الفتاة الموحدة اين هي من الحظارة او الانفتاح و الرقي و ما نظرتها و ما تجهله .. هام للنقاش

ابو سلطان كتب:

يا اخي الكريم انت عم تطلعني عن محور الموضوع بس بدي جاوبك باختصار
الله خلقنا منشان نعبدو
و الدين عا الارض هوي لي بيقرر مصيرك بالسما
بعدين ليش نتنبأ بالغيب مين بيعرف انو الجنة بالسما و لا بلأرض الجنة عند الله لاكن وين الله اعلم النار الله اعلم
خلي هل حديث بيطول بيني و بينك بس اكيد الدين عا الارض و مش موجودين لسواد عيوننا عا الارض الله استخلفنا عليها مش منشان نفسد
منشان يختبرنا

شو تعريفك للعبادة بالأول؟؟؟؟؟؟؟؟
مع إنو بعدنا عن الموضوع بس هاالشي ضروري وأساسي منشان وضع البنت والشب..

أنا تعريفي للعبادة حك دماغ... العبادة معرفة.. وعابد الله من دون معرفة كعابد هواء..

أما إذا كانت المعرفة دشداشة وعباية ولحية ومسبحة.. وحفظ كم كتاب عن غايب هني للي يوصلونا للسما.. فأنا صراحة ما قاطعة براسي هالشغلة..

تعا لعدلك شو في مخوخ فحلة طلعت بالقرن العشرين: آينشتاين - ماكس بلانك - هايزنبرغ.. بيل غايتس .. غودارد للي اكتشف تقنيات الصواريخ الفضائية.. ونحنا وين؟؟؟ بالعالم الثالث إذا مش العاشر.. غرقانين بالتخلف الاجتماعي والسياسي والثقافي.. بدنا نقنع الناس إنو قادرين نطلعهم عالسما.. بوقت هني عم يبعطو ويحركو بالسما.. ونحنا بالكاد عالسلم ما منقدر نوصل لسطح بيتنا..

تحياتي ..

ابو سلطان كتب:

ليك تنساش البسكوت و الراحة تفكرش نسيت

مش ناسي.. هلق ببعتلك ياهم إيمايل عالسريع

بهاء شمس كتب:

خيي الغالي نحنا في اشياء اساسية اذا مش متفقين عليها خسارة على النقاش

الدنيا خلقت لعبادة الله تعالى والله تعالى اعطى قوانين للبشر انها تعبده بسبب انه خلقهم وطبعا اي شي الانسان بيعملو بالاكراه ما بيكون مسؤول عنه لاجل هيك الله تعالى اعطا الانسان يختار الطريق اللي نحنا منعتبره خير او شر حسب الدين طبعا وباردتو عشان اذا اختار الدين ورضى الله تعالى يكون الثواب باستحقاق وان اختار الجهل اللي هو طريق معصية الله تعالى يكون الجزاء باستحقاق ومن هاي الامور اللباس انه حرام
اسا خيي الغالي نحنا ما منعتبر كل مرحلة بالحياة نهاية للمرحلة اللي قبلها في مبادئ اساسية اللي انوجدت من خلال الدين اللي هو بالارض وبالسماء وبكل مكان وعشان يكون الثواب او العقاب اللي بالاخرة بدون ظلم, كان في الدنيا فترة للبشر اختبار من الله تعالى الهم انهم اذا اذا مخلصين بيمشو على رضاه بدون اكراه لان كلنا منعرف ان الله تعالى قادر يخلي كل الناس تعبده بكيفها او غصب عنها ولكن عشان مصداقية الثواب والعقاب كان لازم الانسان يختار الطريق اللي بدو يسلكه طريق الدين اللي هو الوحيد اللي بينجي واللي هو طريق الوصول لرضى الله تعالى او طريق الجهل اللي بيرفضه الله تعالى وبوديه للعقاب

