دمعة وطن ....

ضمت ولدها بايديها
وصرخت اخ وغمضت عينيها
ودموعها سالت عخديها,
قالت: انا يا ابني لجلك ضحيت
وعمري لغيرك ما غنيت,
لكني... مش عارفه شو بني
يا ابني وجعاني
وروحي زهقاني وتعباني,
عذبني هالزمن...
نفسي يضحك هالوطن...
بفتح عيني عالصبحيه
بتدعى للوطن تعود الحريه,
وبقول:" يا ربي انصرنا
عالعذاب والمرار صبرنا,
شبعنا دموع وشجن
شبعنا دمار ومحن "...
خايفه يا ابني عليك
من احضاني ياخذوك
يعذبوك, يقتلوك
ومحمل بتابوت يرجعوك,
حدي دخلك خليك
بوسه بعيونك بعطيك,
دموعي مسحها بايديك
بروحي يا بني بفديك...
رد الطفل ابن العشر سنين
صوته مجروح وحزين:
" لا تبكي يا حانوني
دمعك بيثير جنوني,
دمعتك.. دمعة وطن
دمعتك... بتبكي الزمن..
منك والله ما بزعل
ولو جبروني... عنك ما برحل...
يا امي هالوطن رح يتحرر
وهالزمن رح يتغير,
رح ييجي يوم تفرحي
والدمع عن خدك تمسحي,
هالعذاب رح يصغر
وتقشعيني عم اكبر,
وكل شي بهالوطن اتدمر
رح .. يرجع يتعمر
وحياتك.. رح يرجع يتعمر....[