فارس و فارسة الأحلام ....!

كل فتاة تحلم منذ الصغر بفارس أحلام يأتي على حصان أبيض ليطير بها إلى حيث العيش السعيد الرغيد الهانئ الجميل..الخ.

سؤالي: هل حقاً هناك فارس أحلام يستحق أن تفكر الفتاة به وتنتظر قدومه ؟
أم أن الحقيقة هي غير ذلك خصوصاً في ظل الأوضاع الاقتصادية والاجتماعية التي يعيشها العالم وصار من المجازفة انتظار ذلك الفارس الذي ربما لن يأتي
ما هي صفات فارس أو فارسة احلامك
أرجو مشاركتكم
و شكرا
سألقاكم بعد منتصف الجرح
دمشق 21-5-2011م

سؤالي: هل حقاً هناك فارس أحلام يستحق أن تفكر الفتاة به وتنتظر قدومه ؟
أم أن الحقيقة هي غير ذلك خصوصاً في ظل الأوضاع الاقتصادية والاجتماعية التي يعيشها العالم وصار من المجازفة انتظار ذلك الفارس الذي ربما لن يأتي
ما هي صفات فارس أو فارسة احلامك

برايي انو فارس الاحلام موجود وراح تلتقي فيو كل بنت
حتى لو استنتوا كتير راح ترجع تلتقي فيو
الاوضاع الاقتصادية والاجتماعية يلي بيعاني منها المجتمع قدرت توخذ من الناس كتير اشياء بس الحب شي كبير وما راح يقدر المجتمع يقدر يقيمو من قلب اي انسان لهيك كل قلبين راح يلتقوا رغم كل اللي عميصير في العالم
صفات فارس احلامي .. حنووووون وبيقدر يفهمني .. وبكفيني

يسلمو فجر

شخصيا بامن بالقسمه قد ما تحلم وتطير
وقد ما تخطط للمستقبل ..بالنهايه قسمتك راح توصلك ولازم ترضى فيها
كل بنت بتحلم بفارس احلام وبشاب من الخيال
والمحضوضه عنجد بتلتقي بالفارس اللي حلمت فيه وبتتزوجو
صفات فارس احلامي بحبها تكون
محترم بين الناس خلوق مهذب سند لبيتي ولاهلي
اهم شي يكون التفاهم بينتنا
طرخ رائع فجر يسلمن خيا

موضوع جميل

فارس احلامي موجود الله بعتلي ياه وهاي اكبر نعمه و اهم شيء ابن عالم وناس واخلاقه بتكفيني وزيادي

فارس الاحلام والحصان الابيض وكل هالخزعبلان موجوده
بس عند الفتيات الساذجات الي ما بيفكرو ابعد من حدود متر لقدام..
اهم شي بالشريك او الشريكه حسب رايي هو الاحترام المتبادل
والثقه والتفاهم طبعا مع الحب الصادق ها كله اكيد راح يولد الدفئ والامان للحياه...
يعطيك الف عافيه سؤال حلووو..

فارس احلام او فارسة احلام هي كلها قصص قديمة يمكن كانت موجودة بس بأيامنا هي الفارس او الفارسة هني اللي بقدموا الحنان والحب والاحترام شو نفع الحصان الابيض والقصر بأعلى الجبل اذا ما كانت هي الاشيا موجودي,,طرح رائع يا اخ فجر يسلموا هالديات

وبالنسبة الي مواصفات فارسة أحلامي ( قلبها لكبير وحضنها الدافي وحبها اللي غمرني واللي حاسس بصدقو تجاهي وأهم شي احتراما إلي ) وما بدي غير هيك ..

يمامه كتب:: فارس الاحلام والحصان الابيض وكل هالخزعبلان موجوده
بس عند الفتيات الساذجات الي ما بيفكرو ابعد من حدود متر لقدام..
اهم شي بالشريك او الشريكه حسب رايي هو الاحترام المتبادل
والثقه والتفاهم طبعا مع الحب الصادق ها كله اكيد راح يولد الدفئ والامان للحياه...
يعطيك الف عافيه سؤال حلووو..

