الفتاة الموحدة اين هي من الحظارة او الانفتاح و الرقي و ما نظرتها و ما تجهله .. هام للنقاش

اختي فري شكرا لكي
اخي الغالي حبيب القلب سمير
كلامك حلو
بس كيف انا مو ضد تحرر المرلة بس مو مع التغرير فيها من شان الرجبل و متعته
ليش لنقللها انو حلو المراة تتحظر
منشان انو نشوفها بملابس خليعه مثلا
ليش عاملين اللبس باب الحظارة الواسع و الثقافة و الرقي
اخي مجتمع راقي و بيحقلها بس لازم تفهم كيف بتكون النظرة الها
و انا بتحداك تحدي
انو انت اذا بتمر من جنبك بنت لابسي لباس خليع و ما تاكلها بعيونك
لا مش بدافع النظر بس هيك طبيعة الرجل
و الشي الثاني انو الاهم يعني بدينا و تقاليدنا ممنوع هل شي
فكيف بنا نخلي بناتنا و ة عرضنا يختارو هل باب للرقي و الحظارة
ما احلا البنت تكون محتشمة بكل مكان و راقية و متعلمة و فهمانة
ايدها بايد الرج بس ما تعطيه الفرصة انو يغتابها و ينظر لجسدها منشان تكون ارتكبت اثم على حالها و هوي عمل عيب و حرام
ليش منفهم انو اذا المرئة بدها تتحرر لازم يكون لبسها زاحط
شو يعني ها دليل الحظارة و الرقي
في المجتمع العربي في قمة من النساء المثقفات الواعيات القياديات في جميعغ المجالات
ولاكن كان لباسهم محتشم
بس انا بخص الموحدة المسيحية الهون معتقداتهون
و هذول و هذول الهون عاداتهون و نحنا النا عاداتنا
و بنتنا متل المراي ما بيصير يجي عليه بخار الماء
التحرر جميل للمرئة بدون الدخول بغير علم بباب رغبة الرجل
فها الشغلي لا مش تحرر انو تعرض جسمها للرجال لا عيني
هاي رغبت الرجال
ايوة ليش لنضحك على بعض اني و انت رجال
و لازم بنات الموحدات كلهون يوعو لهل نقطة و يركزو عليها كثير كثير
لان كل بنت عرضنا و اختنا
و بنت عمنا و دمنا
تتحظر و تساوي يلي بدها ياه بعيد عن ايقاع الرجل الها في شراكه
الي احداها التحرر باللبس اول خطوات التحرر
غلط و صلب الغلط
__________________________________
الاخت الغالية امال
انا فخور فيكي
جدا جدا جدا جدا
كاخت راقية مثقفة واعية تفهم شو تحكي و شو تتصرف و بتعرف تحلل الامور بطريقة ممتازه
الله يكثر امثالك و يحرسك من كل عين

amal كتب:

لا ما في استبداد

ما في منطق لعرض الجسم واللبس الخالع هو عرض للجسم بكل ما للكلمه من معنى انا بجن من البنات الي بتعرض بجسمها في كثير اواعي حلوه ومحتشمه

انا حسب رايي منشان هيك المره كل عمرها لازم تقعد بالبيت ويقولولها سكتي لانها عنصر حساس وضعيف تركوها بالمساواه تطالب صارت تقلل من قيمتها وتعرض بجسمها وفهمت معنا التطور والانفتاح باللبس الخليع والفتاحه الفارغه كل فرصه بتتاح للمراه بتبين حالها قبل اعمالها وهذا غلط الاعمال تخلد الانسان مش اغرائاته

وكما قيل
ان ساوى الرجل المراه بنفسه فهي قد سبقته

واخي سمير المراه تتعيش مبسوطه ما بيجبرها تعرض جسدها واذا احترمت لبسها وشوي ن تصرفاتها ما بيعني انها مظلومه هيانا عشنا انا وخواتي ببيتنا مع ابوي واخوتي اسعد ناس واحلا عيشه بحياتو ابوي ما صيح علي ولا اهاني باي نوع من انواع الاهانات ومع هذا عايشه ولبسي منيح ومحترم

المراه خلقت لتكون ام ومش عيب تكون عامله ومتعلمه بس العيب انها تنحرف مع الايام وتنغمس بالعولمه تختلط بالامور الي بتقلل من احترامها واهم شي شغلت اللبس لانها عباره عن عرض للجسم

مشكور خيي موضوعك رائع انا هاي وجهت نظري انا معقول صح ومعقول غلط بس هاي مبادئي وهذا تفكيري
ولي عوده مع باقي الردود

تحياتي آمال.. ومشكورة عالرد الحلو والسلس..

