سؤال...يستحق النقاش

بسم الله الرحمن الرحيم
كيف اعضائنا الحلوين ...
بعد 5 دقائق ابدا عملي بس عبالي سؤال قلت بلكي بلحق اطرحو هون واسمع ارائكن
كيف يمكن ان نفسر منع الاهل لنا من عمل اشياء ممكن ان نراها بمنظار يختلف عنهم
هل وقعت مرة في موقف اختلف رايك مع راي اخاك واختك ؟
من اي باب كان اختلاف الراي معهم هل هو خوفهم عليك؟
او تصرفاتك لم تعجب ولي امرك واراد ان يعاقبك بمنعك عن شئ تحب عمله ؟
وهل منعه لك في مصلحتك؟

انتظر ارائكم بفارغ الصبر.....

انا كثير عندي اختلاف اراء مع اخوي بالبيت اخوي بيخاف من انه البنت تقعد عالكمبيوتر وبيخاف من التشات ومن المنتديات ودايما لما بكون عالكمبيوتر بيقاثل معي انه الكمبيوتر مستولي علي وعمشغلني عن كثير اشياء لازم اعملها
هو معه حق بكل شي بقوله يعني سيئة الكمبيوتر انه بياخذ الانسان بيستولي عليه منغير مالشخص يحس لحاله وهذا قتل تام للحياه اليوميه انا عفتره تشكلت حياني من نوم وقوم وكمبيوتر ومرات كنت روح من الشغل ميته من التعب مع هذا ضل لساعات متاخره عالكمبيوتر والنتيجه اليوم الي بعده ما زبط بشغلي لحد مقدرة فرق شوي وعيش حياتي مع تواجد الكمبيوتر عنا يعني وفقت بي التنين ومع هذا اخوي بعدو بزن وبون علي
ومرات عالتشات وهو معه حق هو بخاف علي من الشباب الي بتحب تكسر البنت وتتسلى معاها وهذا شيء موجود بكثره بايامنا هاي علاقات مش كاله لانه الشب بيكون مفلس عالكمبيوتر كلمه عكلمه بيحكي مع البنت ما بقصد يعلقها في ولا يجرها بس هذا يلي عميصير يعني اخوي معه حق يخاف علي
انا بقدر خوفه واهتمامه في بس ما بقدر خليه يفهم اني انا اقوى من اني اضعف قبال اي شخص بالكمبيوتر................................

انا بقول كل اختلاف بين شخصين بمحل بقوم عاساس خوف واحد عالثاني منشان هيك اعرفو انهاهلنا ما بكرهونه واي خطوه بيقدمو عليها بس خوف وقلق علينا وبكثير احيان بكون معهم حق والكف يلي مناكله بوعي بعد ميبكي
مشكورين ..............................

بالنسبه الي..أنا رايي زي راي أمال..وبتبع المقوله انه " الكف اللي منوكله بوعي بعد ما يبكي" .
وكل انسان سب أو صبيه متعرضين انه يكون عندهن إختلاف بالراي وخصوصا مع الأهل.. أنا بدي أحكي عن حالي .. أنا بجيل المراهقه وبفهم شو يعني هذا الجيل وكيف كل شخص بمر فيو...والحمدلله ربنا بعثلي أهل اللي بتفهموا وضع هذا الجيل...وكثير بمر بحالات معارضه مع أهلي..مفش عندي اشي معين بخالفهن فيو..بس بشكل عام كثير بكون حابه اعمل أشياء وهوني بمنعوني منها..أنا أول اشي كنت أفكر انه بدهنش اياني أعملها هيك بلا سبب..وطبعا أزعل وما أحاكيهن ..لحتى أورجيهن انه أنا مش راضيه منكوا...بس بعد ميشوفوني بهيك وضع يقعدوا ويجربوا يفهموني ليش منعوني من هذا الاشي.. وبصراحه ألاقي الحق معهن ...وزي مقلتي يا اخت امال..مفش اهل بكرهوا ولادهن.. بس هني بجربوا قد ميغدروا يحافظوا عليهن وعلى شخصيتهن..وكثير من الاحيان منع الاشياء بيجي لمصلحتنا... وزي مبيقولوا الممنوع دائما مرغوب...بس اذا منطلع عليه من منظار التوعيه والحق..عنجد منلاقي انه احنا بعدنا مش واعيين على الدنيا وفي أهلنا يلي قد مبيخلفونا الراي..بيجي بالاخر لمصلحتنا..مشكوره يا رايه تقبلي مروري Wink

اراء مقنعه وتعبير كافي عن موقف المعارضه
لكن هل الشب ايضا يجد نفس المعارضه من الاهل؟
هل هناك رادع لاعمال الشب كما يوجد رادع للبنت؟
نرى الاهل يتساهلون مع الشب اكثر...

