ايهما تفضل قلب يحبك ام قلب يفهمك؟؟؟

قال شخص من الناس سألت إحدى أصدقائي هذا السؤال فأجاب بثقة
قلب يحبني ...!!! نظرت إليه بتعجب فقلت:
ما فائدة الحب دون تفاهم !!!
ودون فهم الطرف للطرف الآخر
فإذا كان الحب دون تفاهم ؟؟ لن يدوم
حيث أي مشكلة ممكن أن تعترض الطرفين
تؤدي إلي الفراق ... أما القلب الذي يفهمك
ويجيد التعامل معك ويعرف سلوكياتك جيدا
أي مشكلة ستصل لحل لها
فأجابني صديقي لكن ماذا إذا كان قلب يفهمني
لكن لا يحبني أجبته من الممكن أن يحبك ...
والحب ليس كل شيء كذلك ..

كل الاحترام يا دمعه بس انا حسب رايي اللي بحب بقدر يفهم ويقدر ضروف حبيبه ويكبر عقله ويحترم اللي قباله
موضع مميز كثير يسلمو

قلب يقهمني ولا قلب ايحبني لانو اذا بفهمني وبفهوا بعدين راح ايحبني احسن ايكون يفهمني ويحبني ولا يحبني وما يفهمني

زائر

يا عمي شو بعرفكن انتو يا بنات خلص يفهمنا و بس
و بلا حب و بلا شي المهم اكون في تفاهم
تحياتي

ولك عمر مالك عالبنات طلعتنا بلاا مشاعر دير بالك عالك احنا اكثريه هون Twisted Evil

و شو هوي الحب اصلا؟
وكيف ممكن حب شخص ما بفهمو!؟
ما بفهمو يعني شو ما قال او عمل ما رح قدر شي , ورح حسو سخيف!
هيدا ما بيعني انو كل تفاهم بودي لحب, لكن ما في حب بدون تفاهم, و تعاطف غريزي, مش منطقي او متكلف

الحب ممكن انه يولد التفاهم بس الحب شي والتفاهم شي تاني بس المفروض انه كل شخص بيحب بيتفهم حبيبه
انا بفضل شخص يحبني بالرغم من انه هالايام ما عاد في حب ....
خيي ممكن يفهمني وصديقي ممكن يفهمني واختي وجاري ورفيقتي والكل ممكن يفهموني بس ما حدن ممكن يعوض ويحل مكان حبيبي...
يسلمو ايديكي دمعه طرح موفق....

غزل انا كنت فكر متلك, انو الحب اهم شي! بس مريت بتجربة كتير عانيت خلالها ,انت افترضي انو في شخص بحبك, بس ما قادر يفهم "منطقك" بالحياة او كيف بتحبي تعيشي, او حتى المواضيع اللي بتعجبك و بتهمك, يعني ما قادر يفهمك, انت حتحسي بنقص , و ما حترتاحي نفسيا معو ,فما رح تقدري تحبي...

بس اذا كان الحب متبادل من البداية يعني already في تفاهم بين الاتنين وهيدا افضل شي Smile

خلونا قبل منسئل هالسؤال نسئل حالنا شو هو الحب
شو الشي الي بيكون الحب
اكيد من الشكل انا ما بحب انسان علشان شكله ممكن اعجب فيه بس ما راح يكون حب
على شان طبعه ما في انسان طبعه مثل التاني يمكن انبهر فيه بس ما راح يكون حب
على شان ذكائه كمان ما راح قيم الحب بس علشان الذكاء لانه كل انسان ذكي اذا عرف يستعمل افكاره صح
الجواب بحسب رايي لهيك سؤال هو التفاهم
ما منقدر نقارن بين هالشغلتين لانه الحب بينشا لما يكون في تفاهم كبير بين اي شخصين بيخليهم يحسو حالهم واحد بيحبو ذات الشي بيفكرو بذات الشي ممكن مش بنسبة 100% بس نسبه عاليه وهذا الشي الي بيخليهم يختارو بعض لانه ميولهم بيتجه لطريق واحد وهذا بيشكله التفاهم
وصدقوني العلاقه الي بتنبني على اساس حب وبتفشل مش لانه واحد من الطرفين غلط بس لاننا من الاول منكون فهمنا الحب غلط راح يكون مجرد اعجاب او انبهار بشخص معين وهاي كلها صفات مع الوقت بتزول وبتسبب ضعف العلاقه وكل انسان بيفكر انه الي قباله غلط مع نه الغلط من الطرفين لفهم كلمة حب ومع الوقت بينشا الحب الحقيقي ومنعرف اساسه وانه مبني على البذره الاولى وهي الفاهم

انا بوافقك يا امال , اكيد التفاهم التام بين شخصين هوي كنز الهن...وهوي اندر شي بالوجود!