طبعا من المستحيلات انك تقنع انسان يمتثل باوامر الدين اذا ما كان في ايمان بقلبو بالدين وان الانسان راح يطالب بالاخرة اللي هي مش بالدنيا وقت القيامة اذا اختار طريق الخير والسدق واللبس المحتشم وعدم الغش والطاعة لله تعالى اللي بيوصلو للجنة والفوز برضى الله تعالى واذا اختار الغش والقتل والكذب واللبس الغير محتشم او الزاحط والقتل او ارتكاب الفواحش والزنا بتوديه على الجحيم اللي بالاخرة,,, لان خيي الغالي ما تؤاخذني على الكلمة حسب العلمانية اللي ذكرتها انت كل جيل الانسان بيخسر من قيمه يعني منوصل لفترة بيصير كل حرام مرغوب من قتل او زنا هيك اذا افترضنا ان القيم عبتنمحنا وان بسبب طول مدتها لازم نتخلى عنها مثلا القتل محرم من الاف السنين هاي اذا اعتبرناها قيم قديمة ولازم تتغير بيصير القتل مسموح والزنا مسموح والسرقة مسموح والفواحش وكل شي مسموح هذا على منطق ان القيم والتقاليد صارت قديميوعمرها الاف السنين ومعش الها مكان وهذا كلام مش منطقي انت عارق صديقي الغالي

اما اخي الغالي نحنا واياك اذا ما اتفقنا على وجود الثواب والعقاب اللي في الاخرة معناتوا النقاش اللي عبناقشو ما راح يوصل لنتيجة وما راح نتفق مع بعض نحنا راح ندافع على مبادئنا اللي اولها الايمان في الثواب والعقاب في الاخرة حسب قيامنا برضى الله تعالى حسب اوامر الدين اللي نحنا منخاف على اخوتنا يوقعو ضحية جهلهم هاي الحقيقة ان اللبس الفاحش وتوابعه ممكن تدخلهم على نار الجحيم ولهيك نحنا بدنا نحميهم من انفسهم لان من بين ما يقتنعو بتكون وقعت الفاس بالراس وبطل ينفع الحكي خيي الغالي الك الحرية انك ما تقتنع اما كل انسان بيدافع عن مبداو بالحياة وانابقول للناس انهم يصدقو بالثواب والعقاب لان العواقب كبيري وبيبطل ينفع الحكي يعطيك العافية وما تؤاخذني خيي احيانا الانسان بيوصل للعجز في اقناع الاخر خيي الغالي اذا كان في الامور الجوهرية والاساسية مو متفقين صعب نتفق مع بعض في وجهات النظر لو طال النقاش الاف الصفحات

المشكلة للي عم تصير أنا فاهمها وحاسس فيها..

أنا بعتبر حالي ملتزم بالخصال ال 7 المعروفة.. وهيدي ما بتتعارض مع للي عم قولو..

أنا الحمد الله صادق... وكمان ما عمري طعنت حدا بالظهر ولا خنت حق حدا ولا سرقتهم.. كمان الشرط الثالث عنا ما عندي إشكال عليه.. وكنا نتناقش فيه كتير بلبنان.. خصوصاً مع الدكتور سامي مكارم.. الباقيين ما عندي أي مشكلة فيهم.. عايش راضي ومسلم.. بعمل منيح لبيتي ولعيلتي ولابني وللناس..

لو شفت وتأملت بهالميزات التوحيدية الراقية.. رح تلاقيها أقرب للعصر ولروح العصر من أفكار كتير يحكوك بالدين..

أما بالنسبة للثواب والعقاب.. بتحداك تجبلي نص يثبت وجهة نظرك.. برضى برسالة خاصة.. أو عالماسنجر...

حرام نوقع بفخ المفاهيم للي كان المذهب ومؤسسو المذهب يحذرونا من الوقوع فيها.. هيدي كلها أفكار ما خصها لا بمدأنا ولا بمعتقدنا..

معتقدنا هو العقل.. الحق الصدق .. حفظ الأخوان..

ولو تأملت بالمبدأ الثالث.. رح تلاقيها استراتيجية عسكرية بأرقى البلدان يعتمدوها..

يا ريت نحنا نكون بمستوى هالعقيدة للي بعدها سابقتنا.. هالعقيدة للي جاءت لتحطيم العادات والصنميات والأفكار الخرافية... وتحرير الإنسان...

سلام خيي...