لكن جوابك هو تأكيد لوجهة نظري.. اللبس الخالع هو مرتبط بنظرة المجتمع له.. وللي مسيطر على هالمجتمع.. هو الرجل (الذكر).. للي ضمناً بيعمل ال 7 وذمتها بأميركا.. بس هون بيعمل حالو مثل كأنو حمل بلا دنس..

رح قول شغلة.. مش مهم اللبس أو طريقة اللبس.. هاي في مناطق بالجبل أغلبها عالـ ميني جوب.. أو الـ تي شيرت.. وما حدا عم يطلع.. هيدي إيطاليا.. كل تماثيلها عراة.. ما في إيطالي بيطلع فيهم.. إلا العرب.. قولي ليكي.. العرب يزقو عقلاتو إذا شاف فستان على مكنسة.. كيف لو شافو على جسم امرأة..

هون المشكلة.,. العين الشبعانة ما بتطلع بشي.. وكمان شغلة.. قدرة البنت بإثبات نفسها بأن تكون مستقلة بشخصيتها.. وقادرة تفرض نفسها من خلال قدراتها الخاصة...

لنوصل لهالشغلات.. بدنا وقت كتير.. بدنا مساواة على مستوى القانون بين المرأة والرجل..

يحرق حريشها ملا شغلة.. شهادتين 2 نسوان معهم دكتوراه بشهادة زبال أمي ..

مأأأأأأأأأأأأساااااااااااااااااااااااااة..

amal كتب:

انا تفرض احترامي مني نحاجه لمساواه
واللي بيخوث لما يشوف فستان عمكنسه كيف عمراه هذا انسان من الف انا ما بحكم على مجتمع من فرد

الموضوع مو مساواه ومو رجال الموضوع اللبس الخارج عن العادات وهذا الشي المرفوض

حتى لو كل البنات بالطائفه انغمسو بالعولمه ودارو عاللبس الخالع راح يضل انسانه على عاداتها وهي طبعا انا لاني بعرف حالي ممكن كون ملكت الدنيا وانا محترمه حالي وما عم اعرض بجسمي

بحكم من منطلق نفسي وافكاري ومعيشتي

النقاش قسمين قسم شخصي هو وجهة نظرك وبحترمها وبحطها عالراس وبالعين.. وفي قسم عام.. هو فكرة الموضوع... وهيدي للي لازم نناقشها بموضوعية..

الأفكار للي عم تقوليها هي أفكار شخصية.. جايي تعبير لقناعاتك الخاصة للي مش بس بحترمها.. بقدسها كمان.. لكن يا آمال هالأفكار ما بتلزمني إني آمن فيها.. مثل ما أفكاري ما بتلزم غيري يؤمن فيها..

منشان هيك لازم نلاقي منطقة وسط للنقاش بين الخاص والعام.. ونقدر نلاقي حلول..

يا آمال.. بتعرفي إنو يوميي بعد بيتنا ببيروت.. في دار الأيتام الإسلامية.. يوميي عم يتلاقى طفل مولود جديد عم ينرمى على بوابة الميتم..

عندي بالموقع.. طرحت فكرة التبني في الإسلام شعلت.. وما عادت تهدا..

في واقع عم يفرض نفسه يا آمال.. ولازم نفهمو ونلاقيلو حلول.. لأن إذا عارضتي .. صوتك ما رح ينسمع.. لأن موجة العولمة كاسحة الكل..

لكن إذا تعاونا ولقينا حلول عقلانية.. تأكدي ممكن نخفف كتير من هالنزيف.. أو حتى نوقفه ..

بالنهاية... الرفض هو إيجاب مقلوب يا آمال.. ناتج عن ردة فعل.. والمفروض نحنا نكون الفعل...

صرلنا 1500 عايشين بـ ردات الفعل... صار لازم نلاقي حلول لمشاكل شبابنا وبناتنا..

العصر تغير.. قال جبران عبارة كتير حلوة بكتاب "النبي": "أبناؤكم ليسو لكم إنهم أبناء الحياة.."..

