الجمهره..........

إي بالله أخطوا والخطا اللي جابهم عين الصواب
مبطي وأنا أشوف الطمع يكشف رداهم وأستره
مايملي عيون الحسود بهالزمن غير التراب
ومن لايتوب من الخطا تحرم عليه المعذره
اللي من أولها خراب أكيد تاليها خراب
والبندق اللي ماتثور في هدفها تذعره
ودك اليامن جاتك الغلطه من الناس القراب
الصاحب اللي ماكسبت محبته ماتخسره
مشكلتي إني ماعرفت أحسب لصدتهم حساب
قلطتهم صدري على ذكرى قصيد وحنجره
صوت ٍ يصول بمنبره واخطاب مامثله خطاب
والطيبه اللي زعزعت صوت الخطيب ومنبره
مافيه دمع ٍ صوبوه أحبابي بوجهي وخاب
ولازرق حزني على غالي ولافج انحره
كل الزهاب اللي معي ذكرى من أصحاب الزهاب
واللي بقالي من عذاب اشرس طريقي وأخطره
لأني تجنبت الغرق.. عديت من فوق السحاب
لأن أكثر أصحابي ورق..ماشفت للطيب إثمره
والله ماحطيت بين الحقدوالخوه حجاب
حتى غدوا ربعي يحدوني على الضيق أشكره
البارحه ثارت علي رقاب وأوتني رقاب
البارحه ياثقل دم البارح ويامحقره
أثر المصايب ماتجيك إلا من الناس القراب
وبهالزمن حتى الخوي اللي تثق فيه أحذره
أهب ياوجه الحسد وشلون جمعهم وغاب
كيف السنين اللي عطتني بعثرتهم بعثره
لابارك الله في رفيق ٍ تزعله كلمة عتاب
ولاجمع الله الرجال اللي تفرقهم مره
الصاحب اللي مايجي من صحبته غير العذاب
نذر ٍ علي إن ماهجرني وإلا أنا اللي ب أهجره
من يفتح لفرقاي باب أفك له عشرين باب
وأذا خويي مايقدر خوتي ما أقدره
عو ّدت نفسي كل ماشددت لليمّه ركاب
مأصد وجهي عن طموح إلا لياجبت خبره
أن روّحوا فأنا بري منهم ليوم الحساب
وإن جرحوا قولوا لهم ماحركوا فيّ إشعره
شفهم لهم حول السنه ولا خذوا مني جواب
أحسن دوا للي يحاول يستفزك تحقره
ماكنت أحاتيهم صغيّير ..عاد أحاتيهم شباب
الصاحب اللي ما أذخره لليوم الأسود ما أذخره
شفني جمعت أوراقهم بكتاب وأغلقت الكتاب
ياوقت لم اللي تلمه وأنثر اللي تنثره
اللي يخاف من الظما يترك لنا طرد السراب
واللي ماهو بقد الظلام ووحشته لايسهره
عقب أكتئاب البارحه ماعاد انا حمل إكتئاب
الطيب جرجرني وانا ماني بناقص جرجره
انا تجرعت الظما لين أحترق وجهي وذاب
انا كسرت بخاطري قبل الصداقه تكسره
انا خسرت اللي غيابه غير عن كل الغياب
انا غفرت لعالمٍ ماتستحق المغفره
انا أكثر (أنسان) تعلم من كثر ماأخطأ وصاب
انا أخر (لسان) يتكلم في زمان الثرثره
انا القصيد اللي فزع من دفتره مليون ناب
وانا الوحيد اللي جمع مليون ناب بدفتره
جفني وجرّحه السهر ، حيلي وهدّته الصعاب
دمعي هدر،ضحكي ندر،عمري وضيعت أكثره
شيبت بعقول العرب..هيبت روس ٍ ماتهاب
جمهرت ناس ٍ عمرهم مايعرفون الجمهره
ماصرت ذيب إلا لأن اللي تحدوني ذياب
ما كنت أغيب إلا لأن العفو عند المقدره
ترى حلاتك لاحملت لصاحبك كلمة عتاب
أن مانطقت بها بوجهه ماتذمه بظهره
في هالزمن مايملي عيون الحسود إلا التراب
والا الحظيظ.. الطلقه اللي ماتصيبه تذعره
ودك اليامن جاتك الغلطه من الناس القراب
الصاحب اللي ماكسبت محبته ماتخسره

حامد زيد

يسلموووووو
ابن الجبل ابداع

ابن الجبل احساسك رائع كلماتك صادقه
اشكرك على ما كتبت يداك ابدعت

مشكور يا ابن الجبل
ممتاز[b]

ردي على القصيده....
في هذا الزمن ما فينا نلوم حدا على الغلط لكن فينا نحمي انفسنا من اغلاط الغير...

