على من تقع مسؤوليه هذا الشاب؟؟؟؟؟

[size=18]بسم الله الرحمن الرحيم

قبل يومين شاهدت بمحض الصدفه برنامج على قناه علااقيه, واعتقد ان هذه اول مره ارى هذه القناه فيها
لكن كان هناك برنامجا شد انتباهي وتابعته للاخير..
البرنامج يحث اهل العراق على فعل الخير والتبرع للفقراء والمساكين في تلك البلد..
وحقا لاقى البرنامج اقبال من اهل النخوه هناك وجمع التبرعات كان داعما للكثير من العائلات هناك..
لكن في حاله معينه شدت اهتمامي واردت ان احدثكم عنها واسمع ما عندكم من اراء...
شاب في الخامسه والعشرين اسمه رعد يسكن حي القاهره في بغداد...
مقعد من سنتين اثر اصابه في العامود الفقري ادت الى شلل من صدره وحتى قدميه..
اتلقى هذه الاصابه خلال الدفاع عن بلده وتاديته الواجب الوطني..
هذا الشاب لم يلقى المساعده والعلاج الازم من حكومته مع العلم ان علاجه موجود في دوله اخرى..
لم يزره اي مسؤول
لم يتلقى خدمات للمقعدين..
لم يتلقى راتب يعيش منه..
من اقوال الشاب رعد..
عندما انهيت الدوره للخدمه العسكريه وقف رئيس الوزراء وقال " ابنائي انتم درع العراق وانتم حماة الوطن وكلكم ابنائي
رعاكم الله والوطن"
لكن هل يا رئيس الوزراء تعامل ابنك كما عاملتني لو كنت فعلا تقصد كلمتك هذه لماذا انا اليوم اعيش حياة بائسه وانا في عمر الشباب...
الم ادافع عن وطني العراق اهكذا يكون رد الجميل ان ارمى كالميت وانا ما زلت حيا؟
هل كتب علي ان اتحفظ متل الاطفال واهان واحتاج مساعدة ورحمه اهلي حتى استطيع البقاء حيا " ميتا"...
انا اتقبل امر الله واحمده لكن اين ضمائركم واين انت يا رئيس الوزراء اذكرك باني مثل ابنك وكلمة الحر دين عليه...

ما رايكم في وضع الشاب رعد...
ما هو موقفك من وطن يرد لك الجميل بالقبيح...
وهل هذا وضع جميع الدول مع ابنائها.؟
هل يجب ان نفكر مرتين اليوم لنعرف ونعي من يستحق التضحيه فعلا؟

انتظر الردود بفارغ الصبر...[/size]

انا برايي الوطن ما رد الجمل بالقبيح انما المسؤولين هناك وهذا زي مقلتي شي موجود بكل محل مش بس بالعراق او بدول معينه وهون بفلسطين الوضع يمكن مش احسن من اي محل تاني بس اهون هون على الاقل في تامين للحياه واي تامين البطاله للي مش ملاقي شغل لحد مهني يزبطوله وفي مبالغ لهيك حالات المصابين بالخدمه الوطنيه حتى العائلات الثاكله في الها تامين وهذا بيخلي الوضع اهون من اي محل ثاني
الله يحميه للشب قسمته وبده يتحملها الاهمال من المسؤولين اكيد بيشمل كثير ناس غيره وبالعراق كيف احنا شايفين مش قادرين يحمو الشعب كيف بدن يهتمو بالجنود
مشكوره رايه عنجد موضوع مهم ومؤثر انا كثير شفقانه على الشب الله يحميه ويكون بعونه وبعون كل انسان مثله

الانسان اللي بدو يدافع عن وطنو ما بيستنا مكافئه
واللي بالحرب مش ضامن عمرو
الوطن غالي وبترخص الروح مشانو
بس كمان المسؤولين لازم يقدروا هاي التضحيات اللي بيقدما الشعب........
وضع الشاب محزن بس هي قدرو والشي اللي خسرو مشان ارضو وعرضو
موقفي من الوطن بيضل وطن.........
مش كل الدول نفس الوضع
لا لا يجب ان نفكر مرتين فالتضحيه واحده والوطن واحد.......لا يغني عنه اي وطن

مشكوره رايه عالطرح

ابو فهد اسمحلي اقولك باختصار
الرئيس الحالي سياده تحت سياده
يعني الامريكان عينو silent

