شموخ الريان - قصيدة للشاعر ايسر السعدي

شديت قافٍ علها تشفي الغل
تشفي جراحٍ بالخوافي دفينا
من ديرة الريان من منبت الفل
من طود شامخ من بروجٍ حصينا
حنا هلً الطولات من دور الأول
حنا حماة بلادنا من معادينا
ولّي غزانا تايه الشور مختل
كم دولةٍ جرة جيوشه علينا
الترك يوم الي بدينا بهم شل
ممدوح والحملات كله هفينا
يوم الخراب وأحدب السيف منسل
فرساننا فوق النجب معتلينا
طحيمر وقبلّان ثاروا مع الكل
صالوا كما ليوثٍ تحامي عرينا
وسعدى تنخي ومن نخاها الجمع غل
وـنتصب سوق المنايا بحينا
القاع خب بساع لونه تبدل
وأرض الخراب بدمهم مرويينا
وحمرا الكريدي تجمح الطور تصهل
تنعي حمد ذيب العيال المتينا
لعيون سعدى ومن نخاها النصر هل
سبعين قرم أرواحهم بايعينا
ويوم الكفر جيش الفرنسي تخلخل
من فعل لابة بالوغى صايلينا
ودارت رحاها بيننا وبين محتل
نورمان أقفا وعار بصّم جبينا
بفعل العُصي وشلفاتٍ تصيب مقتل
وبالسيف نجدع روسهم بالبطينا
لاما غدا قُتلَ الفرنسي تقول تل
ألي بدى للعين غير الدفينا
وبالمزرعة حملات دربه ما تندل
طيور المنايا فوقهم حايمينا
وحمر البيارق تحتها القاع زلزل
ليوث المعامع للعدا مرعبينا
وقيدومنا سلطان ينخي بالأول
ميشوا انهزم وجموعنا منتخينا
وجيش الأعادي من طعنا قفا وفل
وتحررت أوطاننا من معادينا
وراية نصرنا ترفرف بعالي التل
وصوت النشاما رعود يومٍ حدينا
يا الله يا معبود يا مشفي العل
تشفع لنا بالخير وللسامعينا
\\\\\\\\\\\\\\\\\\\\\\
من نظم الشاعر :أبو فراس أيسر سلمان السعدي -السويداء -صلخد

والنعم والنعمين يا شافي الغل
يا حر يا جرناس بعالي جبلها
يا ابن الاشراف ويا قابر الذل
سعدي انت والنعم من نسبها
....
قصيده رائعه جدا يسلم ملافظ كاتبها
وتسلم ايدك يا شريك على نقلها النا
شي بيرفع الراس والله

قصيده جميله جدا معاني راقيه
اهلا بعودتك اخي ابو سلطان

بتغيب وبتجيب يا ابو سلطان
قصيدع بجد رائعه
الف شكر على ما قدمت
والحمدلله على السلامه برجعتك النا اخي

قصيدة حلوه
شكرا لابناء السعدي
الكاتب والناقل

من ديرة الريان من منبت الفل من طود شامخ من بروج حصينا

الله محيي اهل الجبل

يعطيك العافيي

عزنا بربوعنا

رائعه جدا يسلم ملافظ الشاعر
وتسلم ايدك للنقل..

شكرا لمروركم الكريم
تحياتي للجميع

انا ما راح قول غير الله يرحم الرجال يلي عم تتغنى فيهم

وين راحو النشامى

الوطن عم يموت و نحنا شاطرين بس نغني و نجوف

يا حيف يا حيف

مشكور يا كاتب الخط و القول
مشكور يلي للمسامع نقلها
انت ولاد السعدي أبناء الأصول
أيسر للشعر حروفو صقلها
و شكرا"
كلمات رائعة عادت بنا الى أحضان الجبل الدافئة
تقبل مروري
ننتظر المزيد
صديقان نحن الى أن ينام القمر
دمشق 1-5-2011م

حمال البيرق ابو حسن الغالي
الوطن ما بموت طول ما في رجال عم تحمي
الوطن ما بموت يا خيي
الازمه رح تمر ومش رح يموت الوطن من هيك ازمه هو اكبر بكتيررر
تحياتي الك يا سبع

حمال البيرق بكفي انو فيهن بعد روح ليكتبوا..
بالعكس هذا تحدي لكل اشي عميصير
والوطن والرجال ما راح تنهز عهيك شي
علوش قصيدة رائعة
تسلم ايدك

يسلمو الله يعطيك العافي
قصيدي روعة تسلم الايد الي كتبتها

مين قلك انو عم نغني ونجوف اخي حمال انزل على الارض وبتشوفنا حبيبي
يلي غايب عن الساحة طبيعي ما يلاقي الرجال بالشارع
فيك اخي تشرف على سوريا وتفوت على السويدا و اذا بدك تعال لصلخد و راح تشوف شباب البلد
كيف مستنفرين لحمايتها
ومو موفرين جهد اخي الحبيب الحكي و التنظير سهل
بتمنى تجي تنظم للجان الشعبية و تدافع عن البلد بدل القاء الكلام جزافا
لعلمك شباب السويداء من سن ال 16 سنة يتواجدون لحماية البلد ولا تغفل اعينهم في النهار او الليل
ولو فكرت في التماس ذالك على الارض ستجد حواجزهم في طريقك
تحياتي
و كم اتمنى لو تقوم انت بلمساهمة بحماية البلد معنا بدل الكلام الذي لا يسمن ولا يغني من جوع
و اخيرا لا يسمح لأحد بتوجيه الكلام لشباب بني معروف من غير دراية او علم شاهد فعلهم ثم احكم عليهم ردك هو بمثابة اهانة لكل من نزل للشارع وسهر ليله لحماية الوطن
النصر لسوريا وقائدها و الفناء للخونة العملاء

ما اشطر البشر عندما يتحدثون وكأنهم لا يرون امام اعينهم
كمن يعيش في عالم ويتحدث عن عالم اخر
رسالة لك اخي حمال البيرق من بعض الاخوة في اللجان الشعبية
يقولون لك
نتمنى ان تشاركنا بدل الكلام الغير مسؤل و الغير واقعي
و التهجم بصفة غير مسؤلة
وكانك تريد اثارة فتنة

شكرا الك اخي .قصيده رائعه .....الله يعز بني معروف فرسان المعارك وابطالها في ساحات الوغى وبيوتهم للكرم مشرعا ابوابها فيا سعد من احتمى فينا ويا ذل من يعادينا ...