها وخاصه بوضعي كبنت لانه عنا كثير بتحسسو من البنت الي بتدخل النيت بس سبحان الله كثير ناس مرقو بدربي بعدني لليوم صحاب انا وهني وكثير بحبهم وبيحبوني
في ناس انتقلت علاقتي فيهم من مجرد مسنجر وحكي بمسنجر لعلاقات اجتماعيه بروح لعندهم وبيجو لعندي وما ندمت ولو للحظه اني اتعرفت عليهم
وفي ناس لليوم ما التقيت انا وهني وسبحان الله روحهم الطيبه بتخليني مو بس اثق فيهم للحكي معهم ولا ابعث صوره الي يشوفوها كمان مستعده قلهم اسراري والاشياء الي ممكن اقرب المقربين الي يكونو ما بيعرفوها ......
على فكره انا بالنيت صادفت العاطل وصادفت لمنيح الحمدلله كل العاطلين مرقو لا كانهم كانو ولما حاولو يئذوني ما اذو غير حالهم لانه كل انسان بيعكس نفسه بحال عرفته ولا لا في الله بيتوكل بالكل(فهو يمهل ولا يهمل)
ومع هذا بقول انه النسبه الاكبر هي المنيحه عندي صاحبات عرفتهم كانو احسن من بنات تعايشت معهم
.....................................
وبنطاق اقل انا هون بالمنتدى ما بعرف شخصيا غير اقليه وجه لوجه مع هذا عندي ثقه عاليه بكثير اعضاء لا شفتهم ولا شافوني بحسهم قراب كثير الي وبحبهم كثير مثل الاخوه الي ربيت وعشت معهم ما راح اذكر اسماء بس انا اكيده انه القاري راح يعرف اني بقصده وانه من ضمن الاشخاص الموثوق فيهم والي تعودت كثير عليهم وصار فرحهم يفرحني وزعلهم يزعلني ...........
.........................
رايه اخر جمله الك..... انتي من الاشخاص الي حتي لو ما عرفوكي ولا بيوم التقو الناس فيكي بتكوني محتله جزء كبير بقلوبهم لانه روحك حلوه وبتوصلي للقلب بسهوله والانسان الي روحه حلوه بكون الله انعم عليه واعطاه الحلا الحقيقي لانه الحلا الحقيقي حلا الروح .............

الثقه بتكون لاشخاص معنا ومنعرف طباعهم
ومعاشرينهن بس شخص غريب عنا
ممكن انه يمكون ملون ويكون عاطينا عنه
صوره حلوه بس هو من الداخل بعكس طباعه..
يسلمو كثير على الطرح رايه والنت خطير
لازم الواحد ياخذ حذره..

الحذر مطلوب في زمن قانون الغابة ان لم تكن ذئب اكلتك الذئاب
والثقة مو اي شخص يحملها بيقدر يمنحها لغيره قبل معرفته جيدا
والاعتدال افضل الامور لا تفتح يدك كثيرا ولا تغلقها كثيرا
يسلموووووووووو رايـــــــــــة
تحيــــــــــــــــاتي

لازم يكون حذر مثل ما قال الاخ كولد
ولازم كمان تتاكد منيح من الانسان اللي عمتراسله
وتتاكد قبل ما توخذ اي خطوه مثل ارسال الصور
ممكن يكون نيتة مش منيحه ويستغل الصور
الحذر واجب

من وجهة نظري ليس كل شخص أهل للثقة سواء بالأنترنت أو غير ذلك
والثقة تبنى وتتشكل مع مرور الأيام وبالنسبة للمنتديات أرى أن كل شخص يُحكَم عليه وعلى شخصيته من مواضيعه وردوده وهنا فقط يأتي دور العقل في اختيار الشخص الأحق بهذه الثقة ولكن أنبه بشده ان لاتكون الثقة مفرطة فالدخول دائما ليس كالخروج
الف شكر أختي على الطرح الرائع