قصة طريفة وواقعية أيضاً

أصدقائي هيذي القصة منقولة بالحرف من قلم حبيبنا معين نصر .
وأردت ان اشاركم بهذه المعلومة المهمة والشائعة بين الناس .
ويقول الأخ معين نصر :


عوافي يا غانمين ....قصة عجل الموحدون ....
اليوم بنا نحكي سالفة عجل الموحدون ولا يهون السامعين
رح تتفاجئو بعنوان السالفة بس هيك صارت
كان في بقرية ذيبين الغاليه عجل صغير بدار وكان في بهالدار شب اخوث والله مش عاطيه العقل الوافي
كبر هالعجل وعلى الحكي صار وزنو قريب الطون وراسوا قد شوال القمح وحوافروا كل حافر عليه قد قرعة الصوبيا (عالدلال)وكان هالاخوث يضل يطعميه بأيدوا ويحن عليه شي سنتين زمان لوصلت فترة تعودوا على بعض كثير , و وين م...وح هالاخوث يركض هالثور وراه (العلول) على السهل لعند الجيران على اي مطرح يضل العلول لاحقو , ليوم من الايام صارت هوشي بين نواطير الزرع بذيبين وبين رعيان غنم للبدو , وفزعت شباب ذيبين للنواطير وفزعوا البدو من عرب السميير الي هني جنوب غرب ذيبين للرعيان وعلق طس الحجار والمجامشي لماشيلي شي ساعتين زمان وهني خوذ عني جيتك يا مدييح يا مدودح والحجار تتسلقط مثل الشتا
واول شي تفوقوا عليهن البدو لشباب ذيبين لانو البدوي بتعرفوا افش اشطر منو بالمجامشي
(جامش ولا تكامش)
المهم هذا الاخوث اخر شي بالصدفه راح ليشوف هالصوت والصريخ من قبلي البلد لاقى ضرب الحجار مالو والي وطبعا العلول (الثور) لاحقوا مثل العادي وشاف الناس الي بيعرفها بالوجه عم تضرب حجار , صار يعمل مثليهن ويضرب حجار والثور حديه , لاخر شي وتجي ضربة مقليعة من الصايبين بنص راس هالثور , اطلع هالثور هيك وشاف من وين اجا الحجر , رفع ذيلو وصار يحفر بحافروا بالارض وانطلق صوب البدو , وهني ما الله هداهن وهربوا فظلوا يضربوا عليه حجار لهالثور ولا كان يوقف او يرجع ولا كانت تنفع معو عصاي ولا حجر ولا مقليعة ثور وث... وهيـــــــــــك لغرهن لبيوت الشعر تبعهن وهني يركضوا قدامو والزلمي منهن الي يفوت على البيت يظل غاروا لنص بيت الشعر ويطلع بالبيت كلو وياخذوا بطريقو ويشيلوا من اساسوا وطنابوا وهيـــــــــــــك لشال قادموا اكثر من 10 بيوت ولا كان يهدا والناس صارت تصيح على الاخوث منشان يرجع الثور لانو في اطفال رضع بالبيوت ونسوان وهالاخوث مش كاين يفهم على حدى هههههههههه
ونسوان البدو تصيح وتقول هذا هو عجل الموحدون الي بيحكوا عنو هذا هو شوف العين
ورحلهن للبدو ورحلهن لحدود الاردن
وبسلامتكن.


ـــــــــــــــــــــــــــــــــــــــــــــــــــــــــــــــــــــــــــ




تحياتـــــــــــــــــــــــــــــــــــــــــــــــــــــــــــــــــــــــــــــي

................................................................