مواضيع لا تستحق الشكر ..

ببينما كنت مع احدى الصديقات رايت شئ اشدني واهشني الا وهو ( وتصوير وتشهير فتاة....مرفق صور للعمليه كاملة)
عندما رأيت الصوره ...تسائلت في ذاتي عما يحتويه هذا الموضوع هل سيكون موضوع تفضيحي آخر ...تتقزز منه نفسي للنشر الخالي من الاحساس والوعي
فقد أثار هذا الموضوع في داخلي الكثير من التساؤلات والحنق في وجوة هؤلاء ..الذين لا أعرف حتى بما أصفهم
أحد هذه التساؤلات ..التي أوجهها لكل شخص ساهم في نشر مقطع رذيلة وفضيحة على البلوتوث او غيره...
*ماذا استفدت في نشر هذا المقطع؟
*عندما تنشر موضوع او بلوتوث ويكون عنوانه فضيحة أو رذيلة أو أي شيء تشهيري للآخرين ابرياء وربما غير أبرياء ..هل فكرت يوما انك بقلمك وموضوعك قد غرزت سكينا أخرى في ضهر هؤلاء الاشخاص ؟؟
*هل فكرت انك بنشرك هذا المقطع لم تستفد شيئا غير زيادة مشاركة سوف تكون بعنقك الى يوم القيامة .. وسوف تحاسب عليها وتقف فيها وقفة عظيمه بين يدي الله؟
*هل تعتقدان نشر هذه الاشياء تنشر الوعي لدى اللآخرين؟
*وهل تعتقد ان مواضيع تطعن بالشرف والأخلاق سوف يرفع مقدارك يوما امام الناس!
وهل تعرف انك عندما تضيف هذه المقاطع المثيرة للأشمئزاز الى جهازك او جوالك و ترسلها الى أصحابك ..أنك تصنع اشراف واعارض الناس (((تسلية))) لعقليتك المريضه؟
*أتعرف اساسا ما معنى الوعي؟؟؟ اتجاه هذه الاشياء
هل تعرف ما معنى ان تتحلى بالأخلاق والشرف اتجاة كل تكنولوجيا تدخل الى حياتك؟
*وهل تعرف أنك قد تظلم نفسك وانت لا تدري؟
وتظلم آلاف أخرين على حساب مشاركاتك وتسليتك بهم؟؟
*هل تساءلت يوما عن هؤلاء الاشخاص الذين نشرت صورتهم - حتى لو غطيت وجوهم او اماكن عوراتهم او لم تذكر اسمهم-هل تسائلت اذا كانوا يوما ما سيسامحونك على الاساءه التي ارتكبتها في حقهم؟
*وهل سيتخلون عن أدانتك يوم القيامة عند ساعة الحساب؟
*هل تعرف انك عندما تنشر وتساهم في هذه الاشياء ..كأنك أنت الذي صورتها وفعلتها ؟
وأنك لا تختلف بأي شيء عن هذا الشخص الذي بدأ الفضيحة؟
الكثير من الاسئلة التي اتمنى ان يجاوبها ولو شخص ..قد قدم يوما على نشر صوره او مقطع فيه اي شيء يمس أعراض الناس واخلاقهم؟
وماذا استفدت من هذا الموضوع؟
ماذا أضاف الى اعمالك وثقافتك وشخصيتك
وهل تسعد بكلمة شكر قد يضيفها أي شخص على موضوع كهذا ؟
هل فكرت يوما لو أن أحد من اقربائك او أحبايك قد ضلمهم قدرهم وساقهم الى نفوس مريضة وأصبحوا جزء من هذه السلسلة الفضائحية القائمة بالبلوتوث وشبكة الانترنت وغيرها ..ماذا ستفعل؟
وهل ستقبل أن يقوم شخص ما من اي مكان بالتسليه بعرضك وشرفك على صفحة انترنت او جوال؟
اتسائل إلى أي درجة وصل بنا الهبوط في أخلاقنا وتفكيرنا ومدى وعينا
فعندما أتصفح المواقع ...وأقرأ الردود
أجد أن مواضيع التشهير والتفضيح والمذهبية والفن الفاضح تأخذ من الكثير الاهتمام والمئات من الردود
وعندما أجد مواضيع تثقيفية أدبية راقية تطعن في حقيقة أوضاعنا ومجتمعنا وتنور عقولنا بالحسنى والأخلاق لا أجد من الردود الا ما يعد على الاصابع وأقل
لماذا؟
أين انسانيتنا وعقولنا
أين الصورة الراقية التي نريد ان يعرفها الأخرين فينا؟
أين ديننا من كل هذا؟
أين فخرنا بأننا موحدون ونشدو بتعاليم ديننا وكرامة توحيدنا
وكيف نضهر هذه الاشياء ..بتشويه هويتنا كموحدون بهذه التصرفات الغير أنسانية
الم تسمع أن
(من ستر على مؤمن في الدنيا ستر الله عليه دنيا وآخرة
وستر على عيوبه وأخطائة يوم الدين عن الأخرين؟؟؟؟)
ولا يهم كان مؤمنا او كافرا او من غير ديننا
فيكفي ان تحكمنا انسانيتنا اتجاة هذه الاشياء....
فأنا أخاطب انسانية كل فرد هنا وهناك وفي كل مكان
فان لم أجد ردودا على هذه الموضوع
او على الاسئله
فليس مهما
فأنا أعرف ان كل شخص قرأ الموضوع وتركه خلف ضهره
قد عرف إلى أي اتجاه ينتمي
وعرف مقدار انسانيته في الحكم على اشياء كهذا...

