عرفنا على صديقك.....

من خلال العنوان أظن أن الموضوع واضح
كل واحد يدخل و يعرفنا على أعز صديق له سواء في المدرسة أو جاره أو على النت.
و يحكي لنا مواقف عن وفاء صديقه أو عدم وفاء ذلك الصديق.و يقدم في النهاية نصيحة قيمة.

أرجو من الجميع التفاعل مع الموضوع.

انا شخصيا راح ابدى ...
انا كثير متعلقه باصدقائي ولمست من خلال معايشتنا مع بعض معنى الوفاء والخوف على بعض والعطاء بدون مقابل, لما كنت امرض كانو يخافو علي اكثر من اختي ولما يحسو اني زعلانه ما يتركوني الا وانا مرتاحه يضلو جنبي كل الوقت,ولما كنت استحلي شي معين وما اقدر جيبه كانو يجيبولي يا بس لانه عجبني وموقف ما بنساه بحياتي لما انخطبت وكنت بدي اتغرب اول ردت فعل كانت انهن حضنوني وبكيو اكثر كن امي (نقو علي وافترقت عن خطيبي Evil or Very Mad

) ههههه لما كنت اغلط كانو ما يسمحولي ولا يجاملوني حتى لو بدي ازعل من كلامهن,انا كثير كثير كثير كثير بحبهن وما بخبي شي عنهن وما بستغني عنهن ابدا ابدا وبحس اني متعلقه باولادهن وبحبهن زي ميكونو اولادي الي...
هذا نوع من الاصدقاء الي انا بعتز فيهن وبسميهن اصدقاء بش في اوع ثاني بيتدعو الصداقه او ما يسمى بيختفو ورا زيف كلمه صداقه وكمان مر معي ها النوع من البشر الي هنه استغلاليين ومتسلطين ما بيهمهن الا رغباتهن وطلباتهن تكون مستجابه حتى لو على حساب راحت وسعادة الغير...
ونصيحتي هيه صديقك من صدقك وليس يصدقك والصديق الصادق لا تتخلى عنه ولا تهمله لانه عنجد بيغني عن اهل...

سلمو
انا فش عندي صديق معين عندي شله على كيفك
اما عندي صديقه عيوني الها قد مهي انسانيه

انا محاطه بالاصدقاء من كل الجوانب يعني كلهم اوفياء ومتوفقه معهم وبحبهم كثير ولما اعطيهم بعطيهم من قلبي وانا من النوع الي ما بجامل( انسان بشوفه ما بستاهل صداقتي بقطع علاقتي فيه بسرعه )وانا نوعيتي ما بحب اظلم يعني ما بحكم عالانسان من غلطه بعامل الكل عالنيات وصعب نلاقي حدا اليوم نيته عاطله بالنسبه الي ما في انسان بيغلط وهو قاصد او وهو عارف حاله عميغلط منشان هيك ما عندي كثير مشاكل مع اصدقائي عندي اصدقاء مميزين كثير بموت عليهم ببلش بالدرجه الاولى عندي اخ بموت عليه بحبه لدرجه اني ما بس ببديه على اخوتي كمان عروحي هذا ما بقدر خبي عليه اشي ههههه حتى مرات بغلط بكون منبه علي ما اعمل هيك انا بغلط وما بقدر خبي عليه بقله دايما صار بعد بيني وبينه مناحيه صداقه عشان اغلاطي الغبيه انا تيسه زعلته كثير بس هو قلبه مثل اللبن بعرف ما بيزعل علي لانه بعرفني ما بقصد ازعله وانا بحبه لدرجه اني لاني بعرف انه بمحنه او مش مبسوط بحزن كثير لدرجه الياس هذا الانسان بيعرف كل كبيره وصغيره بحياتي وهو مش بي اخوي وصديقي كمان هو روحي واغلى منها......
وعندي خاله كثير قريبه منها كمان بحبها كثير كل متروح عشغل بتقلي بروح بعمل فنس بترك الشغل وبتنحس معها من وراي بتترك كمان هياها قاعده بلا شغل اسى ههههههه اما بحبها كثير انا وهي كثير عنا اختلاف بالاراء مرات بصيبنا مثل بجلسات المحاكم بلاقونا متلحمين من النقار بعد دقايق بيجو بلاقونا عمنشرب مته ونضحك زي الهبلات انا هاي البنت ما بعتبرها خالتي بحسها من اقرب الصاحبات لالي وبحبها بزعل لزعلها وبنبسط لفرحها
وعندي صاحبه كثير بحبها شيري هاي انتي يا حلوه بشتقلها كثير وهي بتعرف شو هي الي لك قد مفي امانه بينا بتصدقو انه معي كلمات المرور للمنتديات والايميلات تاعوها يلي عامليتهم في ثقه عميه بينا على فكره كمان مع اخوي وخالتي في ثقه عميه
وفي صاحبه خفيه لحد اسى ما التقيت معها مع هذا بعتبرها من اقرب المقربين الي وبحسها جد مثل اخت الي وبعزها قد الدنيا رغم انه علاقتي فيها ما تعدت الكمبيوتر يعني حتى تلفون ولا مره حكيت معها وعدتني تزورني بس طقعتلي عادت (صح رايه)
وفي صاحبه عشت عمري معها شوشو بقلها كمان كثير قريبه الها