مراقب انا ما عم دافع عن المسؤولين بالدوله واصلا كل مسؤول عراقي
معين من امريكه وهي معروف
بس انا عم احكي شو واجب الشخص تجاه بلدو بغض النضر مين الحاكم
مشكور اخي الكريم

يمكن صح زي مقالت أمال..انه مش بس بالعراق منشوف هذا الاشي..انا كثير بشوف بالتلفزيون مثل هاي الحالات.. بس يا امال هون بفلسطين(عرب ال 48) بتلقوا التعويضات تجاه اي إصابه صابتهن... من ناحية اصابة عمل أو اذا بدنا نحكي عن الجنود ..بفكرش انه في جندي تصاوب بالجيش وما تلقى تعويضات يلي تساعده.. أنا بشوف انه الوضع هون أحسن من باقي البلدان ...لأني ولا مره شفت بقناه فلسطينيه شكوى لهيك اشي...بشوف بالقنات العربيه أكثر.. واحنا منغدرش نلقي اللوم لا عالمسؤولين ولا عالوطن لأنه يمكن هيك القوانين عندهن بالرغم من صعوبتها.. الله يكون معه وانشالله حدا من هالمسؤولين بسمعوا وبجربوا يحسنوا وضعهن العيشين فيو.

هون الوضع مو احسن
نحنا منضحك عحالنا ومنقول هيك
بيكفي انه ما في مجال للتهرب من الخدمه الا بالحبس او شهاده 21

برايي كل السياسات الي بالعالم الها ضحايا وهني الشعب ان كان هون ولا برا

انا مو برايك يا امال
لانو انا كيف شايفة الوضع .. جد عيشتنا وحياتنا نحنا بتسووووورى كتير اشياء بالنسبة لغيرنا
صار عنا حالات اصابات بالجيش .. وجنود موحدون كتير يلي توفوا بالحروبات
وما قصروا معهن .. بالحالات يلي عنا في البلد ما في حدن ما اخذ تعويضات ومساعدة
انا بحس حالي عيشيتها هالحالات يوم يوم لانو عندي رفقات يلي اخوتهن توفوا في الجيش
وبالعكس يلي توفوا من 20 سنة بعدو لحد اليوم عميطلعلن تعويضات ومعاش شهري
والمستشفيات عنا والظروف اللي بخصصوها للجندي هي ظرووف كتير منيحة واي شخص بتمناها
والمساعدات اللي بقدموها للجنود يلي بخلصوا 3 سنين .. من ناحية التعليم بالمعاهد العليا والاراضي والتعويضات يلي بطلعولهن
برايي وضعنا يلي نحنا فيه لازم نحمد ربنا عليه ..
واذا التهرب من الجيش .. اليوم بكل سهولة الواحد عميطلع ببروفيل 21 .. ما عاد في شي صعب متل زمان
**********
بالنسبة للموضوع ..
هالشخص يلي صار فيه هيك دافع عن ارضو
والوطن ما في احب منو عالقلب
ما بتوقع في حدن اليوم ما بقبل تضحيتو عشان وطنو
بالاخر ها وطننا يلي حمينا جواتو
ليش لنتركو لما هوي جد بدو وبحاجة النا
بالنسبة للاهمال .. ها " عزارة" للجيش العراقي
لما حضرة الرئيس حكا لازم يكون قد حكياتو
ويعتبرو ابنو عنجد ويساعدو
اكيد مالو حق باللي عملو
بس انا مش شايفة انو لو نفس الشي ص... عنا كان هيك راح يصير
بتوقع كانو قدموا المساعدات كلها

كل شي حكيتو هون من وجهة نظري .. يمكن لكلن وجهة نظر غير
بس انا هيك شايفة الوضع
يسلموووووووو راية

صحيح ما بستنى مكافئه بس بستنى لفته من المسؤولين
لما صار معو مشكله لازم يكوم المسؤول قد كلمتو ويوقف جنبو
ويساعدو بجميع الطرق
لانو دافع عن ارضو وبلدو
هذا اقل ما يمكن بعملوه معو
والحمدالله مثل ما قالت كنار نحنا عايشين بنعمه زايده
وما منقدر نقول الا الحمدالله
يسلمو ايديكي رايوش