لم يقدم التجنيد لقرانا الا المقابر العسكرية!

هذا ما جاء في رسالة المطالبة بانضمام رؤساء المجالس المحلية الموحدة إلى اللجنة القطرية لرؤساء السلطات المحلية العربية

بعث مفيد مهنا نائب رئيس مجلس البقيعة المحلي برسالة إلى صالح فارس رئيس منتدى السلطات المحلية الموحدة والشركسية يطالبه فيها بانضمام رؤساء المنتدى إلى اللجنة القطرية لرؤساء السلطات المحلية العربية.
كذلك قام بإرسال نسخة من رسالته إلى نصر الله خير رئيس مجلس البقيعة المحلي والى رامز جرايسي رئيس بلدية الناصرة، رئيس اللجنة القطرية لرؤساء السلطات المحلية العربية. وجاء في رسالته ما يلي:

الأخوة الرؤساء أبناء الطائفة العربية الموحدة المحترمين،

"غير خاف عليكم إن ألموحدون جزء من الشعب العربي، وان السلطات الحاكمة تعرف هذه الحقيقة التاريخية، وما مارسته منذ ستة عقود ضد باقي الأخوة العرب، مورس، أيضا ضدنا. حيث تمت مصادرة حوالي 80% من أراضينا، وخنقوا القرى الموحدة بالمستوطنات اليهودية، وفي الوقت ذاته جرى ويجري تحديد إمكانيات توسيع مسطحات هذه القرى بما يجاري التكاثر السكاني، وتركها متخلفة عن مجريات التطور العام، أي بدون تصنيع أو ورشات ومنشئات عمرانية ومجمل الأرضية للبنية التحتية، كتلك التي نراها في معلوت وتيفن وشلومي وغيرها من مستوطنات ومناطق صناعية مجاورة".

وأضاف في رسالته: "هذا ونسبة البطالة تتزايد باستمرار، في بلداتنا وتطال حتى الجنود المسرحين – وبموجب التقارير الرسمية، فإن "المدارس الموحدة" دون مستوى باقي المدارس العربية. ومن يعرف أكثر منكم تلك المناهج غير المتكافئة والتي يُكرس معظمها لسياسة "التدريز" لتزيف تراثنا وتاريخنا ووجودنا وانتماءنا لأبناء شعبنا العربي الفلسطيني. ثم ان التجنيد الإجباري المفروض علينا والمرفوض من غالبية أبناء الطائفة، في واقع الأمر لم يقدم لقرانا غير المقابر العسكرية! وفتات موائد الميزانيات واتهام الرؤساء بعدم القدرة على إدارة مجالسهم كما جرى في الدالية وعسفيا ويركا وإهمال متطلباتها وما إلى هذا سياسة خبيثة وغير نظيفة".

وجاء في رسالته: "مصطلح "المجالس الدرزية والشركسية" يختبئ خلفه نهج سياسة فرق تسد الحكومية، وأنتم تعرفون أن قرية عين الأسد، ومع إن جميع سكانها من ألدروز، إلا أنها تتبع للمجلس اليهودي القطري "مروم هجليل". كذلك نسبة ألدروز في قرية الرامة أعلى منها في أبو سنان لكن الرامة غير مُعرّفة كقرية درزية، أما أبوسنان فنعم يعتبرونها قرية موحدة، مع العلم إن أكثرية سكانها ليسوا موحدونا.
ولأمر في نفس يعقوب لم تعتبر الحكومة شفاعمرو مدينة موحدة مع إن النسبة السكانية مشابهة، ليس من حيث العدد، وإنما لواقع التركيبة الأبوسنانية".
وذكر في رسالته: "أما بخصوص القرى الشركسية فقرية الريحانية هي الأخرى تابعة لمجلس قطري يهودي وأختها الوحيدة كفركما تابعة للفورم الموحد".

وأنهى الرسالة بقوله: "الأخ العزيز صالح رئيس المنتدى أيها الرؤساء الكرام، من خلال متابعتي للإحداث وحضور معظم اجتماعات المنتدى كصحفي أو كنائب لرئيس مجلس البقيعة المحلي، لا يسعني إلا أن احيي فيكم الروح النضالية والحس الوطني، واعتقد إن الوقت قد حان والإمكانيات واردة للانضمام إلى اللجنة القطرية لرؤساء السلطات المحلية العربية. والأمر بحاجة إلى قرار شجاع، لمسته في كل واحد فيكم. وهنا أود التنويه إن من خلال اللجنة القطرية لرؤساء السلطات المحلية العربية وخلال مرحلة انتقالية محدودة ممكن الانفراد ببحث بعض القضايا المتعلقة بالموحدون، أما باقي القضايا فلا تختلف، برأيي، عن باقي أبحاث اللجنة القطرية.. فهناك موقعنا وهناك نُحصّل حقوقنا، ومن هناك نمر إلى لجنة المتابعة العليا وبهذا الانتقال نحقق حدثا تاريخيا وعُرسا وطنيا يعيد لطائفتنا العربية الموحدة مكانتها وموقعها بين أهلها وأبناء شعبها".

