سأترك المنتدى ...؟

سأرحل عن منتداكم ....سامحوني
نعم العنوان صحيح
لاتعجبوا ولا تندهشوا
فقد اكتشفت اني وقعت بين أسوأ ناس
لايحترمون ولايقدرون
تعبت لاجلكم كثيرا"
وأفنيت وقتي لكم
والنتيجه؟!!
لاشي .....!
اساءة
وعدم تقدير .....
للاسف الشديد
اكتشفت انكم أسوأ أعضاء قابلتهم
وأسوأ منتدى شاركت فيه
وانا أعلن رحيلي عنكم ...!
فالمنتديات ماأكثرها ...
ولم يقف الامر عندكم وحدكم ...
ماااكثر المنتديات
سأرحل عنكم وأبحث عن منتدىأجد فيه مااأستحق التقدير
نعم سارحل ولايحاول أحدكم ارجاعي
ورحيلي عنكم لن أرجع عنه
سأرحل ......!
,,
,,
,,
,,
,,
,,
احيانا يتعرض العضو لموقف ما
يدفعه لان يقول هذا الكلام
دون مجرد التفكير فيما يقول
ولكن

هل هذا مبرر وسبب للرحيل ؟؟!!
عزيزي العضو
اذا كنت تعرضت لهذا الموقف
وشعرت ان حقوقك ضاعت
وان مجهودك لم ينل التقدير المناسب
هل فعلا ستقول هذه الكلمات ؟؟
أم ستكتفي بجملة :
سامحوني ... سأترك المنتدى ...؟
أرجو المشاركة من الجميع
سألقاكم بعد منتصف الجرح
دمشق 15-2-2011م

صدقت اخي فجر
هيي انسب كلمه لهذا الوضع يقول كلمت سامحوني
ساترك المنتدى
يعني ساعتها بكون رايح ورايح مو مشكلي اذا كانت روحتو ما بتسيء لحدى باعكس

الحق معك خيا..احيانا لما نفكر بشي يضايقنا منصير نحكي
كل اشي بيخطر ببالنا ..لو كان بيجرح ولو كان غلط...
بس ما في احلى من التروي..يعني التفكير لدقيقتين بس ممكن
يغير كل مجرى الكلام....
ما في احلى من الجمله الاخيره يللي بتمحي كل صعوبة الكلمات الاولى...
طرح مميز...يسلم دياتك

اخي فجر بدي قلك شي ولكل مشارك بيشارك معنى راح قول هالشي
انا بالنسبه الي المنتدى مبدء
يعني انا كثير مريت بامور هون منها الحلوه ومنها الي لا
وعلى فكره راح احكي كمان عن غزل مرت بكثير اشيا وعمر وابو سلطان وسوار (حتى عمر وسوار انحذفلهم اسمين ما في اصعب منهيك )ونور بني معروف ذات الشي والمراقب وابو فهد كمان كثار ناس مروا بكثير اشياء
الي كانت بتدفعهم يكتبو هيك واشياء كثير صعبه وظروف كثير قاسيه بتحدى حدى يكون بمثيلتها بس بالنهايه خصلة الوفاء ثبتت حالها فيهم وثبتتهم معانا
لانهم كانوا من البدايه مشاركين لاجل المنتدى فكان من المستحيل انها تهزهم اي مشكله لتبعدهم نهائيا عنه
انا بدي قول للكل
في كثير ناس هون بتستاهل التميز والشكر والتقدير لعطاء لا متناهي منهم وممكن ما عميحصلو عهالشي من الكل
بس بحروفهم عميفرضو انفسهم وعميحصلو عالتميز الثابت الحقيقي الي ما بحاجه للاقرار فيه لانه اوجد نفسه بنفسه
التميز صفه قبل لتكون كلمه والشكر ذات الشي
البقاء والمشاركه مع كل الظروف بيدل على خصلة الوفاء الحقيقي الي بتمتع فيها صاحبها
والمنتدى ما بيمثل شخص واحد او مجوعه معينه المنتدى بيمثل كل صاحب لحرف عمينخط فيه
وفات الوقت الي ينتسب لشخص معين لانه الاحرف الي بنت احرف عديد لاشخاص كثر هني اصحابه
انا بالنسبه الي مريت بالكثير وعم امر بظروف مستحيل يكون في اصعب منها وراح مر بظروف راح تكون صعبه
وكل شخص بيقرب صوبي او مشكله بتصير ما راح اترك الموقع منها بالعكس راح اتشبث فيه اكثر واكثر
وراح افرض حالي بافكاري الي بترسمها احرفي لانه من البدايه مشاركتي محبه بالمنتدى وفكره الافاده المبعوثه منه
وانا بدوري بأمل من الكل يفكروا مثلي قبل اتخاذ اي خطوه
لانه حتى الاخوه برحم امهم بيتناقرو وبيتهاوشو فكيف نحنا خلونا نجعل السماح شعارنا والمحبه عنوانا وحفظ الاخوان ثباتنا وولائنا ووفائنا يطغى على كل شي ممكن نتعرضله
بالاخير لما سجلنا كنا بعيله توحيديه وعشنا ولو ثواني رائعه هون بتستحق كل شي منستحمله
طولت بالحكي بس هذا الرد الي عندي
شكرا الك اخي للموضوع

