اهداء لعيونكم...........

هي القصيده من شي ساعه كتبتها وحبيت اهديا الكن وللمنتدى
ويمكن غيب عنكن بعد شي كم يوم 4 او 5 شهور
بدي قلكن ديرو بالكن على حالكم والله يوفقكن.....

سميت باسم الله عكل الاحوال
رب العباد ال عارف عددها
وابديت رتب بالقوافي والاقوال
واخط حبري فوق طيت ورقها
عن موقع ما ينشرى بالاموال
ولا يثمن ولو قايضوه بذهبها
براية التوحيد تكنا ولا زال
شامخ عرينه في اعالي جبلها
يروي التواريخ بمر الاجيال
عن ربع ما ذلو غيرللي خلقها
والمواضيع فيه تريح البال
وتغني الفكر بطريقة سردها
واعضائه من طيب الخصال
عيال معروف والنعم بي نسبها
ابتدي بخياتي راعيات الدلال
والعفه والطهاره من صفتها
يزيدو لمنتدى بالحلا والجمال
مثل السحايب يوم تهدي قطرها
ويطريلي بالفكر ذكر الاشبال
سباع البوادي مبرقين رعدها
ما جابت الارض مثلهم رجال
صقور الفلا المعتلين بقممها
من ابو فهد الف تحيه ياعيال
وربي حماكن من ميلة دهرها

وسلمتكن

الله يخليك خيو ابو الفهد

ويسلم هالملافظ ومشكور كثير عالاهداء

بس ليش يا خيي ناوي تتركنا كل هالمده

ناوي تتجوز ولا شو الخبريه

اكيد بتمنالك كل الخير والسعاده

وما تنسانا ابقى طمنا عنك

والله مش خبريه خيي ابو فهد المهم ترجع بخير وسلامه
اااه معك ويسهل امرك القلب داعيلك حبيب

مشكور كثير على هالكلام الجميل
ويعطيك ألف ألف عافية يا رب
وإن شاء الله تروج وترجعلنا بالسلامة
آمين يا رب العالمين

قصيده بتجنن
الله معك ويوفقك ويفتحها بوجهك بس لا تطول الغيبه كثير ارجع طل عالمنتدى

اذا بتترك يا ابو فهد راح تخسر صداقتي ومعرفتي
راح يصير زعل منيح عهالشغله
وبقولها ابو فهد ما في سبب يخليه يترك هو بس هاين عليه بعادنا
ابو فهد انا بطلب منك تضل وضد قرار تركك الموقع
كل شي عليه تصويت قرارنا جماعي منو فردي
وببلش انا وبرفض انك تترك
ضد الفكره
يلا اعضائنا خلينا نعطي قرارنا ابو فهد مفكرها وكاله من غير بواب بس لا ما حزر

تكرم الادراه لعيونك
وهذا كلامي للاخ أبو فهد

له يأخي أبو فهد
هيك رح أزعل كثير
يعني بس صرت أدخل على المنتدى بدك تترك لكان أني كمان فالل بدون رجعة ومارح أقبل معك

شباب . صبايا
يله كلنى مع بعض ضد أبو فهد
مافي يترك يعني مافيه خليها على التصويت مين بدو يقبل مع أبو فهد ومين مابدو يقبل
لنشوف لمين الاكثرية

ينصر دينك يا اتبو بيرم ايوه بلش حدا يفهم علي

هاي صرنا انا وانتي تنين
ما راح نخليه يترك
مش عكيفو الشغله

وانا والله حبيتكن كثير وبعز كل واحد فيكن
انتو اخوه الي
ومن كل قلبي بشكركم على هالكلام الي بيفرح القلب
ولا تفكرو انكن بتهونو علي
والله بيعلم محبتكن ومعزتكن
وحتى لو رحت بعرف انو المنتدى بين اديكن ورح تحافظو علي
وان شاء الله بصير خير

تحياتي للكل

صرنا ثلاثه وانا بضم صوتي الكو امال والبيرم

شو القصيده الرائعه يا بوفهد
والله كلامك ذهب
يسلمو كثير عالاهداء
والله يوفقك وييسر امرك
بس كمان بضم صوتي لامال ترا

يسلم ثمك يا خال والله الجنه بلا ناس ما بتنداس والمنتدى بلاك ماله طعم ولا لون اصحه اجي وما لاقيك هه والله بطبشك