انا راح رد ............
اول شي بشكر وعيك يا فري على هيك موضوع مهم موجود بكثره بمجتمعنا اليوم وبقلك كل الاحترام على هيك كلمات...........
اما بخصوص المقاله بدي احكي حكاي صارت مع صاحبه الي
صاحبتي كانت على علاقت صداقه بشخص فيوم هذا الشخص بعثلها الميل فيديو تشهير على بنت موحده عمرها 16 سنه كانت تحكي مع شب وخلاها تتعرى عالكاميره صورها ووزع الفيديو بعد اقل من سنه بعتو لصاحبتي فيديو عن بنتين من بلد الشخص يلي هو صديق لرفيقتي والمفاجئه الكبيره انه البنتين هني اخواته للشب ......
يعني دارت ودارت ومثل ما حاول يشهر ببنت مهما كانت وقاحتها وغلطتها وغباها (ما حدى بيعرف شرف حدا واحنا ما منحاسب حدى في الخالق بيحاسب الجميع) الله حطه بنفس الموقف وشربه من نفس الكاس
انا بدي قول للكل انه ما حدى بيته من قزاز وارحم من الله عز وجل ما في احنا ما منحاسب الارواح وما النا حق بتشهير اي انسان مهما كانت اغلاطه وما في حدى بهرب من القدر كل انسان قبل ميحاول يوزع او يستقبل او يعطي اذنه للقيل والقال يعرف انه ما حدى بيته من قزاز وما حدى معصوم وللحظه يتخيل حاله او شخص قريب عليه بهيك موقف يمكن الانسان ما يصور هيك وقاطع وما باذي انسان بس استقبال الشي وبعثانه لاي شخص اخر هو دعم للفساقه الاعضم وهي توزيع هيك شي
مشكوره والله يحمي الجميع ويبعدنا عن الغلط

ياي شوو مواتر كتيير حلو بس فش تار بلا دوخان

الل بهونا مش عارفه شو اجاوبك امال كفت ووفت
تقبلي مروري

شو حنون يا Twisted Evil

sweet-dark
بس بدل منشهر ونفضح ليش ما منستر ومنرشد على الطريق الصحيح مهو لو ما الشب بيخدع ويلعب بمشاعر البنت وبيستغل سذاجته وهو بيعرف انها مامنتله ما كان صار مع البنات هيك...

مشكوره يا فري عنجد موضوع بستاهل اكبر وارقى وسام...ويا ريت هاي الرساله بتوصل لكل انسان لحتى يوعى ويعرف مدى العقاب لهذا التصرف...فش كلام يوصف اكثر من هيك...يسلموا ايديكي وتقبلي مروري...