حلوين الكتبتين امال. يعني مزبوط ميي بالميي
بس خيي بحال حدا بدو يترك المنتدى لا بيحكي حكي مش منيح ولا بيقول سامحوني ساترك المنتدى، بيتركوا بيدون ما يعرف الناس انو تارك ههه. والا بيكون بدو تعاطف الاعضاء مش اكثر او انو بدو يعمل تعليق.
بس هي المحبي بالجو والاعضاء بتخلي يحب يعلن انو فالل واذا للتعليق فالافضل يبعثو للادارة مش قدام الكل.
وتحيي لأدارتنا بالمنتدى ساهرا على راحتنا وأمن الموقع
Very Happy

وأخيرا موضوعك و انت يا اخ فجر مميز. يعني من الاعضاء البيتفاعلوا والنشيطين بالمنتدى. ومواضيعك لزيزي هههه

تحيي تقدميي للجميع

انا بايد امال بالي قالته ..
وبرايي الي بيوصل لوضع انه معش يقدر يكمل فممكن
انه يترك بس بيكفي يقول وداعا راح فارقكن بدون
ما يجرح حدن بكلامه او ينكر فضل الغير عليه
ممكن نوصل لمرحله نحس انه عنجد نحنه مو مرتاحين بها المكان
بس ها مو معناه انه المكان مو مناسب ممكن يكون 50% من ها الشي مزبوط
بس حق العشره وحق الصداقه لازم يكون محفوظ بالاحترام...
كثير طرح حلو اخي يعطيك العافيه
دائما مميو اخ فجر ولو انه عتبانه عليك كثير
بس يلا الله كبير خيي شايف وعارف نيال المتهوم عند
العبد وعند الله بري ههههه ...

وك وقفتلي قلبي فكرتك انت تارك المنتدى
ههههههههههههههههه
انا بايد باللي قالوه م بدي لف ودور
يعطيك العافيه

فكرتك رايح وكككك
مممممممم اكيد ما في حاجة لهالحكي
بكفي كلمة وداع ليترك اتر طيب الو في المنتدى
منتدانا بيتنا شو مصار هالصفحات بتستاهل نترك عليها كلمات حلوة
وخصوصا هالمنتدى يلي بيحكي عن احلى عقيدة
وغير هيك انو كلنا اخونا حتى اذا مش بالدم بس اخوة
وما في داعي لحكي قاسي عبعضنا
امرات الواحد بتهور وبيحكي من قهرو يلي بيجي قدامو
بس بالاخير الاهم من كل هالقهر انو احنا احلى اخوة
وشو مصاااااااااااااار منتدانا بيستاهل كل كلمة بمحلها
يسلمووووووووووو فجججججر

شكرا" لكل من مر من هنا
و ترك حروفه أمانة عندي
سألقاكم بعد منتصف الجرح
دمشق 20-2-2011م