صرخة الشحاد

شحاد يا مين يدلني عحضن دافي
صارلي عمر مش غافي,
ما بدي من هالدني
غير شوية حني ,
دورت بهالدني عالمحبه
ما لقيت غير ناس عايشين بغربه ,
شحاد .. صرخت وناديت
وينكوا يا ولادي
مالي غيركن ببلادي ,
يا خساره ما سمعوني
ولا ردوا جوابي ,
خليكي سهرانه يا عيوني
لانو نسيونا الاحبابي
راحوا كلن وتركوني
من دون اسبابي ,
شحاد يا ناس ارحموني
وشوية محبي اعطوني
عحضن دافي دلوني
وبرموش امي غطوني ,
شحاد..دخيلك يا امي
شيلي عني همي
وبعطفك دفي دمي..
شحاد يا امي برمت الدني
ما لقيت غير
ناس بايعين الخير
وضايعه من قلوبن الحني
شحاد.. لعطفك يا امي حنيت
وعمري لغيرك ما غنيت
شحاد.. رح تعمى لعيون
ويصيبني جنون
ونا دور عحضن دافي
يشي واحد من هالاوطان
يللي عينه عالحقد غافي ..
عالحقد غافي ...

بانتظار ارائكم جميعا وشكرا ...

بانتظار ارائكم يا اخوان ويا اخوات

يسلمو اخي حلو كتير
اذا بتعرفش لمعلومتك كتابك عندي وقريتو ههههههه
يسلمو حلو كتير

يحلي ايامك يا مراقب

يسلمو حلو كثير

شكرا ليا ذوقك الحلو