من هي المرأه .....

من هي المراة........... Rolling Eyes

قالت لهُ... أتحبني وأنا ضريرة... وفي الدُّنيا بناتُ كثيرة... الحلوةُ و الجميلةُ و المثيرة...
ما أنت إلا بمجنون... أو مشفقٌ على عمياء العيون...
قالَ... بل أنا عاشقٌ يا حلوتي... ولا أتمنى من دنيتي... إلا أن تصيري زوجتي...
وقد رزقني الله المال... وما أظنُّ الشفاء مٌحال...
قالت... إن أعدتّ إليّ بصري... سأرضى بكَ يا قدري... وسأقضي معك عمري...
لكن.. من يعطيني عينيه... وأيُّ ليلِ يبقى لديه...

وفي يومٍ جاءها مُسرِعا... أبشري قد وجدّتُ المُتبرِّعا... وستبصرين ما خلق اللهُ وأبدعا... وستوفين بوعدكِ لي... وتكونين زوجةً لي...
ويوم فتحت أعيُنها... كان واقفاَ يمسُك يدها... رأتهُ... فدوت صرختُها... أأنت أيضاً أعمى؟!!... وبكت حظها الشُؤمَ...
لا تحزني يا حبيبتي... ستكونين عيوني ودليلتي... فمتى تصيرين زوجتي...
قالت... أأنا أتزوّجُ ضريرا... وقد أصبحتُ اليومَ بصيرا...
فبكى... وقال سامحيني... من أنا لتتزوّجيني...
ولكن... قبل أن تترُكيني... أريدُ منكِ أن تعديني... أن تعتني جيداً بعيوني...
منقول للمصداقيه

ولاي جد قصه كثير حلوه
لك يا ابو فهد بتجنن القصه وطريقة سردها رائعه

اللي فينا فينا وهالبنت ما كانت تستاهل التضحيه

بس بدي علق عنقطه خارج القصه
....هذه ليست المراه....
اطلع على اصابعك
كلهم مثل بعض؟
رغم انهم كلهم من لحم ودم بس مختلفين ؟
والبنات هيك هاي الي بالقصه ناكره للجميل وكثير شباب مرو بهيك مواقف وكانو هني الناكرين
منشان هيك مش كل البنات مثل بعض في بنات مستعده تعطي عيونها وتخلي ياخذ بنت تقشع تما يحص بنقص معها وهي امراه هذا اسمو تجرد من الانانيه
القصه رائعه والشب اروع للي عملو بس لا هو بمثل فئه الشباب ولا هي بتمثل فئه البنات
هني مثلو نفسهم ليس الا

مشكور يا ابو فهد تقبل مروري

ليك ليك شو عم تقول هاي الي اسما امال
وك انتو يا جنس حواء يمكن فيكون 90 بالمية منتهية صلاحيتوو هههههههه

وك تسلملي يا شريك شو بتفهم الله حيك

وانتي يا اخت امال شو هل الحكي انو قال يعني مش كل اصابعك متل بعض
بس لا تنسي كلهن من ايد وحده

ف الله يرضا عليكن قعدو وسكتو احسنلكن

ليك ليك سما وجبل ضد النساء بس لا ما راح اسكت

احنا جنس حوا لولانا ما كان الكو وجود
احنا منشكل 90 بالميه بس مش بالمنتهي صلاحيتو بلعكس مننا 90% من الامهات والبنات العاملات والمتعلمات احنا الي مندعم الاسر ومنبنيهم ومن انكر فضل ام او زوجه كمن ينكر نفسه(ابصر ليش غيرانين مننا)
يعني بكفي الامهات لولاهم ما كنتو بتكونو موجودين والامهات العظيمات نساء بنو الاسر وبستحقو كل تقدر
بكفي في عيد للام بس للاب لا (ابصر ليش لا )

وانتي يا جبل عجوابك
دايما شجر الشوك منلاقي عليه ورد مثل مشجر الورد بيكون عليه شوك وهاي المقصود منها انه صح كل الاصابه من نفس الايد والجسم اساسهم بس كل اصبع بيمثل حاله وشخصو
ممنوع نكون متشائمين بالحياه مع نظره سلبيه بالعكس لازم اذا صار شي او شفنا حدا عمل غلط انقول نفسه عاطله ما نقول ربعه عاطل الفرد ما بينحكم على مجتمع من وراه
اعذرني ايها السيدان ولكنكما مخطئان