تحياتي الكبيرة آمال..

هاه شفت يا اخي الكريم انت قلتها المجتمع بنا كثير لو نوصل
بس يا ترى لو صلنا هل شي بيسمح نترك تقاليدنا و عاداتنا مع اني واثق
ما راح نوصل و لا في رجال بيغير نفسو
على وجه المعمورة
يعني ان وصلنا او ما وصلنا في ضوابط و لازم البناة تتحلا فيها
لانو بهل شغلي انت عم تطلب الكمال بالرجال
و هل شي مستحيل
ان رحنا و ان جيني و ان تثقف الرجل لاعلى مستوى
بيضل بيجذبو جسد الفتاة يا اخي
و هون اذا البنت اتمسكت بعاداها و احتشامها
اولا قلب الحرية في اختيارها
و رمز لقوة شخصيتها
و بتتجنب غضب رب العالمين يوم يجي الحساب

نقطة بسيطة اخ سمير
ارائنا هذي مش الزام لحدن
لا لا بس توضيح للحقيقة المزيفة باسم حظارة و رقي و تطور

ابو سلطان كتب:

هاه شفت يا اخي الكريم انت قلتها المجتمع بنا كثير لو نوصل
بس يا ترى لو صلنا هل شي بيسمح نترك تقاليدنا و عاداتنا مع اني واثق
ما راح نوصل و لا في رجال بيغير نفسو
على وجه المعمورة
يعني ان وصلنا او ما وصلنا في ضوابط و لازم البناة تتحلا فيها
لانو بهل شغلي انت عم تطلب الكمال بالرجال
و هل شي مستحيل
ان رحنا و ان جيني و ان تثقف الرجل لاعلى مستوى
بيضل بيجذبو جسد الفتاة يا اخي
و هون اذا البنت اتمسكت بعاداها و احتشامها
اولا قلب الحرية في اختيارها
و رمز لقوة شخصيتها
و بتتجنب غضب رب العالمين يوم يجي الحساب

تحياتي أبو سلطان..
العادات والتقاليد يا أبو سلطان.. بتتغير من عصر لعصر...

رح خبرك شغلة..

عماطور كانت أول ضيعة بينعمل فيها دار للأفراح والأتراح.. صاحب الفكرة هو سماحة شيخ العقل السابق المرحوم محمد أبو شقرا.. أول ما طرح الفكرة.. وقامت قيامة المشايخ وأهل الضيعة.. يومها كان عنا مشايخ منيح.. هلق انقرضوا تقريباً.. وبعد ما تعمر دار.. مات شخص قريب لنا.. وأهل الفقيد طبعهم متحرر.. فقرروا يعملوه بالدار وكانت النتيجة ما إجا حدا..

بعد فترة... صارت الناس تعتاد عالفكرة.. ووصلت المسألة إنو كل شي صار ينعمل بهالدار.. محاضرات.. ندوات.. لقاءات ثقافية.. أمسيات شعرية.. +++ أفراح (عقبال العاوزين عندكم) وأتراح (الله يبعدو عنكم)..

كل شي بيتغير يا أبو سلطان.. ما في بهالدني ثابت.. التغيير مش عيب.. العيب إنو يصير في تغيير بس نحنا نضل عالهامش.. وما نأثر فيه..

المصيبة أن العرب عالهامش.. لهالسبب بيتأثرو وما يأثرو.. والأسوأ ما بيعرفو يلاقو حلول لمشاكلهم.. يبلشو ندب وبكي وزعيق وصريخ.. بس إنو يحكو عقولهم ليلاقو حلول.. هيدا ممنوع.. لازم تبقى العادات.. وفوووووووووووووق الخيل فوووووووووووووووق الخيل شد الهم شد الحيل فووووووووووووووووق الخيل.. وناسيين إنو صار في صواريخ نووية.. وناس عم ترقص عالقمر والمريخ.. ونحنا بعدنا فوق الخيل..

تحياتي شريك.. واحكيني بأقرب وقت..

amal كتب:

أبناؤكم ليسو لكم إنهم أبناء الحياة.."..