واقع مرير

وهذه اكبر خسائرنا

من ضحايا الاسلحه والامن حتى سنة 2007 في القرى المعروفيه

بيت جن-73

المغار 59

يركا 49

لداليه 46

عسفيا 37

حرفيش 35

الرامه 27

جولس 22

شفاعمرو 18

ساجور 17

ابو سنان 17

يانوح 16

البقيعة 11

كسرى 6

كفر سميع 5

عين الاسد 5

جث 3

المجموع 446 شاب راح ضحيه في التجنيد الاجباري

واللذين قتلو في ظروف غامضه حتى سنة 2007-86 منهم:

بيت جن 22

الرامه 11

يركا 10

الدالة 9

يانوح 7

البقيعة 7

المغار 6

عسفيا 6

ساجور 4

شفاعمرو 3

كسرى 2

صح انو كل هالشهداء راحوا ضحية التجنيد الاجباري
بس خلينا لا ننسى اكام بــــيت من بيوت فلسطين الموحدة عايش بس من اموال هالخدمة
ولو حسبنا كام بيت وكم طفل عايش بس من الخدمة كنا لقينا انو شباب اكتر يلي عايشة من هالاموال اكتر من يلي راحوا ضحايا.
انا مش 100% معا لتجنيد الاجباري بس في كتير نواحي يلي بتخليني شوف الجانب المنيح من هالخدمة.
في نواحي منيحة ونواحي يلي عنجد حرقت قلوب ناس وبعدت عننا اغلى الناس .

من ناحة تاني السلبيات هيي انو هالمقابر العسكرية اللي حكوا عنها بالموضوع ومجموع الشهداء يلي نحكى عنها ... بس هذاااااا مش ذنب الجيش هالشهداء . هذا قدر !!! وهيك مكتوب ! والشي الوحيد يلي ما فينا نلوم عليه هوي الموت لانو حد عمر كل انسان مكتوب وما فيني نلوم الخدمة . فليش ما منعد يلي توفوا بحوادث الطرق يلي بتساوي اضعاف يلي توفوا بالجيش ؟؟؟ شو راح نقول ذنب انهن راحوا ساقوا سياراتهم ؟؟
ما فينا نلوم ع الموت وما فينا نساوي الخدمة العسكرية بالشهداء.
ولو كان سيدنا الشيخ امين رافض هالشي كان ما قبل هالشي لشبابنا .. وما في حدا خاف عمصلحتنا قد سيدنا الشيخ.... فليش لنعارض رايو ؟ ليش لنعمل غير يلي بيرضيه لما هوي شايف انو هالشي كان لمصلحتنا وبس ؟
***
لما طلع قانون التجنيد الاجباري كتير يلي عارضوا عليه لانو كان هذا القانون بمثابة انعزال الشاب الموحد عن مجتمعه. لانو هالقانون انفرض على الموحدين بالذات وعافوا المسلم والنصراوي منه .

انا ما بعرف اذا يلي حاكيتو صح او لا
بس انا هذا رايي او على الاقل هذا يلي بشوفو ....

للاسف الشديد ها هي الحقيقه يللي الاغلب عايشها
انا بسمع انه راي كثير من الناس من رايك يا كنار
بس انا بدي احكي عن حالي ...انا مش منهن ...بس بغدرش غير هالواقع يللي عايشينو ..مش انا يللي بقرر لاخوي يروح او ما يروح عالجيش بالرغم من اجباره ع هالشي.. بس منعرف كثير اشخاص يللي بيشتغلوا عالشي من هني وولادن صغار ..وما بيسمحولن يروحوا حتى لو بدن ينحبسوا...
بس بدي صححلك هالشغله كنوره ..التجنيد الاجباري بالدوله ما وافق عليه سيدنا الشيخ امين الله يرحمه.. بعض من المشايخ وافقوا عنه لما كان بوضع بيسمحلوش انه يقرر.
ولما وافقوا ع هالشي بسمع انه لسبب واحد وهو ليغدروا الموحدون بالدوله ياخذوا حقوقن ويكونوا مواطنين محترمين.
يمكن بعد الخوض بهالتجربه من قبل الشباب وخدمة ال 3 سنين يللي خلالهن بيملكوا القليل من الحقوق وبعد ما يتسرحوا بيقعدوا يطالبوا بحقوقن بتخليهن يغيروا نظرتهن للحياه.
بس يللي بيضل ماشي بنفس المسار وبيتابع شغله بنطاق الخدمه بيكون مستوى معيشته من اعلى المستويات بالدوله.
ولما لا سمح الله نفقد هالشخص بنطاق الشغل سيعتها منصير نلعن ابو الجيش .ومننسى انه هاي قسمه.
ويللي عارضيتن امال هذول اغلى من الروح ..وخسارتهن صعبه كثير ع كل موحد...
بس العنوان بيلخص كل اشي.في حال والشب كان بس جندي العادي... ما بيملك غير هالقبر بالمقبره العسكريه

