انا موحد....

تعا يا كون إشهد عَ كلامي
انا موحد إبن الشهامي
أنا من التيم من وادي الودايا
إللي من المريخ أعلى بالف قامي


أنا من أمة رجال الغنايا
بروح التضحيه بالإستقامي

أنا من أرض خِلقت للعطايا
وأعطت للكون أبطال وأسامي

أنا من معشر رجال القوايا
إللي مشّوا الدم نهر وبجر طامي

ونجوم العز عملوهم مطايا
تيحموا العَرض ويصونوا الكرامي

نحنا موحدون وبأطهر نوايا
تميزنا عن الغير بعلامي

بالمنديل عَ جبين الصبايا
وعَراس الشيخ في أشرف عمامي

نحنا وين ما كنا مرايا
وعلى شفاف الرجولي إبتسامي

زعامه ومرجلي ودولة سرايا
وعدل ومحكمه وقاضي ومحامي

إسألوا التاريخ شو حاكي حكايا
عنا بكُل موقف إلتزامي

بيوم الحرب ما بنخشى المنايا
وبيوم السلم أودع من حمامي

إسألوا بلبنان شو عملوا الشظايا
بأعداء الموحدون بشوط حامي

والمارينز شو راح لن ضحايا
جثث عَ جبينهم مَسحة ملامي

إجا يحامي عن إل صاروا عرايا
صار بَدهُن حدا عنهم يحامي

وبسوريا إسألوا سيوف السخايا
إللي زرعوا في فرنسا جرح دامي

وهجم سلطان باشا والرعايا
وركعهُن بسيفو الإنتقامي

وبفلسطين محينا الخطايا
إللي زرعها الغير في أرض السلامي

ولأرض جدودنا بقينا وفايا
هيك بنظل تتقوم القيامي

هيدي عن عوايدنا مزايا
ومواقف عز بالصف الأمامي

ومثل ما الكون عالأربع زوايا
ومثل ما الأرض فيها زرع نامي

ضروري يعرفوا الناس البقايا
على إنو الموحدون بمجد سامي

أشرف ما خلق رب البرايا
لا خلقت زعامه بعد منهم

ولا من بعدهم بيخلق زعامي

يسلمو ايديكي يا بنت الاصول
شئ حلو كثير