صح كلام جبران لحد هون بس ما كملها وقال انه كيف بتربى الولد هو مسئولية اهلو انهم يكبرو يعلمو لينطلق من عندهم للحياه انسان بناء يعطي ويفيد وما يضر ويئذي

وانتي قلتها كل يوم ولد بينرمي على الشارع منوين جاي هالولد من بنات غلطانه وعمتداري غلطها بوجه غيرها بس الحد من هذا الشي ما بينوجد باننا نتجاهله او نتعايش معه اذا انا بدي اسكت وانتي تسكت وكل شخص يسكت معناها تعايشنا مع الوضع وهذا بيزيد الطينه بله حتى لو صوتي راح يكون الوحيد الطالع وما حدا يسمعه راح ضل جرب منغير ياس لانه واجبي لما شوف الغلط قول هذا غلط واعطي رايي محاوله لايقافه حتى لو ما عندي امل انه انسمع ويتصلح اي امر

وعشان الموضوع
قالو للمراه البسي تنانير طويله احتجت قالولها مسمحلك بنطال صار بدها شرط واذا بتحصل عليه راح تطمع باكثر كمان زي الي لبست كم طول قالت بدي نص قلولها ما فيها شي وينا اليوم مع الشيالات صرنا

انا معك في واقع عميفرض نفسه لاننا احنا ساكتين وسامحينله يدخل حياتنا ويفرض حاله عمعيشتنا بس اذا صمدنا براي واحد وايد وحده احنا منفرض حالنا على هذا الواقع ومنصلح كل شي
يا سمير ممكن ما يطلع بايدنا شي وممكن ننجح ونفرض عاداتنا اذا نجحنا منكون حافظنا على كيانا واذا ما نجحنا منكون عالاقل حاولنا وواجهنا
افضل الموت بالمعركه على الحياه بجبن
وصدق يا سمير طائفتنا اكثر طائفه متماسكه مش لانه القيادات قويه بس لانه حكمتنا العادات والتقاليد الي خلتنا نمشي على مبدء واحد وطريق واحد واليوم بهاي الامور عمنرجع عن عاداتنا وهاي بدايه لتفتتنا لازم الكل نكون ضد الانحراف والخلاعه ونحافظ على الفتاه من نفسها وغرورها الي بيخليها توصل لدرجة عرض الجسم باللبس او اي شي تاني وهيك بتاذي حالها وخصصت البنت لانها مش بس فتاه عاديه هي ام للمستقبل ترعى اطفال منطلقين للحياه اذا كان الغلط فيها بيكبرو على اساس ومفاهيم غلط البنت عنصر حساس لانه منها بس عن حالها مسئوله كمان هي ربت الاجيال الي بتكبر الجيال الصاعده وبتعلمهم بالحياه

سلملم يا آمال.. كلامك بالكامل صح... بس أنا بطبعي بؤمن بالمساواة.. ورح جاوبك بشغلة واحدة.. مش مهم يا آمال التنانير الطويلة والشورت.. للي عقلاتو طوال ما رح تفرق معو شو لابسة البنت.. بالنهاية يا آمال.. الإنسان على قد ما بيعرف يفكر.. وكل ما يعرف أكثر يزيد تفكيرو أكثر.. لهالسبب اسمنا بنو معروف.. يعني أصحاب المعرفة.. وأصحاب الخير ..

يا آمال بمجتمعنا في واقع بيوجع.. يبلش بالنظرة الدونية للمرأة.. وينتهي بالنظرة للمرأة إنو هي مريم العذراء..

والمصيبة يا آمال.. بكل هالشغلات المرأة ما لها رأي..

هلق أنت عم تحكي لأنك بنت القرن ال 21.. بس بتتخايلي ستي أو ستك بتسترجي تحكي هالحكي.. تروح ذبح..

اخواني اخواتي, ما في حرية خارج حدود الدين.. انسان مميز بعقله وان ما استعلمه بينزل بمستواه للحيوان. و خارج حدود الدين بصير الانسان اسير لشهواته و غرائزه و بي حوّل النعم يلي انعمها عليه الله تعالى الى لعنة.