خيي سمير الموضوع هون هوي النقاش من اجل الحظارة و اللبس الزاحط
ايوة يعني مش عقاب و ثواب
و كل انسان بيعرف انو في عقاب و ثواب
و يلي بينكر هل شي بيكون جزء من كفر ان لم يكن كفر
ما بدي ادخل بجدال ديني ممكن ارتكب فيه اي اثم على نفسي
بس اكيد في نار و جنة
عقاب و ثواب
و لا لولا هيك مكنش في خير وشر
و لولا ارادة الله الي قادر على انو يعاقب و يمنح ثواب
و يلي ما بعث الاديان من فراغ و لا خلقنا للعبث
و لولاه مكنش في النا عقول نفكر فيها مكنش حدى عرف يخبز الخبز مش يطلع للسما
و هاي هني وصلو البشر لاقرب النجوم مقدروش يبعدو
قدرت الله واسعه و الله خلقنا لعباددتو و انت فيك تختار الدرب يلي بدك ياه الي بيودي للثواب او للعقاب
بس يا ريت نوقف هل شي
و نحصر نقاشنا بالملابس و عاداتنا و ديننا
و اذا ما كنت مقتنع بعوادينا و مبادئنا و ديننا
فهذا شي بيخصك و بيرجعلك
و فينا نتناقش فيه بوقت ثاني

محور نقاشنا الحظارة و البنات و الباب يلي بيفتحوح متل ما حكيت خيي سمير العلم
انو نقدر نفسر لازم فصل الحظارة و الرقي و العلم عن الاحتشام و الزحاطة باللبس
لانو كمان الله عز وجل بديننا يا اخي يلي منحبو و منحترمو و متمسكين فيه لابس البنت محتشم سالت حالك ليش
لأنو لو مش حرام مكنش لازم تلبس محتشم
اما انت خيي بهاء كثر خيرك ما قصرت كفيت و وفيت وحكيك رائع و مقنع

ابو سلطان كتب:

خيي سمير الموضوع هون هوي النقاش من اجل الحظارة و اللبس الزاحط
ايوة يعني مش عقاب و ثواب
و كل انسان بيعرف انو في عقاب و ثواب
و يلي بينكر هل شي بيكون جزء من كفر ان لم يكن كفر
ما بدي ادخل بجدال ديني ممكن ارتكب فيه اي اثم على نفسي
بس اكيد في نار و جنة
عقاب و ثواب
و لا لولا هيك مكنش في خير وشر
و لولا ارادة الله الي قادر على انو يعاقب و يمنح ثواب
و يلي ما بعث الاديان من فراغ و لا خلقنا للعبث
و لولاه مكنش في النا عقول نفكر فيها مكنش حدى عرف يخبز الخبز مش يطلع للسما
و هاي هني وصلو البشر لاقرب النجوم مقدروش يبعدو
قدرت الله واسعه و الله خلقنا لعباددتو و انت فيك تختار الدرب يلي بدك ياه الي بيودي للثواب او للعقاب
بس يا ريت نوقف هل شي
و نحصر نقاشنا بالملابس و عاداتنا و ديننا
و اذا ما كنت مقتنع بعوادينا و مبادئنا و ديننا
فهذا شي بيخصك و بيرجعلك
و فينا نتناقش فيه بوقت ثاني

أنا عندي حل أحلى.. بما أن هالموضوع ستاتي .. خلي الستات يتحاورو فيه.. بس بشرط يكون حوار حقيقي.. من دون عبارات مشكور عالمرور.. كتير تزعفلني هالعبارة.. بحس حالي على شي حاجز بالحرب الأهلية للي كانت عنا.. يكون حوار يناقشو مشاكلهم.. وأنا وأنت نزحط من هالموضوع عالزلقا ب جونيه.. ونقعد قعدة قبال خليج جونية ونتفرج عالموجات..

اي راح نحط الدين عا جنب
اكيد
بس لازم انو قول شغلي الك خيي سمير
انت ناقضت حالك انت قلت انك متمسك بالوصايا السبع
ليش انت متمسك فيهون اذا مكنش عندك اقتناع بالثواب و العقاب
نحنا بيهمنا القلب و النية بخصوص الدين
و نحنا عم نوجه كلامنا و نقاشنا و حوارنا للي هني بيخافو الثواب و العقاب و بيقتنعو فيه
و بيخافو على اسمهن و سمعتهن
و على عاداتهن و تقاليدهن
هذول يلي مغرر فيهن باسم العلم و الحظارة
و هلق بنا نشيل الدين و العلمانية عا جنب و نرجع نبدا النقاش متل ما بديناه حول مضمونه
و ما نطلع عن اطار النقاش

amal كتب:

تقبل مروري

وك هاي انا بقولها


حطمتني يا سمير
ههههههههههه

مع هذا ولا يهمك خلص قمتنا مناحيتي انا هههههههههههههههههه

نحنا كم آمال عنا.. خلص .. أنت من زعما المنتدى.. اطرقي ردي حذف..

