الوضع بالجولان

اسمحولي اسال شو رايكو بالوضع بهضبه الجولان يعني كيف بختلفو عن الموحدون المحلين
اسمحو لي اخوتي من الجولان وسوريه بس وضعهون او مزري
او تطور مع انو انا بعرف انو التطور مش بلبس العايب او التصرفات المنحرفه

انا ضد الوضع بالجولان وبكل صراحه بحكي... عنجد الوضع كثير مزري...هوني ماخذين الدنيا ببساطه ..هذا مش تطور يا مراقب هذا اسمه انحراف عن الدين وانحراف عن العادات والتقاليد...يعني الواحد صار يخجل يروح عالجولان بس عشان ميشفش هاي المناظر...وخصوصا مناظر لبس البنات ...واذا حدا فيكوا بروح بزور مقام سيدنا اليعفوري صلى الله عليه...بعرف شو قصدي...حتى وصلت معهن يروحوا عالمقام بلبس مش منيح وبتصرفات غير أخلاقيه.. واللي بروح فاهم شو قصدي.. عنجد الدنيا اخر وقت..شكرا الك يا مراقب ..على هيك موضوع خليتني أطلع البفلبي تجاه هيك وضع.

اسمحولي شارك برايي على هذا الموضوع......
الانسان بندمج مع الوضع الي هو فيه انا ما بدي دافع بس راح احكي واقع في الجولان صح في لبس غلط وتصرفات غلط هذا نتيجت الاختلاط الي عايشين فيه مش مذنبين هني
الموضوع انفتح وانا بدي غير النقاش مش للجولان بس للوضع الي الطائفه عايشيته يعني منحكي عن الجولان واللبس العاري طيب واحنا عمنغلط يمكن احنا اهون شوي بس لبس البنت لغير التنوره الطويله غلط وخروجها من دون التخفيفه عراسها غلط والشب والشيال يعني الوضع منفتح ملخص بجمله وحده(هم السابقون ونحن اللاحقون )يعني مش هني لحالهن عميغلطو كل انسان يطلع على الي حوليه الا ميلاقي غلط او اخطاء الدين بيمنعها
الدين بيمنع الدخان والشرب والبيره والمصاحبات من دون علم الاهل مهما كان هدفها ولبس البنطلون(التلت تربع والشرط حتى العادي)وبيمنع التياب المكشوفه مثل الشيفونه والمخرمه كثير اشياء ممنوعه كلنا عمنغلط وهذا غلط متماشين معه يمكن بالجولان مش متاقلمين مع غلطهم لانهم بالاصل من دوله ثانيه عايشين مع حكم مختلط وما تقلولو زمان صرلهن بالاحتلال لانه هاي الاشياء بتيجي من التربيه المتوارثه من الاهل وكل تعليمهم بسوريه يعني عايشين الوضع المختلط......

اهل الجولان قلبن ابيض ......تعالو نتطلع عليهم من وراء شوائب اللبس منلاقيهم ناس من احسن واطيب البشر
ومع هذا انا بقول الكل عميغلطو هون وبكل محل واول مثل راح اعطيه عن حالي انا بلبس بنطلون وهذا ممنوع وبطلع بلا تخفيفه وهذا ممنوع ما راح نحلل لحالنا ونحرم لغيرنا غلطنا متساوي مهما كان بتراوح الجسم كله قطعه وحده لازم يصان كله....................
وينك يا ايام النقاب

اسمحولي عبر عن رايي ....
مين نحنى لحتى نحاسب ونلوم احنا بشر مثل الكل ومش معصومين عن الغلط وهالشي الي انتو شايفينه غلط هنه شايفينه صح يعني كل واحد بيقيس الامور بمقياسه...
يا مراقب بدل ما تبحث قضيه لبس وشكل ناس ليش ما بتبحث قضيه اخطر وهي الشباب الي عمتنحرف ورا الشرب والمخدرات والزنى والي بيلعبو بالبنات وبيستغلوهن لاغراض مشينه وبالاخر بيتخلو عنهن...
عزيزي القضيه مش لبس ولا اكل ولا شرب القضيه قضيه مبدا يعني هنه صحيح لبسهن شوي بعيد عن لبسنه بس ليك شو عندهن مواهب و افكار اقتصاديه يعني ما عندهن مجال عمل متل هون بس مدبرين حالهن اكثر من اي حدى عنه من ناحية شغل وثقافه ولباقه بالحديث وحرف نادره واكبر نسبه مشايخ اجلاءافاضل على مستوى بتلاقيها عندهن ....
عزيزي القشور ولا مره بتعبر عن الشي ومش لازم نحكم على الانسان من خلال الشكل لان الجسد فاني انا بقيم الانسان من خلال عمله مش من خلال شكله....
مشكور عزيزي على الموضوع بس بتمنى انك تنضر للامور بشكل اعمق ولله في خلقه شؤون في رب يحاسب وكلنا على باب كريم النفوس ما تعربت...الله يهدينا ويحمينا يا رب...
تقبل مروري....

