اسماء معتقلي السويداء - مظاهرة القريا الثلاثاء

:تنسيقية الثورة السورية في : السويداء :: معتقلي السويداء يوم الثلاثاءعلى اثر مظاهرة القريا

1. وسام اللهياني.
2. عامر أبو عسلي.
3. مجد الشوفي.
4. إحسان أبو عسلي.
5. رامز شقير.
6. عاهد السعدي / صلخد
7. رامي مراد / لقريا
8. باسل مفرج / لقريا
9. أيمن أبو صعب.
10. عاهد السعدي.
11.أكرم حمد / امتان
12. صخر حمد الشوفي / صلخد
13. سالم عامر
14. الصيدلاني مجد صياغة / لقريا
15. حسان شقير / القريا
16. ربيع غرز الدين/ صلخد
17 . مروان شلهوب
18 . صياح شلهوب
19. جمال جمول / صلخد
20. حسان ابو اسماعيل / صلخد
21 . أوفا مصطفى الجغامي / صلخد -
22. جبران مراد / لقريا
23 . جبر مراد / لقريا
24 . وجدي شقير / لقريا
الحرية لكم ودها بحريتكم ابدا

اذا الشعب يوما اراد الحياة فلا بد ان يستجيب القدر
ولا بد لليل ان ينجلي ولا بد للقيد ان ينكسر

الله يفك اسرهن جميعا, ويكون معن ...وانشالله تتحقق الحرية بكافة ارجاء الكون
ابتداءا من بلادنا حتى اقصى البلاد...

الله سبحانه يفك اسر كل مسجون

الله يهدي البال ويرجع الخير لكل لبلاد

الله يفك أسركن يا أولاد البلد

ويهونها عليكن

تم الافراج عن الجميع الا عاهد السعدي
متواجد في المستشفى بسبب ما تعرض له
وسيتم فك الاحتباس عنه غدا

الحمدلله على سلامة الجميع
والله يهدي الأوضاع..

الحمدلله عسلامتهم
وان شاء الله بسلامته الشب المريض لسا
وان شاء الله تكون هالشغله نقطة بدايه لنهايه المشاكل وعودة الاستقرار

الحرية لأسرانا

ثورة ثورة حتى النصر

الله محي اصلك أمير

حيا الله بالسباع حمد الله عالسلامة يالنشامة

الله محييكم

اول شي شو سبب الاعتقال اذا ممكن نعرف
لان ها السويدا مو درعا ومو فوار درعا
وانا بعرف بالسويدا ما في فوره يعني اهل السويدا
مو تابعين لامريكا وبريطانيا ومو تابعين للعرعور وخدام والحريري
بعرف اهل السوبدا مع الحق
وبعرفن كمان ما بحبو يدخلو حلف الناتو مشان يقصف بدولتهم
وبعرف كمان هني ضد اي تدخل تركي وسعودي وقطري بشؤون دولتهم
وبعرف كمان هنن ضد الاخوان المسلمين والملتحني الذين لا يريدون
سوا الخراب ولا يريدون سوا ارجاع البلد لعصر الجاهليه
وبعرف اهل السويدا اصحاب نخوه ووطنيين مو موالين
اليوم اجا الشهيد علي خضر شرطي بخدم بدرعا مقطعينو تقطيع الثوار او ما يسمو ثوار
دخلكن ليش مقطعينو كل قطعه لحال لانو موحد مو او شو
ليش عم ينادو ما يسمو ثوار بالمسيحيه ع بيروت وعلويه وموحدون عالتابوت ؟؟؟؟؟؟؟؟؟؟ مليون اشارة استفهام
شو هالثوره اللي عم تقصف وتقتل وتفجر وتقطع وتحرق وتنهب
شو هالثوره اللي بحمص عم يقتلو عالهويه
في فرق كيرررررررر بينن وبين الثوار
بكرا بس يجي حلف الناتو وامريكا انشالله بينبسطو الثوار فيهن
وبيلاقوهن بالورود متل ما لاقو اهل حماه للسفير الامريكي الكلب بالورد
بكفي مزايدات بقا لوين ماخدين البلد

روح عني ياه
و منشان
ليش عم ينادو ما يسمو ثوار بالمسيحيه ع بيروت وعلويه وموحدون عالتابوت
روح لليوتيوب وكتيب هتاف اهل درعا بفداء السويداء
كل القتل منكم
و كل شي منكم وعب تلزقوه بالثوار
واحد واحد واحد واحد الشعب السوري واحد
ولن نقبل بتدخل خارجي

يعني بدك تقنعني انو اهل درعا خايفين عليك وعلى السويدااااااااا
انت عم تحكي جد او ع تمزح

روح نام وشيل التوقيع تبعك احسن ما حط توقيع رد هاه

انا ها توقيعي مقتنع في لو ما هيك ما بحطو
انا تابع لسوريا مو للناتو .....
وعاشق لتراب السويدا
مو لتراب حماه

يا الله قديش صايْره الدنيا غريبه وقديش عم تمر في حياتنا امور هي بمثابة دروس النا لحتى نتعظ ونراجع انفسنا قبل فوات الاوان والا مش رح ينفع الندم ولا كلمة يا ريت..