مَن لي يواسيني بمر عـــــــذابي ....... في وحدتي وتغربي ومصابي

لاشيء ألقى في الحياة يســـرني....... مثل الذي ألقاه من أتعــــــابِ

سايرت كل الناس حسب طباعهم....... فوجدت فيهم ندرة الأصحــاب

ورجوت أن ألقى صديقاً مخلصــاً....... أفضي إليه من السرائر مابي
فوجدت أن الناس يصعب ودهـــم....... وتقــل فيهـــم ميزة الأطيــــاب

لا عجب في هــذا فإن صلاتنــــــا....... باتت على الأطماع والأسـلاب

والناس ضاقت بالهموم ولم تعــد....... فيهم صفات الحب والأحبــــاب
نسي الشقيق مع الزمان شقيقه....... وكأنهم في البعد كالأغـــــراب

فالمال فرقهم ومزق شملهـــــــم ....... وقضى على الأرحام والأنساب

وعلاقة الأفراد فيمـــا بينهــــــــم....... كعلاقة المتخوف المــرتـــــاب
الصدق والإخلاص زال عندهـــم....... وتنافروا لتوافه الأسبــــــــاب

أسفي على هذا الزمان فإنـــــــه ....... أضحى لكل منافق كــــــــــذاب

واو
كلمات من القلم الى صميم القلب
مشكوره اختي العزيزه

الله عليكو يا ابن الجبل ويا رايه والله منورين المنتدى بحضوركو يسلمو ايديكو

زائر

الغــــربة أعيــــتني وســـوت تفـــاريق = وامسيــــت فكر طاب ليه سمرها

ماعاد في الدنيا مفـــادة وتـشــــــويق = ماعاد فيـها مايســـاوي تعبــها

انا خايف ليا طاح الجمل تكثر سكاكينه..وانا ما عادت اضلوعي تحمل طعنة السكين....
يسلمو هالايدين يا خال واختيار موفق بهالقصيده الروعه والشاعر حامد زيد غني عن التعريف مشكور جدا...

اموله شو رايك بالقصيده روعه مو؟

يسلمو ايديك اخي جبل واختي رايه حلو كثير .....

الاسطوره

ماتقبلت الفراق ما ليدي فيه حيله
آه لو ان الظروف المقبله تكشف قدرها

لو يعرف الشخص منّا وش مع الغيب ابيجي له
كان جنبنا المشاكل من قبل يوقع ضررها

ما هقيت الليله اللي جابت الفرقا طويله
لين صارت ليلة امس بعيني اطول من شهرها

والعذاب اللي يذوب بعين من يفقد خليله
عندي اكبر من عذاب العين لو تفقد نظرها

والحبيب اللي صدوده مثل مداته جزيله
صد عني واعرفه لو صد عن حاجه هجرها

كن روحي يوم حست في جفاه وصعب نيله
بشرتني بالضياع وشدة العزم لسفرها

ما رحمها من هلاك وما تقبّلها دخيله
تحتضر قدام عينه لين ماتت من قهرها

عاد ليت اللي ذبحها وارهب الموت بوسيله
ما دفن وجه الضحيه والسكاكين بنحرها

ليت قلبه يوم سوى فعلته كمّل جميله
لو غسلها من عروقه وبكفن صدره قبرها

من حفر بضلوع قلبه حفرةٍ تكفي قتيله
ليه ما يدفن قتيله بالضلوع اللي حفرها؟

رحت اسولف للجبال الصم عن قصة رحيله
ما تركت متونها الا ينحت الدمع بصخرها

واحدٍ حقق جماله كذب اساطير الف ليله
يسكن السبع البحور ويحبس الحور بدررها

الدروب بكبرياها ترتجف تحته ذليله
والورود اللي تقبّل خطوته تنبت بأثرها

والغصون اليا بغاها تنثني له.تنثني له
والفياض ان حب ينثر عطرها يلمس زهرها

لو يصوّت للغدير المنجرف جفف سبيله
وان تبسّم للجبال الصامته نطّق حجرها

كل حاجه تستوي له. لي بغاها تستوي له
بالنظر واستغفر الله لو بقول : انه سحرها

ذاك لو بس يتمنا فاكهة شجرة ضليله
بس يفتح راحت ايده ويتساقط له ثمرها !

كن ربي سخر له المعجزات المستحيله
واصبح اسطوره وكل الالسنه تنقل خبرها

له علي انه ليا من طاح من عيني تشيله
ولي عليه انه يرجّع لابتساماتي ثغرها

لو طعوني بالسكاكين بيده تشفي غليله
لاشتريها من عذابي وادفع بدمي مهرها

واطلبه ينهال فيني طعن لين يطيح حيله
بس لا يترك عيوني تنحرم نعمة بصرها

له بعيني مثل ما للطهر بالنفس الاصيله
تقطع يدين الردا لو مس شعره من شعرها

حتى لو ما تتقبل الفراق
لكن الفراق في بعض الاحيان الحل الوحيد للاستمرار
تقبل مروري ياابن الجبل وراح قلك

غلطانه أمي يوم على الطيب ربتني
تحسب ناسي مثل ناسها طيبين
قالت سامحي كل من عليك يخطي
الناس تخطي وهم عن القصد ساهين
مسكينه أمي من غير قصد ظلمتني
ما درت أن الطيب وحده المسكين
هذا يا يمه واقع زماني
نفس اللي يضحك معي اليوم
بكره يطعني بسكين
تحياتي

والعذاب اللي يذوب بعين من يفقد خليله
عندي اكبر من عذاب العين لو تفقد نظرها
كن روحي يوم حست في جفاه وصعب نيله
بشرتني بالضياع وشدة العزم لسفرها

والله يا بو فهد شهادتي فيك مجروحه

الله يحميك ويخليك

الله يحميكم اخوتي ويوفقكم كلام بيدخل على القلب بسهولة الله يعطيكم الف عافية يا رب