تعرفوا على خيكم قبلان

محسوبكم قبلان القمحاني عمري بدك تقول شي عشر سنين عايش عند دار جدي. لانو بيي طلق امي لانو اجا من الحصيدي ولاقاها عبتشرب متي عند خالتي نعايم وتاركي العنزات بلا حليب قلا ولي مقوسي اني عبحصد وباكل هوى وانتي داشري انقبري من خلقتي ولي كديشي انتي طالق.بيي فل علبنان وامي فلت عدار جدي جدلله ,واني اسا عايش عند دار جدي قاسم وستي خشفي.خطرا كنت متبطح بحظن ستي خشفي وعبتنقيلي قمل كل قملي اجلك الله قد القر مع مجية جدي قاسم من القيولي, قلي ولا قبلان, طلعت الطرشات ,قلتلو لا يا جدي ,قلي قوم قب انقبر ولا, قبل مااترفش بفشتك, بس قمت, قلي خوذ البقرات على المطخ وردن, وخذن عالحاكوره, وعمر الطرع ,وعمر كل اربع خمس فشخات, قعقور احلا ما ينهزمو الطرشات, ورجاع سكر الشعفوره مليح ,تنساش هه, احلى ما انقرك بدن طحبشك طحبشي, رحت سويت مثل ما قلي جدي ورجعت, لقيت عنا عم بو خزاعي قاعد هوي وجدي, وعب يخلعو على بعظن كذب, قلي جدي تع ولا قبلان قعود حديي قعدت .قال جدي قاسم لو تشوف خيي بو خزاعي من شي ثلث اربع ايام, واني نايم بهليل, مسمعتلك غير صوت هالغنمات طلع, قمتلك اركظ فيقت قبلان, ورحنا نشوف شو هذا. ونو خيي بو خزاعي ذيب قد الكديش ,اجلك الله ,مش هيك ولا قبلان .قلتلو انبلا ياجدي هيك .شو بدي سوي نغزني بالمذروب بخشلي جنبي, ورجع تطلع ب عم بو خزاعي ,وقلو ولله ياخيي تحيرت شو بدي سوي .واهجملك على الذيب خي بو خزاعي, وطق لاقطو من زردومو, مرى يقلب عليي, ومرى اقلب عليه, وظلينا ندايص شي ساعه مشهيك ولا قبلان, ونكزني قلتلو انبلا ياجدي .قال والله عاني عليه خيي بو خزاعي وشلختلو حنكو, وخلصت هلحللات من شرو هلداشر.قلو عم بوخزاعي قررر اللله حيك يا بو رافع بشرفي انك شبع (يعني سبع) لانو عم بو خزاعي نسيان تركيبتو بالبيت.شوي قال عم بوخزاعي والله خي بو رافع,,, كنت مع الباشا ب معركة الكفر ,ما شفنالك الا هلفرنشاوي (اي فرنساوي) اجو شوبنا(أي صوبنا)قلي الباشا يابو خزاعي ,قلتلو ياعونك ياباشا قلي هالجاوي (أي الزاوي) الك تصرف ,قلتلو اببببشر ياباشا, قال خيي بورافع, واجيك مسفلح صوبن ,وبلشتلك فيهن قرط بهلمذروب وكل ما قرب على واحد بدي هفو, يقلي دخلك يابوخجاعي(أي خزاعي)قلو فشرت, وتشوف واحد قطشتلو اجرو وواحد فقرتلو عينو وواحد كشرتلو(اي كسرتلو)قرحفت طرفوا واحد نقرتو بقرعتو, وظليت مدوحلك فيهم, تما لعنت نفشهن(اي نفسهن) وانا خوك مع مجيت الباشا صوبي,قلي الله حيك يبو خجاعي سطرت وجهنا .قلو جدي قاسم الللله, الله يابو خزاعي, وايمتا هلحكي ,قلو بوخزاي الله بيعلم,,, بالشبعينات(أي بالسبعينات) وفل عم بوخزاعي ,قلتلو ياجدي ,قلي شبعلتك ولا كديش,قلتلو ليش قلتلو لعم بو خزاعي انا لقينا ذيب ,ونحنا لقينا حصيني ,اب يجيش قد البس ,قلي سد حنكك ولا جحش بدك يقول عني بو خزاعي اني مش فحل ,انقبر ندفس قبل ما ناولك بهل مقرطيي عا قرعك.
(اكتفي بهذا القدر من قصتي بدكن كملكن قصتي ولا معش بدكم )مع تحات خيكن قبلان
من الممكن للانسان ان يجد الجد اينم ذهب.ولكن لايجد ما يفرحه دائما فهذه دعابه بسيطه لعلي اقدر ان اسقط شئ من هموم اصدقائي

هههههه قصه حلوه كتيييييييير و بتضحك اكتر
يعطيك الف عافيه اخي

من الممكن للانسان ان يجد الجد اينم ذهب.ولكن لايجد ما يفرحه دائما

الله قشه(قصه) بتشنن (بتجنن) اخي

وانا ما عم جامل ما حدا عميبخشلي جنبي اسا ههههههههههه

حلوه كثير وبتضحك كثير
شكرا لالك

هههههههه قصة حلوة ومسلية... يسلم دياتك
ننتظر التتمة..

هههههههه فصه ممتعه خيي اه انا بدي تكملها
رجعتني لايام زمان لما كنا نقعد جنب النار بالشتا ونسمع حديث جدي وستي
ولهجتهن ولغتهن وكلماتهن الغامضه...
يسلمو ايديك خيي ومننتظر التتمه...

مشكورين كثير ولكن المقصود بالموضوع لعلي استطيع تخفيف احزانكم شوي

أنا شاعر بأبياتي تعرفني.
بغبر حروفي يحجب القمر.
أنين كلماتي سحر يميزني
وصداها عشق يلهم البشر