اي يمكن معكوا حق .. او اكيد معكوا حق .. بس يا ريت تعملووا هالشي يلي عملتو بالعد
لعد اكام بيت واكام طفل عميوووكل من وراهالجيش
لهيك وحتى ما نضطر نلعن الجيش يلي عميطعمي كتير من شبابنا وعائلاتنا
لازم نتسكر ع حالنا .. نكون وحدة وحدي مش قسم بيتجند وقسم لا ..

الضحايا غاليين علينا قد الدنيا حتى لو حدا بعيد عني بس قلبي بيحترق عليهن بس هذا قدر . وهني صح اغلى من الروح بس كمان تنزاد نسبة البطالة عنا ونشوف اكتر ولاد مشردين بطائفتنا واهل مش قادرين يطعموا ولادهن هذا اوجع على الروح واذا رحنا لشغلة تاني فيا ريت لو فينا كان نقول انو الشغل مليان كنا ما واجهنا هالمشاكل .
لو حكينا بصراحة .. الشباب وخاصة عمنشوف كتير هالظاهرة ببلدنا يلي ما بتقدر تروح تشوف مستقبلها بالتعلم والجامعات والشهادات وين عمتختار تروح ؟ ع - الجيش .. وعمتختار مصدر رزقها من الجيش .. فحتما كانت هالشباب لو ما عندها حل تاني كانت قضت عمرها تدور ع شغل .. بعدين مش كل واحد راح ع الجيش يعني هوي عمبحارب مع الصهاينة .. اغلب الشباب اليوم بتختار ل الشرطة او حرس الحدود يلي هوي حماية الدولة من الداخل ومش المحاربة ضد اخواننا العرب.
وانو نلعن الجيش لموت الشب هذه اسمو قلة ايمان لانو ربنا بيوخذ الروح بالمكتوب عليها مش لانو هذا الشب راح للجيش او خدم عسكرية . ولو كان مكتبلو انو يتوفى كان راح يتوفى بنفس الساعة وحتى لو رجلو ما خطت الخدمه.

بحكي هالحكي وبشوف ملياااااااااااان انتهاك لحقوقنا من قبل اليهود ونزلت مساهمة عن المظاهرات اللي عمتعملها مشايخنا قدام المحاكم وماااا بهون عليي شوف شيخ واقف قدام محكمه عمبعمل مظاهرة لانو منظر بيقطع القلب
بس من ناحة تانية ما بقدر انكر كل يلي حكيتو
ويا ريـــــــــــــــــــــــــــــــــــــــــــــــــــــــــــــــــــت لو في حدا مننا بيقدر يحسم رايو بهالموضوع
لانو هالموضوع من اصعب النقاشات لانو تقريبا فيها الايجابيات والسلبيات بتتساوى

كل شخص له نظرته الخاصه في الحياة ومشاكلها ....
فمن منطلق الحرية ... انا ضد التجنيد الاجباري ومحبذ ان يكون اختياري لكن ليس منعه منعا باتا ..

وشكرا

شو هالتجنيد اللي جابو موحدوننا بفلسيطن لحالن
ما كان حدا جابرهن ولا بيجبرهن لو ما وقعو هالاتفاقيات بينن وبين اسرائيل
شو هالتجنيد اللي عم تحكو عنو بدوله محتله ومجرمه
وشو هالشباب اللي مبسوطه بالخدمه وكانو عم تخدم دولة اللي خلفها
ابسط الامور اذا صار اي حرب بين سوريا واسرائيل رح يكونو
هالمجندين الاجباري والغير اجباري من الموحدون باسرائيل
على اول المقاتلين ضدنا ورح ينفذ العسكري الامر ويقتل وممكن كتير يكون اللي قتلو موحد
ها حكي لا غبار علي ولا ممكن الا انو يكون صح بيوم من الايام
نسبة الرافضين للتجنيد من الشباب قليله كتير
واغلبية الشباب للاسف بتعتبر حالها عم تخدم دولتها وعم دافع عنها
بكل ما بتملك
وبالوقت نفسو اسرائيل بتعتبر الموحدون فيها درجه ثانيه
قصة التجنيد االاجباري كانت غلط من الاساس واللي وقع هالاتفاقيه
حط كل الموحدون بالعالم بموقف محرج جدا
كل الموحدون بسوريا ولبنان بترفض رفض قاطع هالشي

