ماذا تستطيع المراه ان تفعله عندما يجرح كرامتها زوجها؟

بسم الله الرحمن الرحيم

السلام عليكم ورحمة الله وبركاته وبعد

اخواني واخواتي كل انسان في هذا الوجود لديه كرامه وكبرياء سواء رجل او امراه
وانا هنا اريد ان اتحث معكم في العلاقه الزوجيه بين الرجل وزوجته 0 العلاقه الزوجيه
علاقه مقدسه وعلاقه شريفه وطاهره0 ولكي تكون هذه العلاقه الزوجيه ناجحه
يجب ان تكون مبنيه على الحب والاحترام والتقدير والتفاهم بين الزوجين
فعندما يجرح الرجل كرامة وكبرياء زوجته باي سبب من الاسباب فهذا سوف
يؤدي الى مشاكل بينهم وربما يؤدي ذلك الى الطلاق لا قدر الله والعكس صحيح
عندما تجرح الزوجه كبرياء وكرامة زوجها0
فالرجل ينتقم لكرامته وانتقامه هو تطليقها او الزواج عليها وتهميشها
ولكن سؤالي هنا لانني لا اعلم ماذا تفعل المراه حينما تريد ان تنتقم
لكبريائها وكرامتها والطلاق بيد زوجها وهو لا يريد ان يطلقها؟ ا رجو منكم
اخواني واخواتي مشاركتي في هذا الموضوع لانني اريد ان اعرف
ماذا تستطيع المراه ان تعمله في جرح كرامتها وكبريائها؟

تحياتي واشواقي لكم

هاي الاشياء عند البعض بتودي للخيانه الزوجيه مرات للانتقام ومرات لانه عند المراه بيكون قهر معين مشكل نقص عندها بتحاول توخده من غيره ان كان بالحب او الكلمه الحلوه او باي شي تاني
وفي بنات بتماشو مع الشي لانهم ما بقدرو يخونو وبنفس الوقت مفروضه عليهم حياتهم

هي لازم تصبر لكن في حدود

يعني اذا كل شهر عنده هيك موال تستحمل شوي

اما اذا كل اسبوع بدو يجرح كرامتها وتبكي تعرف اخوتها او خوالها اذا ما بينسكت عن الوضع
يعني ان المراة تبكي بسبب زوجها كل يوم او كل اسبوع شي ما بينسكت عنه

يعني انا حسب رايي ان المراة لازم تجرب كثير كثير وسائل لتصحح زوجها اذا وضعه لا يطاق
واذا ما سويت هذه الوسائل الطلاق بيكون الحل لان اولادها راح يدمرو نفسية واجتماعيا اذا بيشوفو امهم عبتنهان من ابوهم
اما كل شي بحدود
..............................................................
يعني اذا الزوج عصبي شوي مو معناتو كل كلمة تزعلها لان الشغل بيعمل والتعب اما يكون هو بالاصل منيح مو خبيث وهذا اسلوبه وبيكره زوجته حتى بيعاملها هيك
لان العصبية موجودة ي كل البشر لكن بنسب معينة لكن تقبلها من الاخرين بحدود يعني ما تبقى العصبية اكثر من 10 دقايق كفشة خلق من المدير او من العمل
ومو كاسلوب تعامل عام يعني لازم بعد ما عصب يعتذر اذا كان تعصيبه زيادة عن اللزوم وما يكون بفترة العصبية بطل فشة خلق صار تهجم على الاخر وكلمات خارج اطار الادب واذا بيقدر يلغي العصبية بيكون احسن شي بيعملو ويعرف يطلب حقه بهدوء افضل شي لكن سبحان الله الكمال لله تعالى وكل شخص في علة معينة مو شرط تكون العصبية
واهم شي المراة ما تعمم سلوك سريع الزوال والناس اجناس وانا بقول ان المراة اذا بدها تناقش زوجها بامر معين ما يكون دغري بعد ما يحل من شغله ليرتاح ويتنعنش شوي تناقشه حتى يكون ضميرها مرتاح ان مو هي السبب
ومو كل الرجال عصبيين في رجال في غاية البرود وفي رجال وسط يعني احيان هيك احيان هيك اهم شي ما يطلع خارج اطار العقل لان العقل اهم شيء في الدنيا لكن جوابي لك على القصة قسم الاعلى والباقي توضيح فكرة

انا برايي انه اخي بهاء محق...
يعني اهم شئ بالعلاقه الزوجه او اي اي علاقه ثانيه هو الاحترام المتبادل بين الطرفين بس نحن مش ملائكه نحن بشر والنا قدرة تحمل محدوده,وانا بحسب رايي انه لازم نتحمل بعضنا ومش اقل كلمه نعمل منها قصه وكل شي اله حل وما بتضيق الا متفرج ,الرجل عليه مسؤوليات اكبر من مسؤوليات المره والهم لكبير بيوقع على كتافه ان كان من ناحيه توفير الاكل والشرب ومستوى معيشه منيح لعيلته ولمرته يمكن ها الشي الي بيخلي الزلمه عصبي اكثر ولازم نتحمله ونتفهم عصبيته ونجرب نوقف جنبه مش نزيد همه,بس ها الشي ما بيعطيه حق اهانة مرته وولاده,وهو لازم يطول باله عليهن ويجرب ما يتمادا معهن,بس من وجهة نظري انا ما بزعل من زوجي اذا غلط في لانه الانسان بتفشش بالشخص المقرب منه بس لانه بيعرف انه مش راح يزعل منه وانه راح يسامحه ويتفهمه مثل الطفل الزغير لما بيتفشش بامه ها من دافع الثقه انها حنونه عليه وبتتفهم زعله وما بتخبث لهيك الزوج او الزوجه بتصرفو بعفويه مع بعض حتى لو كان بطريقه عنيفه ...بس الي انا ضدده نهائيه هو الاهانه لاحد الزوجين واستعمال الالفاض البذيئه امام الاولاد او اشخاص غريبين...
الحياه عباره عن مطاطه لازم اذا جنب شد الجنب الثاني يرخي الحياه مستمره ما بتوقف عند اي عقبه والخلافات البسيطه مو محرزه واخرها خساره للطرفين...
وبالنهايه المسامحه لابد منها بس ممنوع الاهانه وجرح الكرامه وبالحب والتفاهم بتنحل اصعب المشاكل وكلمه شريك او شريكة حياه هي اجمل واسمى الكلمات الي بتحمل معنى التعاون والحب ومقاسمه الفرح والحزن على 2 لهيك الشخص بيتزوج مش للتقيد والتحرش والتسلط واذا احد الطرفين غلط بحق الثانيكلمه حلوه بتطري الجو وافضل من الاهانات الكلمه الحلوه طالعه والعاطله طالعه لهيك الافضل الكلام اللطيف ما رح يقلل من قيمة المره او الزلمه وكلمة اسف او اسفه على قد مهي بسيطه على قد مهي حلوه وحنونه...
بس بيناتنا انا لو زلمه ومرتي بتطاول علي وربي وديني بقطعله لسانه وبرميه للكلاب لحتى تحرم تتطاول Twisted Evil

مشكور على طرح الموضوع اخي العزيز موضوع جدي وبستحق النقاش...

على حسب رأيي الخلاف أو الشقاق بين الزوجين بيكون متل طعم الملح على الطعام
أما إذا زادت عن حدا الشغلة راح تصير مر وعلقم

أي كويس أنك مش زلمة ............. كانت خربت

اا صح لذلك الجاز عن حب موجود I love you