خيي ابو الفهد يعطيك العافية يا خيي

ليش بدك تتركنا نحنا كثير منحبك ومنحترمك ومنعزك ومنقدرك

شو السبب اللي بيخليك تترك المنتدى عنجد في شي مزعلك خيي الغالي
نحنا كثير منحبك وانا ما بيهون عليي انك تتركنا لان ما في سبب تتركنا غير اذا في شي مزعلك ووقتها بيكون حقنا عليك لان انت ما عرفتنا نحنا كثير منحبك وانا مع اختي امال نحنا متعلقين فيك وما بدنا اياك تفل قول اجازة بيصير شي مقبول ان فترة صغيرة اما ممنوع تتركنا

شفت شفت يا ابو فهد
قرارك شكلو رفض من قبل الجميع
لذا فقد قررنا نحنه هيئه الموقع المبجله ( مشلبها مبجله)
الغاء لغاء تام فكرة فللانك من الموقع وعدم السماح لك بذكر هذه الفله مره اخرى والمخالف يعاقب شنقا بالرصاص حتى تستغيث ولا نرد عليك

رفعت الجلسه

ما في استئناف هاي بس لتضيفها لمعلوماتك العامه (فنحن في محكمه ديمقراطيه)

(استرجي عود اسمع حسك )

ههههههههههههههه استرجي قول بعد بدك تترك يلا جيبو المته والحقوني [url=12]12[/url]

ههههه البمبات علي

يعني طلع الحكم وخلص ما في اسئناف
طيب ممكن استعمل حق الفيتو او ممنوع هههههههه
بما انو الحكم ديموقراطي

ما في فيتو ولا

الديمقراطيه من حق قرارنا بس انتس ما الك غير استبداد

بسم الله الرحمن الرحيم

اول شي قبل لاعطيك رايي بقرار رحيلك
بدي قول كلمة حق ...
رواد بدينا المشوار سوا ومن بداية الطريق كنت الاخ والصديق
اول طلب لرواد كان نفتح قسم للشعر والخواطر اذا بتتذكر خيي رواد
كنت شوف رواد مهتم بالمنتدى بيشتغل فيه كل الوقت بيعدل في المواضيع
بيهتم بالاعضاء وخاصة بشغل الادار كان دائما السباق لحل اي مشكله او لاي مبادره مهمه كان
دائما الاول
كنت لما غيب عن المنتدى بحكم شغلي ...كنت دائما مطمئنه ان المنتدى بايدي امينه
لانو رواد موجود...
من منا قراء قصائد رواد وما قال الله على الكلام يلي بيشرح القلب
من منا لم يضحك مع رواد عندما سهرو معا في علبة الدردشه
وشرب مته ونبسط بسهرته
ها رواد يلي بفتخر قول اني محظوظه جدا اني تعرف عليه وارجو له التوفيق من كل قلبي
بمشوار حياته

شو بدي قول قصيده جميله او رائعه او ماذا
راح قول مع كل بيت من القصيده اعتلتني اسمى المشاعر
وراح قلو كمان...

الصديق اللي صفا لي وداده ... وانت الغالي اللي له القلب يرتاح مانساك لو ينسى الكحل سود الاهداب .... وشلون تنسى العين صافي نظرها قدرك كبير وصحبتك ترفع الراس ... فوق الغلا تملك وسام الصداقه كلن يقول ان الوفا صعب نلقاه .... وانا اقول ان الوفا فيك مخلوق

الله معك ويسهل امرك ويوفقك ولا تنسى تطل علينا

خيو رواد الله يسهل امرك

ونحنا ما شفنا منك غير كل خير

بتمنالك تقضي اجمل الاوقات مع اهلك وربعك

وتعود سالم لربوع الوطن وللسويداء الغاليه عقلوبنا جميعا

وما تنسى في اخوه واخوات الك هون ناطرينك

وابقا خبرنا شو بيصير معك

تحياتي خيو الغالي

يروي التواريخ بمر الاجيال

عن ربع ما ذلو غيرللي خلقها

يسلمو ملافظك يا الغالي ابدعت والله يديمك

ولله بردت هالموضوع ذكرتوني بفتره زمان بالموقع

حلوه القصيده كقصيده

الف شكر اخي

اهداء لعيوووونا
اي ولله نيال عيوننا ع هيك كلام
قصيده رائعه جدا...
ها يللي عودتنا عليه كل شي حلو....
ومنيح ما كنت بهالفتره هون ..لان كمان كنت ضميت صوتي
للاعضااااء وقلت فش رووووحه

كلمات جميله جدا..
يسلم دياتك

هههههههه ولكو محدا يذكرو خلونا مستورين
ابو فهد غيمه ومرقت وفش رجعه الها