بشكل عام بكل بيت في تساهل مع الشب أكثر من البنت.. لأنه هيك العادات والتقاليد اللي عاشوا عليها أهلنا وأجدادنا
وبعدهن بتبعوها حتى اليوم... أنا حسب رايي لازم يكون في معرضه للشب من ناحية الاهل مثلوا مثل البنت.. يعني كمان الشب بغلط ولازم حدا يرشدوا بطريق ويقولوا "لأ".. وكثير زي ممنشوف انه في انحراف قوي بمجتمعنا للشباب.. وخصوصا الدخان في جيل مبكر..وكيف بشوف انه الاهل قلّة ما بعارضوا أراء ولادهن يعني الشباب.. وبقولوا انه صار شب وصار كبير خلي يعمل اللي بدو ايا.. بس أكيد هذا غلط لانه الابتداء بهاي الشغلات بخلي اي شب يوصل لطريق الغلط... وتشجيع الاهل لعدم معارضة شبابهن بخليهن يوصولوا لطريق معدوم..بس من ناحيه ثاني منشوف انه كثير من الاهالي كلمتهن قويه بالبيت عالشب وعالبنت..يعني مفش عتدهن فرق بين هذا وهاي.. واذا منلاحظ عهيك اشي منلاقي انه أغلبية الشباب اللي في عليها تسلط من ناحية الاهل بكونوا شباب واعيين مثقفين ..انا حسب رايي مش لازم يكون في تفرقه بين الشب والصبيه والتساهل من الاهل بالبيت لازم يتفرق على الاثنين بالتساوي وبرضو المعارضه تشمل الجهتين.. للعلم انه في بعض الشفلات اللي بتحق للشب وما بتحق للبنت وهذا اشي معروف وما في اختلاف عليه.. مثلا ممنوع البنت تبقى خارج البيت بعد متغرب الشمس..وللشب مسموح ..انا من هاي الناحيه ما عندي معارضه لانه الشب ما بكون عليه سمعه من هاي الناحيه..اما البنت بحكوا عليها ومثل هاي الشغلات كثير يلي بتمس بالبنت.. عشان هيك ما منلاقي معارضه كبيره من الاهل تجاه الشب مثل البنت لانه عاداتنا وتقاليدنا عودونا على هذا الاشي وانحفر بذاكرتنا وانصقل بشخصيتنا...

دائما الاهل يعارضون ودائما في اختلاف في وجهات النظر
ولكن برايي الشخص البالغ يعي ما يفعل ومسؤول عن ما يفعل
ورغم ذالك لا بد من نصيحه وهنا الاختلاف اي بعض من الاهل
ينصحون بشكل منطقي ومقنع دون المساس بحرية الفرد الشخصيه
وبعضهم يفرضون ارائهم ويجب ان تنفذ دون نقاش
وهنا تتكون ردات الفعل داخل المنزل
لماذا؟ وهل انا لا املك العقل الكافي لاتخاذ قراري
فياتي اخي او ابي ليقرر عني ام انه جرت العاده والكبير هو صاحب القرار
ونقاشي يشمل الفتاة والشاب ولكن في مجتمعنا توجد بعض الامور تحرر الشاب اكثر
اي ان الشاب يوجد لديه خيارات واسعه ويتصرف بحريه اكثر
والاهل قد يتساهلون معه ولكن بالحدود المعقوله
امال تكلمتي عن النت
وردي انه من يستعمل النت في سن المراهقه
ممكن ان يؤثر عليه بشكل سلبي لانه في مرحلة انتقال حرجه من الطفوله الى البلوغ
وهذه المرحله اي شيئ قد يؤثر فيها فالمراهق بنظره كل افكاره صحيحه
اما في سن البلوغ فالامور تختلف اي من يستخدم النت في سن البلوغ يعرف ما يفعل
ويقدر على التنسيق في حياته العمليه او العلميه
واخيرا هكذا الاهل وسيعارضون في كل الاحوال