مشكلتي أنني بعبد النقاش.. وبؤمن بالحوار.. وبحب كتير كتير اختلاف الرأي.. لأن هالشي يخليني أبحث أكثر لأعرف أكثر..

ولا مرة مارست الديكتاتورية الذكورية.. لا على ابني للي ما عمري مديت إيدي عليه.. ولا حتى على زوجتي.. بالعكس ياما كنت تزكزكها حتى تخالفني بالرأي ونتناقش..

أكره شغلة عندي واحد يضل يقلي آه آه آه.. وللي بكرهو أكثر.. هو لما تحسي هالشخص عم يبيعيك هال آه آه آه مجاملة.. هون تشعري بقمة العبثية ... لأن هالنوع من الأشخاص مستحيل يكسبو منك حرف..

أما النقاش للي مبني عالحجج .. وعالأدلة العقلانية.. والمنطق.. تأكدي ما لو وين رحتي يا آمال ما رح تضيعي...

العلم مثل البوصلة للي تحدد لك الطريق... كل ما تتعلمي أكثر.. لازم تفكري أكثر.. العلم هو المفتاح بهالعصر..

مش قيمة للي بتلبسيه.. القيمة لانعكاس هاللبس عند الثاني يا آمال... ابني خبرتك عنو.. وما رح كرر القصة هون..

هالمسألة مرتبطة بالعلم والمعرفة.. واحترام خصوصيات الإنسان.. أنا قرايبي ما عمري تدخلت معهم.. لأن عشنا بالمدينة .. وكل واحد منا ربي بشكل مستقل.. يعني لو سمعت من قريبتي كلمة: ما خصك.. بفضل ساعتها طم حالي بالتراب..

الإنسان بالنهاية ابن بيئته..

تحياتي آمال.. وعندك كارت بلانش ومن كل الألوان تحذفي الرد..

ابو سلطان كتب:

اي راح نحط الدين عا جنب
اكيد
بس لازم انو قول شغلي الك خيي سمير
انت ناقضت حالك انت قلت انك متمسك بالوصايا السبع
ليش انت متمسك فيهون اذا مكنش عندك اقتناع بالثواب و العقاب
نحنا بيهمنا القلب و النية بخصوص الدين
و نحنا عم نوجه كلامنا و نقاشنا و حوارنا للي هني بيخافو الثواب و العقاب و بيقتنعو فيه
و بيخافو على اسمهن و سمعتهن
و على عاداتهن و تقاليدهن
هذول يلي مغرر فيهن باسم العلم و الحظارة
و هلق بنا نشيل الدين و العلمانية عا جنب و نرجع نبدا النقاش متل ما بديناه حول مضمونه
و ما نطلع عن اطار النقاش

فكر فيها شوي بيطلع معي حق.. وما تنسى تعريف الصلاة عنا شو معناها... وما تنسى كمان صوم اللسان قبل صوم الأجسام..

أنا عم ركز عاللي جوا.. وأنت عم تركز عاللي برا.. أنا عم قول إذا كنت مليان من جوا.. يا جبل ما يهزك ريح..

سلامات يا صاحبي الغالي..

عراسي يا اخي سمير
بس كمان برضو في تعاليم بينفعش فيها انو نقول من جوا و من برة
فش شي مفروض علينا نتمسك فيه
يا صاحبي اني بعرف عقليتك ريح قلبي و رتاح خلص معش تناقش بالدين ه
خلينا نخلي الباقيين يكفو و يبدو ارائهم اني بعرفك عنيد
و بختلف معك بالف شغلي و شغلي منبقى منتناقش فيهون اني وياك
على مدار شي 20 جلسة
اذا كفو
لان نقاشي معك بيطول بس هلق ضروب فرام
و خلي الناس يبدو رايهم بصلب الموضوع بعيد عن الحكي بامور الدين العميقة

ابو سلطان كتب:

عراسي يا اخي سمير
بس كمان برضو في تعاليم بينفعش فيها انو نقول من جوا و من برة
فش شي مفروض علينا نتمسك فيه
يا صاحبي اني بعرف عقليتك ريح قلبي و رتاح خلص معش تناقش بالدين ه
خلينا نخلي الباقيين يكفو و يبدو ارائهم اني بعرفك عنيد
و بختلف معك بالف شغلي و شغلي منبقى منتناقش فيهون اني وياك
على مدار شي 20 جلسة
اذا كفو
لان نقاشي معك بيطول بس هلق ضروب فرام
و خلي الناس يبدو رايهم بصلب الموضوع بعيد عن الحكي بامور الدين العميقة

ما أنا هذا رأيي من الأول.. منبقى نحكي سوا بهالموضوع..