اوه يا الهي وما هذا يا سيدتي الفاضله
انحن في المريخ ولا نعلم
وك يا عمي روحي غاد
لا تعمليلي النساء نصف المجنمع ومن هل الشعارات الفاضي اللي شبعنا منها
كلكن على بعضكن ما بتجو قد 10 شباب
قعدو وركدو احسن ما تعلق هه

اسمع جاي انت واياه وراء كل رجل عضيم امراه
صحيح ابو فهد نحنا ما نيجي قد 10 شباب بديش اناقشك عليها بس تنساش
انتو ما بتيجو قد امراه وحده

وك وك لوين اروح يا جيل
كلنا ما منيجي قد شباب تري بعرف حرمه وزنها 90 كيلو هاي لحالها قدك وقد سما

وال 8 التانيين بس بعقلها وشغلها بتوزنهم

وقالتها نور وانا بعيدها من بعدها
وراء كل رجل عظيم امراه ساعدته على بناء نفسه
يعني لولا النساء ما كان في رجال نابغين
لك يا عمي مننا قلال نحنا كومت عقل وطيابه بس انو يا ساتر استر
كلكو بس مشاكل وشغل وتعب وهاتي شاي هاتي قهوه(صح مراقب )
بس لتعب البال

ههههههههه شو هادد المراة و الرجل ههههه.. نحنا فدى عرضنا ههه. خلقنا للدفاع عن الدين و الارض و العرض. امك ثم امك ثم امك ثم ابوك. تحيا بنت الموحدة

أحن إلى خبز أمي
وقهوة أمي ..
ولمسة أمي ..
وتكبُر في الطفولة
يوماً على صدر يوم
وأعشق عمري لأني
إذا مت،
أخجل من دمع أمي!
خذيني، إذا عدت يوماً
وشاحاً لهدبُك
وغطي عظامي بعشب
تعمد من طهركعبك
وشدي وثاقي .. بخصلة شعر
بخيط يلوح في ذيل ثوبك ..

ضعيني، إذا مارجعت
وقوداً بتنور نارك ..
وحبل غسيل على سطح دارك
لأني فقدت الوقوف
بدون صلاة نهارك
هرمت، فردي نجوم الطفولة
حتى أشارك صغار العصافير
دربالرجوع .. لعش انتظارك!

عدنا :
انو يا جماعه نسيتو الموضوع الاساسي واللي هوي ( من هي المرأه )
وصرتو تغردو خارج السرب يعني شو ذنبو هل الشب اللي عطاها نور عينو
صحيح هوي غبي لانو تبرع بس يا اخي ومن الحب ما قتل
بتجي هيي بتكافي وبتقلو ما باخذ واحد اعمى وك لهون وصلت معها
وبعدين نحنا ما عم نحكي من هو الرجل شو بدكن من هو الرجل
الرجل شغله كبيره كثير ....

حبيبي نور الدين ( بهاء سابقا ) ها كلو حكي ومزح
وقت الجد بنحمي عرضنا وشرفنا بدمنا مو بعيونا بس
عنا الروح بترخص للعرض وها الشي معروف عنا من لما كنا
كل بنت موحده هي عرضنا من لحمنا ودمنا

تحياتي لكل من شارك بالنقاش

بعرف ولو ههه انو تخيّل... مانا كمان بمزح.

مرحبا نور
صح كلامك و را كل رجل عظيم
امرأه تخرب بيتو هههههههههه
و اما انتي يا امال بيك
كمان بايدك
انتو نص الكو
شو هوي ها الكو
بس نحنا حابين نعرف
ههههههههههههههههه
عا فكرة مرة سالو ابليس اللعين
عرف عن نفسك
قال استاذ الرجل و تلميذ المرأة
ههههههههههههههههه
يا بو براهيم دخلك
بيتمسكنو ليتمكنو

على فكرة شكسبير بيصور المراة كشر. بل روجوع للمعتقد انو حوّا هي الوسوست لآدم لياكل من الشجرة لممنوعة عليه. و هي قال سبب الشر من ورى كل شيء. يعني بيقصصه مثلا "مكبث" هي البتدزه ليقتل و يوصل للسلطة. و صايرة كثير بل حياة الواقعية.. بس بشرفكم مش غبي شكسبير؟ ههههه

هي قصة مشابها شوفو من هي المراة

يسلمو على الموضوع الرائع

اما ممكن في مبالغة في التضحية ما ظن في حاضرنا ممكن حدا يتبرع في نظره او عيونوا كرمال حدا