الشخص بيصير فارس الاحلام لما بيصير يفرض احترامه على اللي قدامو
ويثق بالشريك ويحبو .. يمكن انت ما سمتيه فارس الاحلام
اما هذا هو الشخص اللي بالنسبة لكل فتاه فارس احلام
لانو البنت ما بتشوف انو فارس احلامها هوي يلي بيعيشها بجنة
هاي عنجد احلام .. بكفي الاحترام والثقة والحب يعملو من الانسان فارس احلام.
وخاصة بوضع مجتمعنا .. كل بنت بتتمنى يوصل لعندها واحد متل هذا ومش اكتر
اما بالنسبة لفارس الاحلام يلي كان من زمااااااان هذا حكي فاضي بجد
ومعك انا 100%

أشكر مروركم المعطر
لكم ودي و احترامي
دمشق 2-7-2011م

تحياتي اخي فجر على هذا الموضوع اللذي يحرك الساكن..
برايي الشخصي انه زمان او اتحول وما بآمن انا بفار الاحلام اللي كانوا بيحكوا عنه..
اليوم بزمن الانترنت والجي بي أر اس.. بتطلب اللي بدك اياه بتحصل عليه.. بيبفي انك تنتقي بعض من الكل ..
فارس الاحلام كان من زمن الجاهلية برايي...
ونحنا اليوم اولاد اليوم.. وانا بحب الواقع وبحب قول بس يجي النصيب منفكر فيه..
تحياتي لجهودك

سلوى
فارس أحلامك قادم من النت
و من التكنولوجيا
و من الموزيلا
و الغوغول
نيالك
مشكورة
لك كل الود و الاحترام
صديقان نحن الى أن ينام القمر
دمشق 2-7-2011م

لا خيي فجر مو هيك بقصد..
بقصد اليوم انا قليل من البنات اللي بيبقوا بالبيت مسكر عليهم الباب وما بيحلموا غير بفار الاحلام اللي رح يجي وينقذهم من العنوسة..
اللي بقصده انا انه نحنا اليوم كلنا عايشين بالحرية الفكرية.. يعني انا وانت وفلانة وفلان وفلان وفلانه كلنا عم نجتمع احيان على صفحة الكترونية..
احيان منجتمع بفرح.. او طرح يبعده عن الجميع...
بالجامعة.. بالمعهد .. بمحل من محلات السوق.. ممكن بالفرن.. وكثير احيان عم تبداء علاقة الحب قبل الزواج بسنوات طويلة...
يعني بالمختصر انه عم عم بيصير برايي ارتباط بين الطرفين قبل بكثير من ما انه تبلش البنت تفكر ايمتى رح يجي فارس الاحلام تبعها وتتخيل كيف شكله.. انه يعني بتتعرف على فارسها قبل ما تفكر فيه..

هههههههههه
صح كلامك سلوى
مشكورة
لك ودي و احترامي
صديقان نحن الى أن ينام القمر
دمشق 2-7-2011م

هههههههههه حلوه هاي يا فجر
تقبلو مروري

لكل فتاة فارس أحلام
و لكل شاب فارسة أحلام
بس أنا فارسة أحلامي وقعت عن الحصان
و تكسرت
ههههههههه
مشكورين
4-7-2011م

هههههههه له له يا غالي معافاي ان شالله جارتنا ولا فارسة احلامك

اي جاره منهن يا عماد؟؟ الي فوق الشارع ولا الي جنب البيت
ههههههه ... ..
بعدين اخ فجر اليوم عصر التكنولوجيا انا بدي فارس احلامي يجي
بسياره بيضا لان معش في كثير خيل...

انشا الله يا يمامة يجي فارس أحلامك
بسيارة ليموزين
هههههههههه
مشكورة على مرورك
لك كل الود و الاحترام
صديقان نحن الى أن بنام القمر
دمشق 5-7-2011م

ما في شي مستحيل بس ادعوا الله اتمما معكن و اصير نصيب
بعدين حسب نوايكم ترزقون
تحياتي خي

كلنا ندعوا يا حبيب
اشكر مرورك

لك طل الود و الاحترام
صديقان نحن الى أن ينام القمر
دمشق 6-7-2011م