بس عجبتني: بامور الدين العميقة.. عم نحس أنا وياك أننا خبراء بالجيولوجيا ..

يلا صبايا وينكم؟؟

نحنا طلعنا..

يا اخوان سمير معو حق بشغلة و انت معكن حق بشغلة ثانية...ما بيصير انفرق العلمانية عن الدين. هون بيوقع خطء.. و الدين اذا اتخذ على هذا الاساس يعني كارثة هيك برئيي.

اول ما اجا الراديو لعنا عل جبل حطو بعض المشايخ بل ارض و يصرخو لعنة الله عليه هذا شيطان بيحكي... اول ما اجا الراديو عل سعودية حطو بل ارض و صارو يكسروا بل عصي قال استغفر الله, كذالك لمل جليليو قال الارض بتدور حول الشمس قتلوا!.. كذالك بعد ابتكار التلفاز و الجوال و كل التكنلوجيا.. ( هذا معارض للدين و بل اخص للتوحيد) لان مذهبنا يبنى عل عقل يعني المنطق والقناعة الذاتية مش غسمن عنا... هذا البيميزنا عن باقي الشعوب... فلذالك انا بستغرب كثير اشيا ببعض الاهل عنا مثل تحريم القريدس (او اعتقاد السيد عبدالله مش انسان عادي من عنده, يمكن تكون صحيحة بس مش شغلتنا هي لان وين مكتوبي هل هذا تحليل من عنا ام من سيدنا؟ اتسكرت دعوتنا من الف ستة السيد عبدالله ما صرلو 500 سنة) او عدم الترحم على الشخص يلي مش لابس شروال و قلوسي..(هذا فقط لباس مش توحيد, لان الدين فكر مش مظاهر,, فبستغرب بس يسألني د ر ز ي انو انا مستلم! الدين هو ليس مادة لنستلمها ولا شي محسوس.. لدين بين الفرد و ربه) لمهم بلا الخروج عن الموضوع الاساسي..

هون تاتي جملة جنبلاط انو الحكمة لا تتجزء.. لحكمة هي ذاتها عنا (المسلمون الموحدون) و عند كل الاديان.. بس ابليس زيّف فيها فوقع دين التوحيد كاشف حقيقة الكون والمعرفي, و هي اساس الياهودية و المسيحية و الاسلام و الفلسفة الينانية وفلسفة اشعيا و آدم و شطنيل وكل فلسفة توحيدية... فلذالك يا اخي سمير الصليبية قاتلوا تحت شعار الدين صحيح بس هل هم رجال دين؟ لا هم كانوا منحرفين عن الدين بقلوبهم لان لو رجال دين لما كان لهم هذا التكبر و الغرور و الاعتداء. دين الله هو واحد.

اما بل تسبة الا العلوم كان الحاكم عالما بالطب والدليل عند ما منع المنوخية الجرجير و السمك بدون قشر و الكزبرا, لان بل تاريخ كانت مصر كلها بل امراض و الناس اتموت من الاسهال القوي و هو بساعدو على الاسهال و ازادته سوء... والسمك كان رح ينقرض من النيل فخفف صيده,, وعلى فكرا حرق شجر العنب و منع العسل (لان كانوا يستعملوهم للخمر والسكر) اما لنرجع على قصة التسليم للارتقاء ذكر مولانا العاقل انو اكتساب العلوم الجرمانية و العلوم المادية... هذا شي خطير مش اي كلام.. هذا الو ابعاد للحقيقة التوحيد و الرتقاء الروحي.. الامركان اتفوقوا علينا بل عقل وصلوا للقمر و نحن بعدنا نقول هذا حلال وهذا حرام (هذه رجعية) والامركان خسروا اخلاقهم و ديانتهم و نحن بعدنا محافظين و عم نتقدم بل دين (هذه تقدمية)

الدرس بل مدرسة والجامعة والكتب هو حكمة هو كلام طاهر و بيرفع الانسان بل مجتمع والعقل والنفس الجزئية....