انا بحبب قول للكل شي واحد لو بدي ضل اشرح عن الي حولي ما بخلص اليوم كثار يلي بحبهم وقراب لالي وعملولي جو حلو بحياه مره عشتها انا الحمدالله لله موفقني بكل شخص بعرفه بحياتي كمان انا ما بزعل من حدا لاني بتعامل مع الناس عالنيات وصدقوني ما في انسان نيته عاطله فش انسان بغلط وهو عارف حاله غلطان سامحو حبو من قلبكو وما تحطو بقلبكو زعل هيك كل الناس بكونو الكو صحاب وصدقوني هذا الشي بيعطي فرحه للحياة مهما كانت مره...........................................................................

شو وين الاعضاء ليش ما في اشتراك ؟؟ Sad

اسا بدي اسئل بالاسماء كمان وين الاعضاء

ابن الجبل رايه مراقب ونور وينكوووووووووو

اي امال العمياء علقت انا Mad

ههههههههههههههه
عنجد طلعت عمياء انا

هههههههه يلا بدنا الكل الشجعان يشاركو
لانه بس يلي ما بيتجراو يحكو عن رفقاتهم ما بيفوتو
وين باقي الاعضاء

على فكره انا كثير امور جدت معي وكثير ناس جداد تعرفت عليهم طريق المنتدى صرت انا وهنى رفقه
بحبهم وبيحبوني على ما اظن
راح برجع احكيلكو بتوسع بس لشوف تفاعلكو قبل يلا

بوووووي

اصدقائي كثر احبهم الجميع
فبيننا الاحترام اللازم والمتبادل قائم
وبرايي هذا هو سر الصداقه الحقيقيه

والله في قصص حلوي. بس انو الصداقة عند البنات غير عند الشباب. يعني عنّا مثل ما قال مراقب شلّي ازبط
يعني اذا بدو يسافر عادي واذا مرض عادي منعوض بغيره مش رح الغي مشاريعي واندب بحظي لان صاحبي مرض هههه Cool

شايفي ملا صديق عند الضيق Laughing

فمافي هيك لحظات مؤثرة مثل عندكن ههههه.

الصداقه كلمه كبيره لمن يفهم ويقدر معناها
انا الحمدالله صديقاتي كلن سندوني في اصعب اوقاتي
وكانو جنبي في احلى اوقاتي
والحقيقه انا بحبهن كثير وبحترمهن لانو اثبتو شو يعني صديق
يسلمو

عندي الصداقه كنز
عندي وحدي مقربي مني كثير
حتى بس نجتمع اني وهيي بيقولو هاه جتمعو توم وجيري
وبنقعد نحكي لبعضنا
بس الوفاء من خصالها
والباقي من فتره لفتره حتى لاقيهم

احلى شعور انو نحس روحنا في اجساد غيرنا
بيفهموا علينا عالط... .. بكل وقت هني معنا وجنبنا
من ناحيتي الف الحمدلله عندي احلى صاحبات .. وفيات لدرجة كبيرة .. عندهن قلب بيساع كل مخلوق وما في عندهن مجال للحقد او الانانية .. منتزاعل بس هالزعل ما بدوم اكتر من ساعة .. لانو حتى لو كان بعد هالزعل جدال .. بس هالجدال وظيفتو يصفي القلوب ويرجع المي لمجاريها لانو بالاخير الانسان ما بقدر يعيش بدون اغلى البشر .. فحتى الاخوة بيتقاتلوا يلي ربيوا مع بعض ولو قلت عن صحباتي انون اكتر من خواتي ما بكون غلطانة ..
لو حبيت كلمة صديق كان بسببهون هني واذا حسيت بمعنى كلمة صديق كان لمدى حبي الهن ووفائهن الي
منحسهن عايشين معنا وساكنين فينا .. كانهون الامل الجديد للحياة
مممممممم امي بتقترح علي روح عيش عندهون مرات هههههههههه
واكيد ما بنسى الغالية نووووارة .. عدا عن هذوك في عندي اجمل رفيقة يلي بمووت فيها وبرتحلها قد الدني
بتجنن .. وفية وطيوووووبة كتير واهم شي لزززيزززة وبس اقعد معها ما منعود منهدي ضحكككككككككك
ما في اقرب منها على القلبببببب
اي اي وقبل شوي كنت عندها ووجبولي كعكة وكوولا .. ما قلتلكن بتجننننننننننننننن هههههههههه
نيال روحي عليها
الاصدقاء بعتبرو عهد بين روحين
ولو بقينا على هالعهد منكون كللنا احلى صداقة
ورب اخ لم تلده امك
يسلمو زيزززو