لان اليوم في قساوة في القلوب وقليل الناس بتحب باخلاص لان دخل اكل الحرام على النفس صار فيها قساوة كبيرة اتجاه غيرها

للاسف اليوم بتسمع كثير اشياء ان رجل طلق امراة بسبب انها ما بتجيب اولاد او اسباب تافهة متل ما بتعرف تطبخ والضرب والعنف او الشتيمة كمان هاي ممنوعة

او امراة تركت رجل لان ترك الشغل ومو قادر يصرف عليها وللاسف في كثار من هالنوعيات او ان المراة
بطلت تهتم لزوجها بسبب مشاغل ثانيي مثلا التلفاز او الكمبيوتر هاي اللي بتدخل على النفوس وبتغير فيها
وللاسف في انواع اليوم من النساء اللي اخذو حقوقهن اللي ما ممكن تطلب منها طلب بحجة ان لي حقوقي واذا بتحكي شي الشرطة موجودة وهاي خربت كثير بالمجتمع كمان

اما عندي سؤال لماذا خلف كل رجل عظيم امراة هذا دليل ان الامراة وقت العظمة مع الرجل ووقت الضعف بتتخلى عنوا او بتكون منها مسؤولة اذا كان الرجل مو ناجح في الحياة اما اذا نجح الفضل الها هههههههه
يعني المراة اختنا وامنا هي على عيننا وعلى راسنا

اما لا قدامنا ولا ورانا المراة جنبنا وبنمشي مع بعض والفضل بالنهاية لله تعالى لا لامراة ولا لرجل

اخواني الكرام وما راح كفي فصحه بدي انقل عالعاميه وبدي بلش ب
ابو فهد لك بلا كلمت امراه ما في طعم للحياه اصلا ما بيكون حياه اذا ما بدنا ندخل الرجل بالموضوع من الاول الموضوع ما بيمثل المراه كمان ما راح ندخل المراه
اذا كل النساء ناكرات جميل حسب قصتك راح يطلعو كل الرجال اغبياء كمان لانه هذا الرجل تبرع بنظره لمراه ما بتستاهل والانسان الذكي بيحس على قباله اذا صادق ولا لا
وبكمل لسما
سما يا سما الكو تعني لكم بالعاميه ههه وك حتى قرايه ما عرفت تقراها ههههه قلي اكيد لابس النضارات انتي
وابليس تلميذ المراه واستاذ الرجل بهدلت الكل فيها هاي ابليس هو الرجل بحد ذاته(الشرير بس)
ونحنه ولا منتمسكن لنتمكن وك يا ويلي منكم انتو الرجال ما بطلع من وراكو غير وجع راس وسعال الله يجيرنا

وك وانتي يا بو شكسبير استاذ نور المراه شر المراه هي بحر من الخير الموجود فش مثلنا هذا شكسبير كان مفلس وعميصف حكي ابصر ليش

وبهاء راح يلحقك طرطوشه وك مندون المراه ما في رجال اصلا ليكون عظام او نظام وعشان العينين صدقني اخي كثار بيعملوها ولو الانسان الي بدهم يهبوه العيون او اي شي ثاني بيكون جد بيستاهل كثار ممكن يعملوها بس للانسان الي جد بيستاهل
.....................................
تعو لهون ولو شباب شو بكن قايمين مره وحده ضد المراه
\كلمة اخيره شئتم ام ابيتم المراه افضل ما خلق الله واروع ما وجد على الارض واعظم ما سيبقى

استرجو حكو علينا بعد شي كلمه بدي بلش تطبيش انا

ههههه شو ذنبي انا... هاه هي شو بتسميها اسا ههههه.. صرلي ساعة ابدافع عن المراة و بقول شكسبير غبي و نقلت غنية للام و فيديو فيه تضحية للام. بعدين عم قول نحنا خلقنا تنحميكم ههه يعني نستشهد كرمالكم هيك رديتيلي المعروف Sad

.