في تاريخ مصر ايام الدولة الفاطمية منع الحاكم بامر الله بيع القباقيب لعدم خروج المرأة في تلك الفترة بسبب الفساد الذي كان موجودا بمصر. ومنع البياعين من اليع داخل المنازل. وامامنا الهادي عليه السلام قد امر بلباس للمرأة المحتشم وجاء الدين يامر بل معروف و ينهي عن المنكر... هذا الدنية ملك العقل وهذا امر من مولانا ( يا ايها الذين آمنوا لا ترفعوا اصواتكم فوق صوت النبي) البنت الموحدة هي اشرف و اطهر هن الوقوع في هوى هذة الدنيا و استعراض جسدها و العياذ بالله.. وعلى الرجل ان يحكم عقله و لا ينسى ذكر الله (ربنا لا تؤاخذنا ان نسينا ذكرك).

وبما يقول مولانا المسيح سلمت جسدي الذي تنمو به روحي لترتقي بما كسبت من علوم جرمانية و روحية و كل انواع العلم... يعني على المرأة و الرجل التقدم في هذا الحياة من خلال العلم وليس لميول الى ابليس لعنه الله الذي يمثل الفساد و الجهل.. وكلنا منخطء.

بس النسان مخيّر كل نفس تحاسب على ما كسبت. يعني البنت يلي ما بدها تلتزم بقوانين التوحيد فهي ليست بموحدة و لا بمؤمنة و اهل الدين يجب ان يتبرئوا منها لكن لا يحق لنا الاذية او القتل او الحساب او الاعتداء باي شكل من الاشكال.. نتكرك العقل الكلي يقرر مصير المؤمن ومن نكث و من كفر وما هو الحساب هذا ليس من شئننا.

دعني ايها الاخ نور الدين
أقف باحترام لما كتبت من رأي رائع بل فوق الرائع و انا من مؤيدين كلامك مليون بالمية يا غالي
و مش غلط انو الانسان يرجع عن غلطو و يحاسب نفسو
يا عمي بدون ما يحاسب
بس يتراجع يشوف وين الصح و وين الغلط
أن تصل متاخرا خيرا من ألا تصل أبدا
شكرا لرأيك الصريح الواقعي الجميل
و بتمنى لو بعد عندك شي تقولو ما تتردد

نور الدين كتب:

اخواني اخواتي, ما في حرية خارج حدود الدين.. انسان مميز بعقله وان ما استعلمه بينزل بمستواه للحيوان. و خارج حدود الدين بصير الانسان اسير لشهواته و غرائزه و بي حوّل النعم يلي انعمها عليه الله تعالى الى لعنة.

في تاريخ مصر ايام الدولة الفاطمية منع الحاكم بامر الله بيع القباقيب لعدم خروج المرأة في تلك الفترة بسبب الفساد الذي كان موجودا بمصر. ومنع البياعين من اليع داخل المنازل. وامامنا الهادي عليه السلام قد امر بلباس للمرأة المحتشم وجاء الدين يامر بل معروف و ينهي عن المنكر... هذا الدنية ملك العقل وهذا امر من مولانا ( يا ايها الذين آمنوا لا ترفعوا اصواتكم فوق صوت النبي) البنت الموحدة هي اشرف و اطهر هن الوقوع في هوى هذة الدنيا و استعراض جسدها و العياذ بالله.. وعلى الرجل ان يحكم عقله و لا ينسى ذكر الله (ربنا لا تؤاخذنا ان نسينا ذكرك).

وبما يقول مولانا المسيح سلمت جسدي الذي تنمو به روحي لترتقي بما كسبت من علوم جرمانية و روحية و كل انواع العلم... يعني على المرأة و الرجل التقدم في هذا الحياة من خلال العلم وليس لميول الى ابليس لعنه الله الذي يمثل الفساد و الجهل.. وكلنا منخطء.

بس النسان مخيّر كل نفس تحاسب على ما كسبت. يعني البنت يلي ما بدها تلتزم بقوانين التوحيد فهي ليست بموحدة و لا بمؤمنة و اهل الدين يجب ان يتبرئوا منها لكن لا يحق لنا الاذية او القتل او الحساب او الاعتداء باي شكل من الاشكال.. نتكرك العقل الكلي يقرر من منا مؤمن ومن نكث و من كفر وما هو الحساب هذا ليس من شئننا.

خيي نور تحياتي.. ردك كتير حلو ومميز... وعجبني... وبدي ياك هيك على طول تحب النقاش وتقدر تحاور..

بس في كم كلمة صراحة ما عجبتني.. إنو خارج الدين يصير الإنسان أسير شهواته وغرائزه.. هيدي اسمحلي فيها..

