لا بد للقيد ان ينكسر......

اه يا ايهاب هيك بكيتني انا كمان
بعد ما شفت المقطع ومعاناة هذه المراه احسست بغضب غير طبيعي
بدي اعمل شي ومش عارفه شو
قلت لنفسي لو كانت المراه يهوديه من عنا وبدا تشوف صديقها بسوريا كان شو عملت الدوله علشانا؟
متل ما عملو ليهود ايران
او يهود تونس
او يهود اثيوبيا
بس هاد موحده ما بتستاهل ولاوووو

اخي ايهاب عنجد شي كثير مؤثر وبكذب عليك اذا بقلك ما بكيت علي شفتو وما انقهرت من نص قلبي رغم اني ما بعرف مين هي ولا شو قصتها وبس يلي حزني عليها هو الدم الموحد يلي بيربطنا ببعض والله شبحانه تعالى ربطنه نحنيه غريبه على بعضنا بتمنى من الله يلم شمل الاهل ويهدي البال لانو وجعكو وجعنا ويلي بيسركو بيسرنا....
اختي رايه مبين قديش انتي حساسه ورقيقه من خلال تعقيبك بس ما تنسي اختي العزيزه انو نحن هون مش لازم نتهاجم على طوائف اخرى علشان نبين حالنا, احنا هون علشان نبين يلي بيهمنا ويلي ما منعرفه عن هلطائفه الشريفه يلي نحن منها, اختي العزيزه الله سبحانه تعالى امر بالستر والمساتره بتفرض علينا التقيد بحدود معينه علشان نحمي دينا وما نكشفه تقبلي مروري عزيزتي....

صباح الخير للجميع...اول شي اخي ايهاب انا اسفه لاننا بعدتا شوي عن الموضوع يلي حضرتك كتبته...
اختي العزيزه انا كتبت راي الشخصي ومش نقد لانو مش من حقي انتقد فلمعلومات يلي عندكم عن الموحدون تفوق معلوماتي بكثير وانا عنجد عمبتعلم اشياء جديده كنت اجهلها رغم اني موحده وطبعا هذا بفضل الموقع القيم واهتمام الاعضاء والمشرفين وطبعا مشكورين...
اختي العزيزه انا بفتخر لما بتسمى موحده بس الدين الو اصوله والو اسس لازم نمشي حسبها واحد هذه الاسس والاصول هي الزي المكمل واذا الدين بس (توحيد ربه بسره وعمل باسس الدين الشريف) عندك كل الطوائف الها نفس الهدف توحيد الله والعمل على اسس دياناتهم ليش ما بيطالبو يكونو موحدين مع العلم انو منعبد رب واحد بس بطرق عديده..
واخيرا اختي وليس اخرا, انا لما شفت المقطع تاثرت رغم اني ما بعرفها ومساهمتي كانت تعبير عن مشاركتي احزان ووجع اهل الجولان لانهم صابرين ومتحملين وبعانو بس ما في مين يسمعهن بعرف معاناتن وبعرف انو في كثير اشيا
ما نذكرت عنهن وذا شفتيها مش بس رح تحزني وتتوجعي عليهن الا اكثر من هيك بس هاي مش قله جراه مني على التعبير والا ما قل ودل...
اختك free woman

بشكرك على هذا الرد اختي free women
الدين دائره وما شي بكمله اذا كانت فيه حلقه ناقصه
فالزي واللباس الديني مهم جدا لا يقل اهميه عن باقي الاسس
شو بدي قلك
مصك حق لازم يكون لباسنا بما يرضر الله
والمهم اكثر المحافظه وعدم الركض وراء الموضه الوقحه

ليس الجمال بفستان يزيننا
بل الجمال في الخلق والادب
تقبلي ردي ودمت لي بود

اها معكو حق بس مين بدو يوقفها للموضه

والله قلبي شفقان عليها الله لا يقدر يصيب حدا تاني هالمصيبه.

الاشي عنجد ببكي وحرام , صعب والله العظيم صعب .

انا لو محلها ما بعرف شو كنت بسوي , عنجد.

الله يساعدها ويساعد اهلها بسوريا.
بس حاسه اسا حزن مع شفقة والم وغضب والموقف كتير صعب الله يكون في عونون.

الوحدة تتغرب لبرية بلدها في نفس الدولة صعب شلون وحدة متغربه لدوله تانيه متقاتله هي ودولتها؟؟

عنجد صعب الله شفوق الله يساعدها.

مشكوررر حلو كتير اما مؤثر كتير

لا تعليق احتراما للموقف

الحرية قادمة
و نور الاستقلال لا بد أن يسطع
و نهاية كل محتل مزبلة التاريخ
و نهاية كل غاصب مقبرة النسيان
و هذه المادة موجودة في أغلب دول العالم التي تعاني الظلم
مشكور
تقبل مروري
ننتظر المزيد
كلنا خطأ و الاصلاح طويل
دمشق 7- 8 - 2010 م

بصراحه لقد عجز لساني عن النطق وقلمي عن الكتابه السكوت افضل طريقه لتعبير .؟. بداخل الشخص .. مشكور يالغالي ويعطيك الف عافي

للرفع للأهمية

كل ظالم نهايته مزبلة التاريخ
و لا بد لشمس الحرية أن تشرق
و لا بد للقيد أن ينحسر
مشكور
تقبل مروري
ننتظر المزيد
صديقان نحن الى أن ينام القمر
دمشق 25 - 9 - 2010 م