مشكوره رايه عالطرح

حكينا عن الشب والبنت انات كيف بشوف في تفرقه بسيطه وسببها انه الشب مش مثل البنت يعني البنت مثل القزاره لما تنكسر صعب التصليح ما ننسى انها عرظ يعني شرف واذا حدا ضحك عليها بتوقع هي والاهل باعظم المشاكل وبتوصل لجرائم ولكثير اشياء بس الشب مهما غلط ما بيمسه شي يمكن يحكو عليه بس لما يحب يصلح حاله بكمل وكانه ما في شي انا ما بايد التفرقه التربيه موجبه للتنين بس كمان الشد عالبنت لانه الاضرار اكبر بتكون وبعدين البنت بعارضو طلعتها ورجعتها لانه الفكر اليوم وزمان كان وضل انه البنت اخرتها لبيتها ولولادها استقرار بس الشب شغلته يروح ويجي ليفتح بيت ويحاظ على مرته وولاده صح في نساء عاملات اليوم بس برجع وبقول البنت اذا انضحك عليها كارثه والبنت بطبيعت الحال دائما بالعواطف بتكون اضعف من الشب يعني في بنات اضعف من انهم يقاومو الشب ليحافظو على حالهم يمكن انا بعدت كثير بفكري بس لازم ننتبه انا شيء بجر شي يعني مزح بالدردشه بولد مسنجر بعدين تلفون بعدين لقاء والي ما بتنتبه لحالها بتلاقي الاعظم بعد اللقاء يامه اسمعنا عن خراب البنات والي بتعرض لاغتصاب وغير هاي الامور الي ما بتمس بالشب بنفس الدرجه الي بتمس بالبنت
يا ابن الجبل حكين عن حريه الفرد بس الانسان دايما بيسمح لحاله قديش معه ياخذ اكثر وبحلل لحاله كل اشي ممكن يكون ممنوع لانه ما في انسان بنظر حاله ضعيف حلو يكون عند الفرد حريه بس الله اعطانا الاهل مش بس للتربه والتكبير كمان للتوعيه وكتير ناس بيفنو حياتهم وما بيحسو عليها الا انها ضاعت من ايدهم وما بيفيد الندم على ما فات
اهلنا بحاولو قديش بيقدرو يمنعونا نوصل للحظت ندم لانهم عاشو اكثر مننا وجربو اكثر مننا
والاخ بتحكم باخته لانه مرافق الشباب وبيشوف شو بيعملو وكيف بيحكو من ورا الشاشات مع البنات وكيف بيحاولو بس يتسلو ويفرجو صحابهم ليك صورته ليك كيف عمتحكي ليك شو مستعده تعمل وفش شب بيستحمل اخته بهيك موقف يمكن انتي يا ابن الجبل مش مستعد تلعب ببنت ولا تتسلى فيها بس صدقني كثير شباب غيرك مستعدين ........

يعني حسنه بالبنت الي بتشوفها بطريق خطره انك توعيها تحاول تحميها ما تشجعها عشي ممكن يكون غلط او ممكن طريقها صح ما في غلط بس للمستقبل يفني حياة انسان وما بيفيد الندم بلحظات معينه من الحياه...............

مشكوره رايه على الموضوع ,يلي اله عده اراء انا برايي ضد التخل بالحياه الشخصيه للفرد لان كل انسان اله طريقه بالتفكير انا مع المراقبه والاهتمام من بعيد والارشاد الصحيح ضد التحكم والتسلط...
ما بامن انه في حدى بيعرف الغلط وبيعمله ليكو بالغرب لوين وصلو من ورا التحرر والثقه وصلو للقمرولختراعات عظيمه ونحنا هون بعدنا مناخذ راي الاهل اذا بدنا نسافر او نعمل شي ومنحسب الف حساب لاي تصرف ممكن انه نقوم فيه .... طالما في ثقه وارشاد ما في داعي للتدخل من الاهل ...
تجربه شخصيه انا مستحيل اسمح لحدى يحكمني لاي سبب من الاسباب حتى لو كانو اهلي عندي طريقه للتفكير وقدره على الدفاع عن نفسي وثقه بتمكني من الاستقلاليه رغم انه هالشي عاملي بعض المشاكل مع الاهل بالرغم من هيك انا حره مستقله غير مقيده ولا مرتبطه باي حدى مهما كان صله القرابه بيننا, ممكن تكون الفكره عني متمرده بس الواقع لا انا مستحيل كون متمرده بس كستحيل كون بلا شخصيه بحترم الجميع وبفرض على الجميع احترامي .....
انا تربيت تربيه دينيه ونشات بين افراد متدينين يعني عندي 6 اخوه منهن 2 متدينين و4 خوات منهن 3متدينات لبسي محتشم وملفظي مؤدب بس تفكيري متحرر ومستقل تماما ....