يعني هلق بدك تقنعني إنو الحروب الصليبية كانت صح لأنها تحت عباية الدين.. إذا بتقرا التاريخ.. رح تلاقي كل شي أو الأغلب صار تحت ستار الدين..

هينا نحنا بلبنان.. في قوانين وماشي حالنا.. الفساد هو بتطبقيها.. وهاي الشباب والصبايا بإسرائيل وسوريا.. بس حدا يغلط.. يوووووووووبي بتجي الشرطة بتكمشو.. بس إذا بخبرك شو عم يصير قصص باسم الدين.. تأكد بتصير ختيار أنت وشب..

بالنسبة للقبقاب.. بعدو قبقاب غوار عم يطقطق ب صح النوم..

أما قصة سلمت مالي وجسدي.. فهيدا بدو موضوع نقاش كاااااااااااامل.. هلق معجوق بالانتخابات.. وبعدها منفتحو..

سلامات..

اخي سمير كلام الاخ نور الدين ما فيه غلط
و ان كان شغلات صارت تحت ستار الدين اني بايدك
مش انو نمرق التسيب و الغلط عا اساس انو بنا نقتل الحرية تحت ستار الدين انا هيك بفهم من حكيك ليش بس يدق الكوز بالجرة تحت ستار الدين
في شي اسمو حق
و برايي الحرية بتحدها من اليمين الجنة من اليسار النار و غضب رب العالمين من امامها الشيطان و من خلفها ملائكة الخير
هيك اني بشوف الحرية
مش انو اذا بنا الحرية تكون صح بنكون بنا نقتلها تحت ستار الدين هذا غلط و اخراج للموضوع عن لبه و صلبه
تحياتي الك لانو نحنا بنا الصح يبين مش نشوه الحقيقة و لو كان طعمها مر لازم نعرفها
لان بلاخر بس شوف بنت لابسة لباس مش كويس
و شوف بنت لابسة لباس محتشم
بقول ببالي الله يلعنك للي لابسة لباس مو محتشم
و بقول الله يحرسك و يكثر من امثالك و يثبتك على دينك
و بحيي قدرتك على مواجهة الفتن و الغلط
للي محتشمة
و الله يوفق لبنان بلانتخابات و يحرس كل شعبو

ابو سلطان كتب:

اخي سمير كلام الاخ نور الدين ما فيه غلط
و ان كان شغلات صارت تحت ستار الدين اني بايدك
مش انو نمرق التسيب و الغلط عا اساس انو بنا نقتل الحرية تحت ستار الدين انا هيك بفهم من حكيك ليش بس يدق الكوز بالجرة تحت ستار الدين
في شي اسمو حق
و برايي الحرية بتحدها من اليمين الجنة من اليسار النار و غضب رب العالمين من امامها الشيطان و من خلفها ملائكة الخير
هيك اني بشوف الحرية
مش انو اذا بنا الحرية تكون صح بنكون بنا نقتلها تحت ستار الدين هذا غلط و اخراج للموضوع عن لبه و صلبه
تحياتي الك لانو نحنا بنا الصح يبين مش نشوه الحقيقة و لو كان طعمها مر لازم نعرفها
لان بلاخر بس شوف بنت لابسة لباس مش كويس
و شوف بنت لابسة لباس محتشم
بقول ببالي الله يلعنك للي لابسة لباس مو محتشم
و بقول الله يحرسك و يكثر من امثالك و يثبتك على دينك
و بحيي قدرتك على مواجهة الفتن و الغلط
للي محتشمة
و الله يوفق لبنان بلانتخابات و يحرس كل شعبو

تحياتي أبو سلطان..
أول شي وين شفتني سبيت؟؟!!!!!!!!

أنا انتقدت.. وحبيت وضح هالفكرة الشائعة السائدة بعقول الناس للي بتقول.. إنو كل شي جوا الدين مغفور.. وخارج الدين يا لطيف فساد وانحلال أخلاقي.. وانهيار تربوي.. وخلاعة بالـ نايت كلوب.. حبيت قول هالفكرة غلط.. لأن الناس للي بتعاد عالشغلة.. صعبة تقنعها بالعكس..

عم قول خلي الدين رباني.. بعد الموت.. قبل الموت منحك عقولنا ونستبط قوانين لتحسين حياتنا..