قبل اسبوع او يمكن اقل كنت أقرا بقسم راية التوحيد النوعي قصيده بقلم ابو سلطان بعنوان "يا بو فهد هذا خويك يحييك", قلت لحالي: يا الله شو هالمحبه والاخوه والصداقه, صارت نادره هالايام, الله يخليهن لبعض.. للأسف الشديد بتفاجأ اليوم ولما فتحت هالصفحه بردود قاسيه بين نفس الأخين, ردود ما بتعرف المحبه ولا الاخوه ولا معنى الصداقه, وكلو عشان شو؟! عشان السياسه, هي الكلمه القبيحه يلي بسببها خرب العالم وقامت الناس على بعضها, حروب وفتن وخلافات عائليه ونزاعات اخويه وكلو لأهداف ومصالح شخصيه انانيه, انا بعتبرها من وساويس الشيطان الله يخزيه, هو بوسوس بعقول البشر حتى يخلف بيناتهم وهيك بيكون كسب اكبر عدد من البشر لناحيته ومش عم احكي عن جهل, عم بحكي من وجعي, للأسف الشديد هذا واقعنا هون كمان, بتلاقي العيله الوحده مقسمه 4 او 5 احزاب والقرايب والاخوه صاروا أغراب والاصحاب صاروا اعداء..

يمكن تقولوا شو حشرها هي ومين اصلا طلب رأيها؟؟ متأسفه اني تدخلت, بس انا بعرف انو ربنا سبحانه وتعالى أوصانا بحفظ الاخوان ولقيت انه من واجبي احكي والا مش رح اكون مرتاحه مع نفسي.. نصيحه اخويه مني خلوا مرجعكوا العقل واخزوا الشيطان وشيلوا السياسه على جنب وبوسوا شوارب بعض هههه, وبتشوفوا كيف بكرا لما الله يفرجها وتنحل الازمه لانها مش أبديه, رح تتضحكوا على انفسكوا وتقولوا كنا عايشين بوهم وانخدعنا بالسياسه.. وصدقوني فش ولا اي شي بهالدنيا الفانيه المارقه مستاهل نقاتل بعض ونخاصم اخوتنا, خلوا الاخوه والصداقه قبل باقي الامور التافهه الخبيثه لان نفوسنا أحق فيها..

خلي نضرتك ابعد
ونحنا عم نكتب الردود هون
كنا عم نتمايع ونضحك بالمسنجر
انا وابو فهد
يعني شو ما صار نحنا اخوة ووما منتفرق
مجرد حدة بالكلام دايما بتصير
بس ابو فهد ها الشبيح حبيب قلبي هههههههههههه
يعني يلي متوقعتيه غلط خيتي

ههههههههه
اهلين ابو سلطان
يعني فكرك انه عم تقاهرني وتبخسني بهالحكي!؟
والله انا بسعدني انكوا كنتوا تتمايعوا وتضحكوا بالمسنجر
صدقني هذا يلي بدي اياه
بس الظاهر ما بتستاهلوا الواحد يتضايق ويوجعه قلبه كرمالكوا
الله يسامحكوا يا خيي..

الحريه لكل انسان هي مطلب وحق اساسي بعيدا عن السياسه الله يرجع كل غائب لاهلو

بنت الجرمق يا اختي وانا عم اقرا كلامك
كنت كتير مبسوط " حفظ الاخوان " الله يخليكي يا رب
صدقيني مهما صار ولو كان في اختلاف بالراي بيني وبين علاء
بيضل ها اختلاف بوجهة نظر بتصير بين اي حدا
بس هو خيي
بس حكيك بالتعليق التاني ما عجبني
وعلاء مش قصدو انو يقاهرك هو عم يبينلك انو
مهما اختلفنا بالاراء بس الجوهر واحد
وبالماسنجر كمان منختلق متل هون بالراي
بس باخر الكلام منتفق بالمحبه
يسلمو كتير بنت الجرمق كلامك كان جواهر

يا ريت ما عاد نتناقش هون وخلص بس يلي بدو يحط وجهة نضرو بموضوعو وخلص

لانو اذا بعد تناقشنا راح يزعل البعض مني
معش متحمل لانو

سدقوني يا جماعة اي شي بيصير بتلاقو شباب سويدا ايد وحدي وما بيفترقوا حتى لو كانت الأراء متعددي بس لما الشغلي توصل لحدود سويدا ما بضل سبع الا وبيطلع يحامي عن الارض والعرض من كبيرهن لصغيرهن
وهي النقاشات بينسوها لما الشغلي بتوصل لأنو لواحد يطاول على خي التاني ..

لمهم النخوة تبقى موجودي واهم من هيك ما نأمن لناس معروف اصلن ومعروفين مين هني .. الله يبعد حقد الناس عنا
ويجيرنا من الاعظم لأن ناس كتير لو بيطلع بإيدا تاكلنا بأنيابا ما بتقول لأ ورح يبينوا شوي شوي ..

ربي يشفي المريض

ويحميكو جميــــــــــــعاً