خيكن قبلان اليوم عشقان

مرحبا شباب اني خيكن قبلان, عرفتوني ,بدي اليوم احكيلكن كوم شغلي صارت معي بس اتظحكوش علي بعرظ امياتكن ,هذا ياحبوباتي خيكن قبلان عشقان ,ويلتااااخ لو تشوفو حبيبة خيكن قبلان ما اهيبا ,اسمها هدلوشي يقبرني قلبا, امبارح واني عبطّعمي البغلي السودا اجلكن الله ,ونا هدلوشي بالحكوره(حديقة المنزل)اني شفتا ,واجيكن مسفلح صوبا, وقعدنا تحت القرعوني (شجرة اللوز)وصرت قلا شعر,بدي اسا قلكن مطع القصيدي سمعو بشرفكن ما اهيب قصيدتي

-(قديش قلتلك ياهدلوشي قلبي بيهواكي

بدي اطلب من جدي يخطب لي ياكي

وتعيشي حديي يا نور عيونا----بحيات شرفكن مش هيبي قصيدتي
شوي ,احمر وجها مسكيني وقلتلي قجججج(ياويلتي) ولك يا قبلان خجلتني, قلتلا ولك يابخش قلب قبلان ,ولك ياقرقورت عيون قبلان, ولك ياقدح فشتو لاقبلان ,ورجعت قلتلا ولك ياهدلوشي قلتلي ولك شو يا بخش قلبا لهدلوشي, قلتلا بتخليني اقزطك بوسي(اقّّبلك) قلت لي يييي الله علكش(سامحك الله) ياقبلان بيحرقنا الله ,قلتلا ولك لاء لاء, الله اسا مش شيفنا, ما نحنا متخبين بالقرعوني ,قلت لي طيب يالله ,اني بدي بوسا وما شفتلكنش غير هل الزقطه (حجر)نقرتني بنص نقرة قرعيشتي(راسي)اثاري جدي قاسم كان عب يتنوقص علينا(ينظر) واجاك مكك صوبنا بس شفنا ويقوم طشيشنا(هرابنا)وبلش جدي يزاقع وراي(يركض) اخر شي زركني بالمشماي(قبض علي في بيت الادب)وبلش فيي خلع بالمقرطيي(بالعصا)قلي ولا, نص مصيص بدي الك تعشق ولك انقبر غسل الصلك عن كراعينك بالاول(اغسل قذر قديك) بدي قطش قلبك وظلو يظرب فيي لمنو طحبشني ,قلتلو ولك ياجدي مااني بحبا ,قلي بدي خلي حبي تطلعلك باذيق المطارح يابغل

يالله اليوم معش بدي احكي منشان ماطولش علكن القصه بس اذابدكن بعود كملكن

أنا شاعر بأبياتي تعرفني.
بغبر حروفي يحجب القمر.
أنين كلماتي سحر يميزني
وصداها عشق يلهم البشر

الله عليك يا اخ ماجد كل الاحترام

هههههه مستاهل بس حلوه قصتك مع حبيبة قلبك هدلوشي
يعطيك العافيه ... بس بله متحلف Wink

حجر براسك وراسها ولا
شو هاي بوسي وما بوسي
بعدكو قد النقفه عالحب ولا
يلا يلا عالزرع ولا لشوف
هههههههههه

هههههه ولك امال اتركيه يحب عطريقته الله يعين اللي بدو يخطبك شو راح يصير فيه

والله الاخت الغاليه امال بتمون على قبلان وجدو لا قبلان