بلشت شك بكلام شكسبير... بلكي صح
هههه لا مثل ما قال المعلم المراة هي الجزء الآخر من الرجل.. النصف الآخر ليكتمل.
واذا ارتفع الرجل درجة واحدة عن المراة لم يعد موحدا هي من دكتور سامي مكارم.
لول

ههههههههههههههههه
وك وك اسفه انا ما انتبهت انك عمتدافع فكرتك متكاتف مع اعداء المراه
وك انتي فش مثلك علمهم علمهم معنى الحكي الصحيح

ههههه ولك شافين منك الو تعلمو شو في صفات جميلي بل مراة.انا بعرف الشباب بدهم يعتذرو من جوات قلبهم بس كرمال على اساس صامدين بموقفهم متظاهرين بل قلب الميّت ههههههههه

الرجل والمراة بيكملو بعض حتى ينعرف التوحيد فقط للباري جل وعلا

حسب رايي ان دور المراة اهم من ناحية ان النتايج والتعامل اليومي بين الابناء بيبين اكثر

اما الاب حيث ان النتائج بين التعامل بتكون غير مباشرة مثلا بيكون بطريقة توفير الراحة والهدوء

والسكن والمعيشة هذول عطاء من الاب اما عطاء الام بيكون بسبب ان عمل الام هو العطاء والمحبة

من الداخل اما الاب الامن والسلامة من الخارج

اما عندي تعديل صغير اختي امال

المراة المتواضعة هي افضل خلق الله والرجل المتواضع هو افضل خلق الله
حيث ان كل انسان بيعطي عطاء كان رجل او امراة ما بيكون مستني مقابل من الاخر

حيث ان الانسان مهما قدم لغيره يجده قليل ولو كان كثير ويجد ما قدمه غيره كثير مهما كان قليل وهو لا يرى لنفسه قدر او قيمة مهما كانت عطاياه عظيمة
حسب رايي هاي هي مواصفات افضل خلق الله من رجل او امراة

لان الرجل او امراة اذا قدم خير لغيره ممكن تعجب نفسه بعمله وبيبطل الثواب او ممكن تشوف نفسه على غيره اذا وجد ان هو عبيقدم اكثر من غيره او عبينال اكثر من غيره وهون بيكون الله يسامحنا ويلطف فينا ويحمينا من شر انفسنا

لك شو هذا عاملين طنه ورنه هون

لك يا عمي هلق لولا حواء كنا متواجدين نحنا اليوم ولا خلقانين مين جابنا عهالدنيا بعد الله عز وجل اكيد امياتنا وامياتنا من صنف حواء

والله خلق الدنيا وبلشها بادم وحواء ولولا ما خلق حواء كانت الدنيا بس حيوانات وطيور واشجار وما في بشر
يعني شي منطقي الواحد يحكي ........

والمراه الها دور اساسي في المجتمع زيها زي الرجل بس الفرق بانظمة عمل كل واحد منهن ....

وما في استمرارية للحياه بدون المراه .........

تحياتي واحترامي

وكو انا انبحيت وانا احكي قولولهم لابو فهد وابو سلطان هلكت وانا احكي ما كانو يردو علي
يسلم ملافظكو يا موحد وبهاء هيك من الاول لازم الحكي

شو علقانه شايف ليش هيك
كانو الكل ضد ابوفهد وابو سلطان
يا جماعه للولا الرجل شغلتكن فاضيه
ف يا صبايا ويا مناصرين الصبايا
روحو بيعو بليله متل ابو غالب
بكون احسن
وشو بدكن بهالحكي
Twisted Evil

لا خيو القصه مو قصة مناصرين او ضد

بس انو الحق يقال مو اكثر وشكرا

تحياتي واحترامي

اختي امال انا معك شو بتقولي ان المراة نصف المجتمع وان هي بتعطي جمال للمجتمع

اما نحنا بدنا مين يعطينا روح معنوية ان انتي بتدافعي عن المراة وصحيح مو الكل نفس الشيء

اما لازم يكون في انصاف النا وان خلف كل امراة عظيمة رجل وان الرجل نصف المجتمع

صحيح بدون امراة لا يوجد رجال وكذلك بدون رجال لا يوجد نساء يعني هون في مساواة وعدم تفضيل

حيث ان كل من الرجل والامراة يؤدي دوره في الحياة ممنوع نميز حدا عن الاخر لان من حق اي

كان الاب او الام ان يلاقي في نتيجة عكسية للتعب والجهد اللي عبيقدمو للاسرة واذا ما لاقى ممكن يندم على العطاء اللي عبيقدموا .. صحيح منقول ان لازم اللي يعمل الخير ما ينتظر مقابل اما العاطفة اللي فينا صعب تقدر تمشي على هذا القول بالاخص اذا كان اب وابن/ه او ام وابن/ه
واكيد اللي بيميز اب عن ام او العكس بيكون عبيشكل خيبة امل للشخص الثاني عشان هيك هاي الاشياء بمنتهى الحساسية احيانا بالمزح ما بحب ناقش فيها لان بتلعب على حبل المشاعر عشان هيك ما بحب هاي المواضيع تقبلو تحياتي