الدين شغلتو مثل ما قال جنبلاط: يوصل الإنسان عالسما.. عالأرض منخضع لقوانين الأرض وبالسما منخضع لقوانين السما.. وما لقيصر اعطه لقيصر وما لله اعطه لله..

هالتبولة يا صاحبي بين العلم والدين والقانون والتربية والأخلاق والثقافة والمجتمع والبيت.. عم ينتج عنها إنسان مشوش مفكك.. ضايع.. يا محلا الخلاعة حدها..

بيجي صاحبي مستقتل بدو يقنعني أن هالنظرية العلمية لا تتعارض مع الدين.. وبعد كم أسبوع هالنظرية تسقط لأن العلم يتطور.. تجي نطرية ثانية تناقضها.. وتقول شغلات متناقضة مع الفكرة الدينية السائدة.. وهون صاحبي عقلاتو يطيرو من مكانهم... وينزل مسبات وتكفير بأميركا..

رح يقضوها العرب هيك يا أبو سلطان.. هبة سخة تاخذهم وهبة باردة ترجعهم.. مثل المرجوحة.. ضايعيين ومضيعين العالم وهالناس وهالشباب معهم..

سلامات..

وك مين قال سبيت قلت تسييب يعني انحلال طول بالك ههههه

بس انا بعترض بشدة بعرف انو مش راح نتفق نحنا التنين لانو تفكيرك علماني
بس يا اخي غلط فادح نقول الدين بالسما
طيب بالسما شو يلي بيوصلنا للجنة
ليش الله نزللنا الدين بلارض ليش
منشان نكبو ما نلتفتلو
ما نتمسك فيه هل حكي بالنسبة الي مرفوض
نحنا موجودين بهل ارض لسبب
و في شي اسمو الدين لازم نتمسك فيه الشغلي مش لعبي
مش عيش حياتك و اتركها
و بلاخرة بالسما شو بدك ترجع تتمسك بالدين لحظة الحساب
بيكون الوقف فات
و يلي ضرب ضرب و يلي هرب هرب
الاخرة ثواب و عقاب
مش دين
الدين هون حياتنا بالدنيا و نحنا كا موحدون لازم نتمسك بهل شي
و قلب الغلط تقول الدين بالسما
و مش بلارض

ابو سلطان كتب:

وك مين قال سبيت قلت تسييب يعني انحلال طول بالك ههههه

يااااااااااااااا خيييييييييييي أنااا بعتذر منك.. الحق عالخط صغير وأنا معي ميوبي..

سامحنا.. وبسكوت وراحة وصافي يا لبن حليب يا قشطة

ابو سلطان كتب:

بس انا بعترض بشدة بعرف انو مش راح نتفق نحنا التنين لانو تفكيرك علماني

العلمانية ما خصها بالدين ولا حتى بتتدخل فيه.. بتقول شغلة رجال الدين للدين.. وشغلة رجال العلم للعلم.. وشغلة رجال السياسة للسياسة.. يعني التبولة الفكرية ممنوعة بالفكر العلماني.. بيقدر شيخ الدين يحكي سياسي.. لكن ضمن إطار القانون.. وإلا يتلاحق من القضاء وينحط بالحبس..

بس يا اخي غلط فادح نقول الدين بالسما

ليش؟؟؟؟؟؟ إنو الله أرسلنا عالكرة الأرضية؟؟ ليش؟؟؟؟ لنلعب بليارد؟؟ أكيد لا.. أرسلنا عالكرة الأرضية لنسكتشف الأرض.. يااااااااااااااا أبو سلطان. سلطان الغالي.. اسأل راية.. متخصصة رياضيايات.. كل معادلة بدها شهر للمخ يهضمها... يا أبو سلطان.. نحنا على قوانين ما قادرين نفهمها.. بدك هلق تحكيني بالسما ومن دون قوانين منطقية مفهومة؟؟؟ .


طيب بالسما شو يلي بيوصلنا للجنة

كل مين يقلك شكل.. بالتوراة شكل.. والإنجيل شكل.. وبالقرآن شكل.. وعند بوذا شكل.. وعند كونفوشيوس شكل.. وعند لاوتسو شكل.. وبالفكر الشيعي تفسير شكل.. وعند السنة شكل.. وعند الإسماعليين شكل.. وعند البهائيين شكل.. يعني صارت القصة جنان.. مش جنة بس

ليش الله نزللنا الدين بلارض ليش

لأن التجارب التاريخية عم تثبت فشل هالفكرة.. هيدي السعودية.. وأنت أدرى الناس.. وهاي إيران.. نسبة الإدمان عالمخدرات هونيك دوبل عن الأميركان قياساً بعدد السكان.. أفضل شي الدولة المدنية.. للي الكل يخضع لنفس القانون ونفس المعايير..

