كيف يظهر الناس في النت؟!......موضوع لا تدعوه يفوتكم

موضوع رائع جدا اخوتي الغوالي يعطيكم الف عافية يا رب قرات الردود كثير رائعة

حسب رايي الله يسامحنا

مش لازم ناخذ الامور بهذا الشكل لازم نشوف الدنيا بسيطة

وما نشوف مجني ولا مجني عليه ,, اذا حدا غلط معنا الله يسامحه ,, واذا غلطنا بحق حدا الله يسامحنا

يعني بشوف طبعا بالنت مش بالسهل بتعمل الك صديق ومش اي انسان بتلاقيه ممكن يحبك متل اخوه ويعتبرلك قيمه في قلبك وتحبه ويحبك اما من خلال الوقت والعشرة بتقدر تعرف الشخص اللي قبالك

احيانا من خلال المجني والمجني عليه ,, حسب رايي هون انه هون احيانا بين الاصدقاء مثلا
ما في انه اسا لما يغلط بحقك شخص غالي عليك تقول انه هالانسان شرير او خير ,, ما تنسا انه هالانسان داخله في نفس واحيانا النفس وحق النفس وحب النفس اللي ممكن يعمل اي مشكلة بينكم اما لازم تطلع على فترة معرفتك لهل انسان شو شفت منه خير او شر وبتلاقي شو المسيطر على تصرفاته ,, وعلى فكرة الانسان ما بينعرف من وقت الغضب لان الانسان بوقت الغضب ,, الله بيعلم ما بيقصد اذية غيره اما بيفكر انه عيدافع عن نفسه لهيك لازم نعذره وطبعا لا يوجد اي موقف يفرق بين الاحبة , ,, ذا اللي جمعهم هو المحبة والخير والعشرة اللي هي اكبر من اي موقف مضى

والانسان لازم يسامح ويعذر الناس اللي ممكن يوصل انه يكرههم لان لازم يوصل لوضع انه محبته لله تعالى ما ابقت مكان لاي شي اخر غيرها ومن خلالها يبدا يحاول يصحح من الاخرين ومن نفسه وينسى اي خطا ارتكب في حقه

اما من خلال الاشخاص اللي بينهم عشرة قوية ومحبة ومعرفة كمان يخلي العشرة والحبة والمعرفة هي اللي تغطي على اي خطا او اختلاف بين الاصدقاء لانه الانسان لازم يسامح وينسى ومو دايما يفكر في فرضيةالمجني والمجني عليه ياخذ الامور في بساطو ومحبة

احيانا الشخص اللي بتحبه لو اخطا في حقك بتعذره وبتحبه وبتزعل عليه مو منه لان اكيد الاحباء ما فيهم كره وممكن تزعل من نفسك انه انت كنت الشخص الثاني ودايما توضع الحق على نفسك حتى لو هم غلطو في حقك يمكن هيك بترتاح وبتقدر تسامح وتعفو عن الاخرين ولان نحنا كناس واخوة لازم نكون روح وحده في اجسام متفرقة يعني اذا انسان غلط بحقك كانه غلط بحق نفسه واذاها وبيتعب عنك لانه اذاك وبيعتبر انه لو اناذى هو اهون عليه من انه يؤذيك او يهينك لان نحنا لازم نكون روح وحده في اجسام متفرقه او انت كمان اذا اذية اي شخص لانه غلط في حقك بتشعر انك اذيت نفسك لانك بتعتبر الشخص اللي اذيته وغلط بحقك هو اخوك وحبيبك وبتحب انه يقطعوك وما يمسوه لاخوك لانك بتوصل لوضع انك تحبه اكثر من نفسك وبتصير تعذره وتسامحه مهما غلط لان المحبة والخير اللي جواتك فاضت على كل الدنيا وغطت كل شي موجود فيها بطل في شر او اي تعب ونسي الانسان الجاني والمجني عليه وصار عنده كله محبة وخير

الانسان الصادق يكون صادقا في جميع اوقاته وحالاته ان كان وجها لوجه امامنا او وراء شاشة الكترونية.
واكيد لازم نتوخى الحذر مع مين ماكان وخصوصا عالنت ومن خلال تجربة مرت وكنت شاهدة عليا بنصح
كل بنت ما تسترسل بهالعلاقات وما تبني احلام وقصور من الشات مع انسان ما بتعرفو عميضحك عليا بكم كلمة

النت مرآة تعكس الافكار والشخصية الواقعيه عند العقلاء ومن هم اصحاب الوجه الواحد
وتعكس التزييف والكذب عند اصحاب الجهل ومن لا يثقون بانفسهم
اذا هو سلاح ذو حدين يجب ان نعرف التعامل معه بكل تفاصيله