همس الكلمات......والاعترافات

جيتك جيتك يا هموسه
يا هموسه وينك وينك ههههههه
هههههههه .....حسيتك النمس بِ باب الحارة
كم سؤال على الماشي لترطيب الجو ليس الا ...

متى ترحل بصمت همس الكلمات؟؟
لما انقهر واتضايق من شخص وضل كنلو كل محبة واحترام..فبفضل ارحل بصمت لتضل الذكرى الحلوة اللي جمعتنا محفورة وبنقس الوقت ما اجرح مشاعرو بقساوة ردي..

متى تبكي بصمت همس الكلمت؟؟
لما كون موجوعة... او ابكي لسبب تافه بنظر الجميع وكبير بنظري...او انوجد بموقف بجهل كيفية التصرف فيو

متى تصرخ همس الكلمات؟؟
بس كون بقمة غضبي وعصبيتي..

يسلمو غزل

مممممممم
رجعت رجعت انا
اهلا وسهلا اموول..نورتي

اول شي راح اسئلك

1-كيفك اسا ....اوضاعك تمام....؟
الحمدلله بالف نعمة..

2-شو السؤال الي كنتي حابي تسئليني هو بكرسي الاعتراف .....وليش امتنعتي عن السؤال..؟
وك والله ما كنت ناوي اسالك شي..بس شفت انو كرسيكي مقفل والباقي لا.. ففضولي اشتغل وقلت لاسالك ليش يعني وانت ساعتها فهمتي انو بدي اسالك..
بس ما في اي مشكلة انت رجعي كرسيكي والك انو اسالك شي مليون سؤال...هههههههه

3-سلبيات امال....شو هي بنظر همس..؟
بس اكون شخص ما الو سلبيات ببقى بقلك...انا يا دوبني لحق عسلبياتي..

4-شي ممكن حسب رايك اذا منغيره بالموقع بيكون ايجابي اكثر من كيف هو اسا...؟
انو بعض الاقسام ما تكون متاحة لجميع الزوار.. مثل الاقسام اللي بتتعلق بالاعضاء والاشياء اللي من تاليفن..

5-عاي اساس بتقيمي شخص معين...شو الامور الي بترتكزي عليها....؟
مدى تفهمو وقياسو للامور وعقلانيتو...كيفية تصرفو واتخاذو للقرارات..

6-صمتي لا يعني جهلي بما يدور حولي ولكن ما يدور حولي لا يستحق الكلام......شو رايك بهاي المقوله ولاي مدى ممكن تتبعيها بحياتك اليوميه وتعاملك مع الناس...؟
مقولة حلوة وحكيمة ..كثير بتبعها بحياتي لانو في كثير شغلات بتصير مش محرزة الواحد يعمل منها قصة ..وكثير خلافات بتكون بالاصل صغيرة وتافهه ومع عدم التجاهل, والنقاس الطويل بتكبر وبتصير مشاكل.. وكلنا بغنى عن المشاكل والتباعد..

7-لما تقدمي عشي وتكتشفي انه الشي الي اقدمت عليه غلط.....طرق تعاملك مع نفس وهل الرجوع عنه بيكون مع ندم ولا تسليم انه قضاء وصار...؟
قضاء وصار..بس مرات بتمنى لو اني ما عملت هــَ الشغلة بس ما بتندم..
بجرب صلح اللي عملتو وباخذ درس لحتى ما كرر الغلط..
بالنهاية كلنا معرضين للغلط واللي ما بغلط ما بتعلم...

8-شو الفرق بين الكبره وشوفت النفس.......حسب رايك شي شغله من هالشغلتين ممكن تكون منيحه....؟
اما في فرق بيناتن ال2 بشوفن بنفس المعنى ونفس الشعور... بس بحس انو الكبرة بتخلق مع الشخص من ولادتو بيظل شايف نفسو انو احسن من البشرية عامة وانو هو المركز والكل بيدور حولو..وشوفة النفس بتنبع من عمل منيح عملو الشخص او من افتخارو بنفسو..بس ل2 نفس الابعاد ومانن مناح ابدا لانو كل الناس سواسية وما في كبير الا خالق هالكون الكبير ربنا سبحانه........