منشان نكبو ما نلتفتلو

ما قلت هيك أنا.. أنا قلت إنو مش لازم يدخل بتفاصيل حياتنا اليومية.. يعني كل ما قلبك دق لشي بنوتة تروح لعند شيخ يفتي لك إذا هالدقة شرعية أو لا..

ما نتمسك فيه هل حكي بالنسبة الي مرفوض

الاختلاف بالرأي لا يفسد للود قضية..

نحنا موجودين بهل ارض لسبب

مزبوط

و في شي اسمو الدين لازم نتمسك فيه الشغلي مش لعبي

في فرق بين تتمسك بواحد بخوانيقو وبين تمسك يده بعطف وحنان..

مش عيش حياتك و اتركها

مش ضروري تتركها.. المهم يكون الدين شخصي.. يعني ما يسبب لك إشكالات بعلاقاتك الاجتماعية أو يكون عقبة أو يدفع بالإنسان لأعمال إجرامية على دقة بن لادن والظواهري..

و بلاخرة بالسما شو بدك ترجع تتمسك بالدين لحظة الحساب
بيكون الوقف فات

بتصور الله للي أوحى للإنسان حتى يعمل شرعة حقوق الإنسان.. ويحمي الإنسان من ظلم خيو الإنسان.. بتصور الله أرحم بكتير يا أبو سلطان من كتار ناس عم يدافعو عنه..

و يلي ضرب ضرب و يلي هرب هرب

لوين هرب.. ما تقلي على أفغانستان؟؟

الاخرة ثواب و عقاب

هالحكي مش صحيح.. الثواب والعقاب عنا هما المعرفة والتطور.. كل ما نعرف أكثر كل ما نكون قريبين من الله أكثر..

مش دين
الدين هون حياتنا بالدنيا و نحنا كا موحدون لازم نتمسك بهل شي
و قلب الغلط تقول الدين بالسما
و مش بلارض

في أجمل من السما خيي أبو السلطان.. رح أختمها بمزحة.. هاي وديع الصافي يغني: لبنااااااااااااان يا قطعة سماااااااااااااااااا.. ليش قطعة سما؟؟ لأن ما تركولو محل عالأرض... نط عالسما دغري..

سلام..

يا اخي الكريم انت عم تطلعني عن محور الموضوع بس بدي جاوبك باختصار
الله خلقنا منشان نعبدو
و الدين عا الارض هوي لي بيقرر مصيرك بالسما
بعدين ليش نتنبأ بالغيب مين بيعرف انو الجنة بالسما و لا بلأرض الجنة عند الله لاكن وين الله اعلم النار الله اعلم
خلي هل حديث بيطول بيني و بينك بس اكيد الدين عا الارض و مش موجودين لسواد عيوننا عا الارض الله استخلفنا عليها مش منشان نفسد
منشان يختبرنا

بس شو العلم و التطور انو بلاخر نوصل لمرحلي بناتنا يلبسو شي شفاف و يطلعو يتمشو قلي بشرفك ها العلم و التطور
ليش منفوت الشغلات ببعض
العلم و التطور بيخلوك تغير نظرتك للبنت
او نظرت اي شب
شو خص العلم و التطور باللبس
اللبس المحتشم لا ضد الحظارة و لا الرقي و لا التطور
و لا العلم
يعني بتكونش مطورة و بتفهم بالعلم و الحظارة الأ اذا صارت متل السلعه تنعرض متل اي بوكيت دخان معروض بالشارع عا الواجهات
قلي يا ترى العلم بيقلنا خلو البنات يوصلو لهل درجي
خلوهن جاهلات نسوهن دينهن و عوايدهن
نسوهن شو امر الله و بالخاتمة لو الدين مخصوش بلحياة بلأرض لشو نزل اصلا لمنو نتفرج عليه يا اخي الكريم

ليك تنساش البسكوت و الراحة تفكرش نسيت