اللي بيشهر بعروض الناس بكون بلا شرف وما عندو كرامه
وبعيد كل البعد عن شي اسمو موحد
وكمان البنت اللي تقبل يصير هيك معا بتكون متلو
ما فينا نبري حدا وما فينا نقول البنت عقلا صغير وبينضحك عليها
واللي بساوي هالشي حسابو عند الله عسير متلي متل القاتل والزاني .....

اه بس ليش لنوصل لهون ليش ما بيكون وعي على الاقل من طرف اذا مش من الطرفين...

موضوع: رد الجمعة نوفمبر 28, 2008 12:43 pm

اختي فري وومان انا رايي ان القضية موقضية وعي وعدم معرفة القضية قضية شر وخبث
يعني الشب اللي عبيعمل هيك عارف انو غلطان ومصمم يكفي فيه وهو مو نسيان وجود الله لكنه
ما عنده ذرة ايمان احترام لدينه وربه
انا بقول من واجب الاهل والمدرسة توعي الاولاد والبنات على هاي الاشياء
واكيد هذول الاشخاص ما بيمثلو جنس الشباب والبنت ما بتمثل جنس البنات
لان في من الفئتين اشخاص بمنتهي الوعي والادب والاخلاق
نحنا بهيك مواضيع ممكن نخفف من هاي الحوادث لكن من الصعب نمحيها من كل المجتمع
لان طبع الضد موجود بالعالم مع نقص الثقافة وفي اشخاص شباب وبنات بيعرفو الغلط وبيدوروا عليه
دوار لان تغلبة الشهوة عندهم على عقلهم اللي كان غذائه حرية الخاطئة وعدم انضباط وقلة اخلاق
في اشخاص بالمجتمع بتفكر ان الشب والبنت لازم يتحررو من القيم والتقاليد وبيفكرو المحافظ على عاداتو وتقاليده شخص معقد ومن هون قسم من خراب المجتمع بيبدا لما يذهب العقل من الانسان بدو ينحرف عن المسار

مزبوط كلامك بهاء انا بايدك بالراي شكرا على المرور الجميل...

طيب صار يلي صار بس أنو يصورها ويفضحها ليش
هاي كمان النتيجة السلبية لإستخدام التكنولوجيا العصرية
ملعون أبو البلوتوث

هههههه جبل العرب ارجوك الي عندك طلب لو بتسمح, ممكن تغير الصوره الشخصيه تاعتك؟؟ لانه كثير بتخوفني pale

بليز يعني بس ما تزعل....هي حلوه بس جدا معبره وعنيفه....

هذا الموضوع مكمل لظاهره الحكي عن الناس والتشهير بالي بيوقعو بالغلط
للاسف ظاهره بشعه
بس كيف ممكن نتجنبها

مش بس حطيت سكين في ظهر هذول الاشخاص كمان حملت على حالك ذنوب انت بالغنى عنها
وان كان الهدف هو نشر الوعي لغيرنا بس ليش يكون هذا النشر على حساب غيرنا وان كان ولا بد من التوعية ففي ملان طرق متل محاضرات او ندوات ومش بنشر الفضائح كاساس لامثلة وما بعتقد انو اليوم في انسان بهدف للتوعية وبخاف عغيرو يلي بقوم بنشر فضائح .. ربنا يلي بحاسب بالاخير مش احنا .. واكيد متل هالمواضيع ما بترفع من مقدار حدن لانو مين راح يقدر انسان يلي كان سبب بخراب عيلة كاملة وخراب حياة انسان معين!
يمكن اليوم حدا بعيد عنك بس ربنا ما بترك حدا لو كنت مساهم بمتل هالشغلات ربنا راح يضربك فيها . واللي ما يتقبلو لحالك لا تقبلو عغيرك
وجد كيف قلتي اليوم صار عنا كتير هوين نرد على المواضيع يلي بتخص هالاشياء بس المواضيع التاني منتجاهلها وبكل سهولة
للاسف التخلف العقلي هوي يلي وصلنا لهالحالة .. نسينا انسانيتنا وكل شي وتخلينا عن اهم المبادىء الي ربينا عليها

((((((من ستر على مؤمن في الدنيا ستر الله عليه دنيا وآخرة))))))
الله يحمينا
يسلموو غزل