وحسب ما الاراء عم تقولو ان الجيش هو مصدر رزق
يعني الدولارات والمال
ويا هل ترا ما في غير الجيش يطعمي خبز ببلادكن
انقطع الشغل الا الجيش
الشباب اللي عم تروح تخدم رايحه لتخدم قضية اسرائيل
وتدافع عن قضية اسرائيل
رايح تتدافع عن الد عدو الي ولاهلي ولناسي
رايحه لتدافع عن المجرمين

اول شي بدي قولو انو انااااا مش مع التجنيد
ولو حتى حكيت هالحكي حكيتو من حقيقة عمبتصير هون....
وانت رواد عمبتقول يقاتلوا ضدنا ؟ ليش جنودكوا يلي عندكوا مش عمبقاتلوا ضدنا احنا؟
بلبنان ؟ ناسي شو عملوا فينا ؟؟!؟
معندكن كمان بيتجندوا موحدين .. ووبلبنان كمان
ومش ممكن اي جندي موحد من عندكو يقتل موحد من عنا ..؟
اي احنا عايشين هون غصب عننا بس عايشيننننننننننننننن والارض النا شي اكيد.
وعفكرة لا تصدق .. انو الجنود يلي عنا بتروح عشان تدافع عن القضية الاسرائيلية
ولو حتى قالولك هالشي كمان لا تصدق ...
الجنووود بتروح لسبب وحيد هو حماية اسمنا بهالدولة يلي ما فينا نغير حقيقتها وما في نغير حقيقة كونا مواطنين في دولة اسرائيلية بغير ارااااادتنا.
وبالنسبة لمصدر الرزق اي يمكن معك حق انو بيقدر الواحد يشتغل بكتير محلات غير ... بس اسا بهاي الفترة في اكتر من 100 بيت عميعتاش منهن .
انا مش عمقول انو انا مع الواحد يعتمد بمصدر رزقو على الجيش ... بس هيك الوضع وهيك الحقيقة !! بس لاشرج انو هالخدمة العسكرية ما جابت بس المقابر !!!
وضع يلي ما منقدر نغيرووووووووو
ويا ريييييت لو كان فينا حل تاني ...
ويا ريت لو بيرجع الزمن لحتى ما يوقعوا على التجنيد للموحدين ............

الموحدون عم يخدمو جيش بسوريا لان سوريا دولتهن وبلدهن
من الفين سنه ولو كان اي احتلال لسوريا من اي دوله لا سمح الله
الموحدون رح يدافعو عن سوريا الوطن وتاريخن معروف
باي دور كان يكون احتلال بسوريا كان االموحدون اول المدافعين

سياسة القمع داخل اسرائيل يجهلها من في الخارج ...

من منطلق المساتره والحفاض على الكيان الموحد اللذي كان قبل الاحتلال ... عقد كبار مشايخنا هذا المعاهده .

بغض النظر عن الاراء اللي انطرحت هون
وبما انو كل شخص عندو وجهة نظر وعندو حرية تامة بالتعبير عنها
مش راح ناقشكن او عقب ع الاراء اللي انطرحت..

ردا ع الموضوع..
بما انو العقيدة عنا ثابتة الحمدلله وبما اننا من اكثر الناس منامن بالقضاء والقدر والنصيب
فنحنا الموحدين هون مقدر علينا نكون هيك
هذا قدرنا وهيك نصيبنا
نحنا ما خييرنا لا بالارض اللي خلقنا فيها , ولا بالوضع الموجود....
ولو كانو موحدين العالم كلن خلقو عنا كان معظمن رح يروحو ع الجيش اللي هني هلق ضدو.. مشان هيك يا جماعة اللي ايدو بالمي مش مثل اللي ايدو بالنار

وبالنسبة للمقابر العسكرية اللي كانت سبب فتح هالموضوع ..فكل اللي اندفنو فيها هيك ربنا مقدرلن وكاتبلن ويمكن لو ما كانو ماتو وهني جنود كانو رح يموتو بظرف ثاني بنفس الوقت والساعة اللي ماتو فيها كجنود..الاعمار بيد الله يا جماعة وكل حديثكن لا رح يقدم ولا ياخر...
بكفي عاد , ملينا ونحنا ندور ونلف , ونلف وندور حول نفس الموضوع

ها رايي..