9-شخصيه بتشوفيها جدا ذكيه وبيعجبك تفكيرها....بتتقلدي فيها ولا اعجابك بيكون محلي بس...؟
لا ما بتقلد فيها... بجاول اتعلم منها

10-اذكري 5 اشخاص ووجهيلكم لكل شخص نصيحه....(الاختيار عام ممكن من الموقع وممكن من خارجه)...؟
بما انو نحنا موجودين هون والاعضاء هني اللي رح يقراو فرح وجه كلامي للهون.. مش رح انصح حدا لانو ما في مين ادنى مني بالمستوى او محتاج نصيحتي.. ماشالله الكل رائعين وكثار احسن مني وهني اللي بينصحوني مش انا ..بس ممكن تعتبري كلامي امنية او رجاء..
غزل.."نرفوزة هانم "...حبيبتي العصبية مش منيحة وصحتك اهم شي بالدنيا ارحمي حالك وصوتك هههه...وانتبهي منيح وانت ماشية لحتى ما ترجعي توقعي كمان مرة.. سلامة اجرك حبوبة
امال..استمري على ما انت علي وحافظي عنفسيتك الحلوة وع حكمتك بالتصرف ولباقتك بالحكي..
عمر.. انت شاعر موهوب وحرام ابداعك يروح ضيعان استمر بالكتابة وانا لو كنت مكانك كنت بضم كل اشعاري بكتاب واحد وبهدي لاعضاء المنتدى فردا فردا ..هههههه... وبطل حشريتك احسنلك
قيصر..اللغة الانجليزية لغة كثير هامة بحياتنا العامة ومهم كل شخص يتقنها ويعرفها منيح..لهيك اتعلمها قبل فوات الاوان...
بهاء شمس..اخي يا ريت لو بتظل تضفلنا مواضيع روحانية توحيدية من اللي تميزت فيهن..
عماد..مواقفك واراءك ومواضيعك اللي ظاهرين هون بالمنتدى كثير مهمين بتمنى منك تكون منتهجن بحياتك الخاصة العامة والاجتماعية ودايما تتصرف عاساس الاشياء اللي بتضيفها هون...

11-مين في اشخاص بتحسي انهم تاركين بصمه بحياة همس الكلمات......؟
كل الناس اللي بحبن وقراب مني..

12-انابحب كرسي الاعتراف وبحب اطرحه بالموقع....عالجميع بنفس القدر ونفس نوعيه الاسئله....حسب رايك فكرة كرسي الاعتراف كانت صح ولا غلط.....ولاي مدى همس الكلمات تقبلت قعدتها عالكرسي.....
لا صح اكيد وانا كمان بحب هالموضوع مش بس انت ههههه ..وفكرة كثير حلوة وبتقرب الاعضاء من بعضن كثير ومسلية بنفس الوقت..
بس طبعا الاسئلة لازم تكون مقبولة وما تكون محرجة كثير او بتكشف خصوصيات الاخر....

13-واخيرا وليس اخرا.......زعلانه مني
لاني حطيتك عالكرسي ولا تقبلتيها مني (مع العلم اني راح افتح الكرسي تاعي واعطيكي مجال ترجعيها هههههههه ....؟
وك لا دخل روحك مش زعلانة ابدا...شو بدك احلا من انو كون متهمة والاعضاء ينزلو زخ اسئلة فيي وانا المسكينة جاوب..هههههههه..
عَ فكرة انا ما كنت عارفة قيمة هالكرسي ومدى صعوبة الجلوس عليه غير لما جربتو..
رح استغل سؤالك ووجه لكل اللي رح يجو بعدي كلمة وقلن الله يعينكن على هــَ القعدة...وكل اللي قعدو قبلي وقامو رح قلن الف نيالكن خلصتو ما عليكن..


ممممممممم
ردي عهذول واذا الله قدرني برجع...
اهلا وسهلا البيت بيتك..