زائر

طرح رائع
لي عوده بالنقاش

كيف يمكن ان نفسر منع الاهل لنا من عمل اشياء ممكن ان نراها بمنظار يختلف عنهم
هل وقعت مرة في موقف اختلف رايك مع راي اخاك واختك ؟
من اي باب كان اختلاف الراي معهم هل هو خوفهم عليك؟
او تصرفاتك لم تعجب ولي امرك واراد ان يعاقبك بمنعك عن شئ تحب عمله ؟
وهل منعه لك في مصلحتك؟

دائما الاخوه بجادلو وبعارضو بعضن عتصرفات معينه او اهل بنتقدو اولادهن عالاشي معين وهذا من منطلق الخوف عليهن بالنسبه للاهل ..التربيه زمان مش مثل التربيه اليوم يمكن الاشي اللي منعملو اليوم بنضرنا صح لانو المجتمع عبتفتح بس بنضر اهلنا عيب وغلط لانهن عاشو بمجتمع منغلق جدا ونظرتو للشباب والشايبات صارت غير
انا دائما عندي اختلاف راي مع اخوتي لانن اكبر مني بكثير والجيل اللي عاشوه انا ما عشتو (جيلنا غير بكل اشي)
هن بنتقدوني او بقلولي رايهم من خوفهن علي ولهدف التوعيه انا بفهم هالاشي بس احيانا بعصب ههههههه
بس دائما منتناقش ومنشرح وجهات نضرنا لبعض واغلب الاحيان منكون كلنا صح بس الفرق بالجيل وطريقه الحياه اليوم والتفكيرغير عن زمان اليوم العادات تغيرت كل اشي تغير زي ما قلت مجتمعنا تفتح شوي
موضوع رائع رايوش اشتقتلك يا بنت

زائر

الإخت رايا وين هي ؟ مش عم تبين صاحبة المنتدى :] الله يحميها وين ما كانت
وأنا بنظري إنو الأهل بيمنعونا لأنو خايفين علينا ! بس معظم الأوقات ما بفكروا بوجهة نظرنا ولا نحنا وهاي أصل المشاكل كلها !

هل وقعت مرة في موقف اختلف رايك مع راي اخاك واختك ؟
من اي باب كان اختلاف الراي معهم هل هو خوفهم عليك؟
او تصرفاتك لم تعجب ولي امرك واراد ان يعاقبك بمنعك عن شئ تحب عمله ؟
وهل منعه لك في مصلحتك؟

اكيد وقعت كتير في مواقف اللي اختلفت فيها بالراي مع اخوتي ..وخصوصا خيي الاكبر..
من كتر خوفو علينا منعني من كتير اشياء .. منعني من الكمبيوتر .. من المسن من الشات من المنتديات ومن كتير اشياء .. جادلني كتير وكتير مرات يلي تزاعلنا .. بكاني كتيرر وحسسني انو كل البيت ضدي .. كنت ضلني قلو انت ما بتحبني انت ما بصير تكون خيي .. بس اليوم بندم على كل كلمة حكيتها معو هيك لانو اليوم بعرف انو هوي ما قال شي الا وكان لمصلحتي .. وعاني كتيررر من كل الاشياء اللي ممكن تصير معي ... وجهني دايما للخط المستقيم وبعدني عن العوج ... لحد مصار يثق انو انا واعية لكل شي يلي بقدر استعمل هالكمبيوتر بالشكل الصح

الف يسلمو نقاش بحاجة ان يطرح

فش اهل الا ما بعارضو وبجادلو اي تصرف بقوم فيه ابنن او اخوتن وخواتن الصغار
بس كل انسان الو ارادي وشخصية بتاهلو انو يكون مسئول عن تصرفاتو او قرار بقرر ياخذو
مع اخذ بعين الاعتبار نصيحة من اهلو وتجنب انو يخرج عن طاعتهم وشورهم
وكل عمل او بعض الاعمال الي من سويها مندخل بنقاش جاد وهادف باخذ الي بيلزمني منو بطريقة ما
خلي حساسية بس كثير احيان بتكون نقاش واغلب الاحيان بعصب وبالغي الشغلي كلا
يعني الباب الي بيجيك منو ريح سدو وستريح ههههههههههههههههه
بس لازم بغض النر عن مضمون الموقف الي بيتبنو اهلنا لازم نحترمو ونقدور ونحاول انو نمنحن شعور
بانو رايم مسموع وماخوذ بعين الاعتبار
اني عن نفسي قليل بناقش بشي الي بسوي غير لما اعملو وخلص منتناقر شوي ان كنت غلطان بتعلم من غلطي
واني مشي الحال وزمطنا بيكون كثر خير الله بيعطونا افراج هههههههههههههه
يسلموووووو راية تحياتي الك