فلذالك الدين يدعو للعلم من جميع النواع لذالك هو التقدمية للفرد في هذة الحياة الدنية.. عليك بل علم فانه جمال من لا جمال له....... كلمة علم هون بتشمل كل شي...
اما للباس: قال الرسول محمد صلى الله عليه و سلم . (انما بعثت لاتمم مكارم الاخلاق) ينهي عن الممنكر و يامر بل معروف. هذا ايضا كلام خطير,, اي يعني قبل هذا كان في فساد اجتماعي و من هذا الوقت صار في تقدم و تحسن بل لباس و غير لباس.... فاسا بي عالمنا العالم صارت تلبس قصير و شخلعة و شفاف اي تصحيح للموضوع ( هذا ليسة تقدمية بل رجعية) العالم عم ترجع الايام الجاهلية مش عم تتقدم تجاه المعرفة و العلم الذي يشمل كل شي. ونحن لازم نقاوم الرجعية (فلا تلتبث اخلاقكم يا اهل التوحيد باخلاق الرجعية في هذة الدنية)
نبهنا الرسول و الامام و حتى كمال بيك بلانضال (العقلي) ضد الرجعية.

انا بقصد للعلمانية و الدين هي حكمة واحدة.... خبركم قصة بل حكمة الكون قايل سيّدنا (........... كل شي بيخلق من ذكر و انثة من عدا بعض العقارب و دود و حيوانات ثانية مش متذكرها.....) فبيقلي ابي كيف هذا الشي بيعمري ما سمعت العقارب لحالها بتخلف بيدون ذكر,, سمعت للدود بس العقرب مش سامع فيها, فتت عل انترنت مما اثبتت علوم جديدة انا نوع من العقارب ما بيحتاج ذكر (سبحان الله) من الف سنة قالها سيّدنا و في عالمنا الحالي اكتشفوها العلماء ( هذا شي مذهل و رائع و بيئكد صحة دين التوحيد) و ما موجود من علم وحكمة فيها غير روحاني.

وابي بس شاف اتعجب و شي رهيب جدا يعني الدنية مش مزحة,,, بعتقد شي سخيف يلتهي المرء بل امور يلي بتقتل استعمال العقل لمعرفة الحكمة (مادية و روحية).

http://en.wikipedia.org/wiki/Scorpion
شوفو هذا الموقع رقم ثنين..... سبحان الله. صلات و السلام على سيدنا مبدع الكون.

اسم العملية parthenogenesis.

Parthenogenesis (from the Greek παρθένος parthenos, "virgin", + γένεσις genesis, "creation") is an asexual form of reproduction found in females where growth and development of embryos occurs without fertilization by a male.

اختي انت فهمتي كلامي غلط انا قصدي الدين هو العلم من كل جانب... و عم لوم لعمبصير بسبب الابتعاد عن الدين مش لوم على الدين! لوم عل شخص..

انا غلتط بقولي امركان قصدي الدولة المريكية لان بلاش قول لمين عتط حقوق هههه

يعني في جها منيحا من عنا و جها منيحا من عندهم و الدين بلحقيقة هو الجهة المنيحة من عندنا زائد الجهة المنيحا من عندهم!

وو الموضوع بتجر بعض وبل نهاية بيوصلو لنفس اساس الموضوع. يلي قلتو بجهة ما جواب على بعض التعليقات و جها ما تعليف على موضوع البنت الموحدة و دورها بل مجتمع.

شباب عم نخرج كثير عن اطار الموضوع الموضوع نناقش قظية البنات الموحدات
مش الدين
اصلا ممنوع النقاش بالدين لانو نحنا جهال
ممنوع اي نقاش بالدين و النقاش مستمر حول محور الموضوع يلي نحنا نظرنالو من نافذة الدين فهمتو كيف
يعني بنا نناقش الموضوع مش الدين
منشان هيك سمير و نور و كلنا بناش نفوت بالدين

>>>

عراسي انت و رايك يا خيي
و في انتظار ردود الاخوة و الاخوات الاخرين و خصوصا من لم يقم بوضع رأيه
و يعلق على الموضوع