قصيدة روعة للشاعر حسام الحلبي

هالأرض النا ترابها منصون مراية ذهب بضلال هالزيتون
النا الأرض بالروح نفديها من حيث الها ع بقانا ديون
أم الشُقف للطهر انقى عين لأجل الوفا جينا تنوفي الدين
والنظر تيكمل بحاجه ل عين وكيف رح ننسى أرض وعيون
العين بدها نظر للصوره وأرضي ما بدها زنود مكسوره
يا حسرتي عليكي يا منصوره ولعنات عمتنزل على الي يخون
يا خجلتي ع ناس ضلو بالفراش قالو أرضنا تروح اعطوها بلاش
التخدير بدو يا شعب انعاش وأرجع يا شعبي للكرامه صون
شيلو السياسه وأتركوها ع جنب يا ناس أرض جدودنا عمتنسلب
وينك يا جدي الكنت تحلف عالشنب وكانت الكلمه حق ما فيها ضنون
يا ناس مثل النور واضح مقصدي تبقى أيادينا ع طول موحده
مش مشكلتنا حلبيه ومقلده ولا نصردين ولا أبن حسون
بدنا ضمير الحق ويضلو الكيان بيكفي يا أهلي بعد نرضى بالهوان
أوعو قبل ما يغدُر بنابو الزمان ولا تتركو لسيف ألأبا مخزون