خيكن قبلان الحلقه الثاني

]الله يمسيكن بالخير—مع حلقه جديده من قصة خيكن قبلان, ومتل ما قلتلكن مبارح, فل عم بو خزاعي من عنا وقام جدي وراح قعد حد الحوز(اي خزان الماء)واخذ معو الراديو وصار يتسمع على ام كلثوم, وعيط لستي خشفي وقلا تعي يابصبوص عيني تعي تنشرب متي ,وصار بدو يدرفني(اي يطردني)مشعارف ليش وقلي ولاقبلان, روح لعند خالك مشاري جبلي بوكيت تتن(اي دخان) وبس يبيظوالجاجات بيعطيك, لانو مبارح النمس اكل كل البظات ,رحت لعند خالي قلتلو بيقلك جدي بدو تتن, قلي ولا بغل, صار حساب جدك ثلاث وراقات وربع, انقبر(اي اذهب)من هون رجعت لعند جدي, لقيتوا عابط(اي يحضن)ستي خشفي, قلتلو ياجدي ,نقز المسكين وقلي شبعلتك(اي مابك)ولا كديش, قلتلوامكنش يعطيني قال صارت دينتك كبيري, قال اخس ,ولك نسي هل هردبشت(أي الاحمق) لما كان يجي يبسلي شلحوطتي(اي حذائي)من شان دينو نص ورقه, قوم ولا قبلان روح استنا الجاجي السودا لتبيظ, اصحك تخلي النمس ياخذ البيظه ,رحت بشطت(أي جلست) عن الجاجي اسا بتبيظ, بعد شوي بتبيظ ,ماكنتش تبيظ السايبي, وانقرلك اياها سفليحه(اي حجر)على نص قرعيشتا(اي راسها) ونا فطساني ,ياربي اسا جدي بي شلخني واجيك مدييك(أي مسرع) لعند ستي خشفي, وقلتلا ,قالتي ياقطيشييييي(اي لاحول ولا قوه الا بالله)ولك دم يقطش مصارينك (أي لا سامحك الله) واجتك ستي مسفلحه(اي راكضه)صوب الجاجي, وقلتلي عطيني الموس ولا جحش ,عطيتا الموس, مسكت الجاجي وقطشتلا قرعتا(اي قطعت راسها)و بس شافا جدي, قلا قرررر(اي الله اكبر) ولك ليش شمطيها (اي ذبحتيها)قلتلوا جاي عبالي اكل لحم ,قلا ولك انشا له بتاكلي صربندي(نوع من انواع الخوازيق)ملقتيش تشمطي غير الجاجي البياظه, ويجيلك مسفلح عليها وقرطا(ضربها) بالمقرطيه(العصا) بين زرارا(اي اسفل الضهر) ونا مبطوحه عاطولا, قلتلو ولك يقطش ايدك قطش من لغليغا(اي من الابط)قلا ولي خشفي ,عب تاكلي حزا (اي القذر) وتطولي مقطوشك عليي(اي لسانك) واني صابني بو عُرقين(اي تجمدت)وخفت تقولوا ستي لجدي الحقيقه والله تمنوا يقزطني بدن(اي يظربني) يهرمس عظامي(اي يحطم) واجيلك مدّوح(اي هاربا)صوب الزقاق(اي الشارع)بس شافني وينقرني زاقطّه(اي حصوه)بنص قرحفتي(اي اسفل الظهر)ونوا بقرلي ياها
يالله اليوم نعست اذا بدكن بكرى بكفيلكم واذا بدكنش تصطفلوا (خيكن قبلان)[/size]

ههههههه جد حلو يا اخي لا تبطل هالمسلسل الدرامي ، ههههههههه بسلينا كتير حتى اني عمانسخو عندي عاللابتوب حتى يقرو اهلي لانو مليان ابداع... يعطيك الف عافيه!

ههههههههههههه
حلوه القشه حلو انا بشتنى المزيد

زائر

شو هل سوالف و الهرج يا خي ماجد يعطيك العافي
تحياتي اخي

خلص انشاء الله راح كفيلكم والله يقدرني ادخل الفرحه على قاوبكم

أنا شاعر بأبياتي تعرفني.
بغبر حروفي يحجب القمر.
أنين كلماتي سحر يميزني
وصداها عشق يلهم البشر