مع احترامي لرايكوا يا امال ويا فري...والعمتحكوا صحيح..بس عندي تعليق صغير...انه الواحد بغدرش يشوف الغلط وييسكت...وانا عمبحكي عن حالي ...يمكن لاني بشوف انه في بيئتي مفش مثل الموجود بالجولان..بحس اني لازم احكي..طبعا الوضع عنا بخلاش من كل هاي الشغلات والطائفه عمتنحرف كثير كثير مش شوي... وهذا اشي بوطي راسنا.. بس يا فري انت عمبتقولي انه اكبر نسبة مشايخ افاضل موجوده بالجولان..طيب وين هالمشايخ عن هاي الناس.. مهو الواحد لازم يبدا بالاشي الصغير لحتى يوصل للكبير.. يعني نبدا باللبس العاري والتصرفات المش لائقه لطائفه موحده..وبعدين نكمل للمخدرات والشرب والامال المشسيئه اكثر...أكيد لا ..خلينا نطلع بالاول على الصغير عشان نمنع الكبير...وصح انه موجوده هاي الحالات بأغلبي الطائفه...بس الوجود الاكبر الها بالجولان..ويمكن زي مقلتو انه هني جايين من دوله الها عاداتها وتقاليدها..بس حسب رايي لو كانوا عايشين بأمريكا هذا بخليش ولا انسان ينحرف عن دينو... بس حبيت اوضح رايي... وبالاخر ربنا بحاسب واحنا مالنا قرار غير نعبر عن راينا.

صحيح يا نور بس من ناحيه ثانيه اتطلعو على اخطائنا كلنا بتلاقي انه الي مخبى اعظم...
انا بحترم كل راي بس يلي ما بفل اسكت عنه هو انه نحكم ونعاقب ونحاسب بشر ونحن بالاخر بشر مش معصومين وانا ما عندي بالبيت زي لبسهن بس ها مش مناه لاني انا مقدسه ها لانه ما في عاده عنه ولو انحطيت بنفس الوضع يمكن كون متلهن ...
انا مش رح علق اكثر من هيك لاني شايفه انه الموضوع ومع احترامي للكل بيمس عالم مش من حقنا نقيمهن وكل واحد حر بحاله ها رايي الشخصي واذا اجيتي لالي بفضل ينحذف لانه عنجد مؤلم وبالاخر نحن اخوه يعني دم دين واحد ومش ذنب المشايخ لانه مش جيلهن ولو شايفين انه لازم يمنعو اكيد منعو بس هنه الهن رايهن كمان بتمنى لو منحترم حرية الشخص وما منعالج امر ما النه علاقه فيه ويلي ما بيسمح لحاله يكون متلهن ما حدى جابره يقدر ينتبه لحاله وما يكون مثلهن طبعا مع احترامي للجميع...

الموضوع اذا فش تسميه بهم كل الموحدون
لانو بقولو بنات موحده
مش فلانه وعلانه ولنور الشايخ بلفعل موجودين
بس المشكله بالشباب مش بشي تاني الشيخ بوعض مش اكتر
شكرا لمروركو الممتع بموضوع غير ممتع

طيب يا جماعه بكل منطقه بتختلف بعض الامور عن منطقه تاني
يعني بالجولان ممكن لبس الغير محشوم عادي مهم تكون البنت من داخلها منيحه
وهاي اللبس بنفس الوقت مش مقبول بفلسطين
على سبيل المثال عندكن ممنوع لبس الحلق بالاذن حسب ما بعرف اذا صح
بغير مناطق بيلبسوا
اللي بدي قولو اللباس مش دليل نقدر نحكم من خلالو
مشكر اخي عالموضوع

اخي ابو فهد معك حق بس انا اذا بدي اعاشرك لازم اراعيك
الوضع وصل لدرجه انو في سمع انون عم يتعرفو على يهود
وفي مشايخ اكيد بعرفو الغلط من الصح والزواج حلقت وصل لفلصطين(اسرائيل)
لازم يدركو حالهون عاد

اذا بهالشي اللي عم تحكي انا معك وكل بنت بدا تفلت عكيفا
وتتعرف على يهود لازم ينوضعلا حد
لانها بهالشي اللي عم تساوي بتمس بسمعة الطايفي وين ما كانت

طيب احنا شو بدنا انقول
الله يجازيهون وسسامح اهليهون