الاسير اللبناني المحرر سمير القنطار في دمشق

يسلمو ايديك خال والله يحميه انشالله...

مشكور يا ابن الجبل...تقبل مروري

نيالك يا ابن الجبل بتغدر تلتقي فيو
الله يحميه

سلام على أهل في السويداء.. ميثال للعروبة الله يحي اصلكم

انا من راي بهاء الدين
تقبل مروري

الله يحي أصلك يا نور بني معروف... لبطل عنا هو البيرفع راية التوحيد و بيحمل اسم موحد. مش البيترك أصلو منشان السمعة والشهرة

يا اخ بهاء ما فينا نقلول عن سمير القنطار خائن
لان الخيانه معناها كبير
وكلنا بنعرف شو عمل سمير القنطار وليش نأسر

يا سيدي الكريم انت عم تحكي حكي اكبر منك
ها الحكي ما بينحكا هون
لان مهما كان بيضل سمير القنطار فخر النا ك عرب
ونحنا هون مو لنحكي ونشهر بالموحدين
نحنا هون لنعرف العالم مين الموحدين
نحنا اللي بهمنا مواقفو ك رجل

وأنا آسف ما بعرف أنا قلت خاننا.. و أنا مع سمير بعروبته وبضيعتي معلق صور اله,, بس ما اتوقعت يسير بعد ما فرحنا فيه واستقبلنا بمحبي هو ما رد المعروف..
أما يا نور بني معروف الأعلان عندكن ما هو صادق.. نحنا مش ضد عروبته. و الياهود العتدو علينا ما هم أبرياء لأن هذه ليست أرضهم,, هم قدمو من خارج البلاد. تحيا الى كل موحدون في كل مكان

صحيح خيا بهاء بس سؤالي ليش العرب يسمحو لليهود يوخذو الارض؟؟ليش العرب اليوم عبطوعو في جيش اليهود ويخدموهن(مع العلم اننا احنا كمان منخدم بس اجباري)؟!
سمير القنطار فش الو حق يحاسب حدا لا يهودي ولا عربي فش الو حق يقتل باسرائيل بهاي الطريقه حتى لو قتل يهودي بضل روح والقيامه عطريق ربنا بحاسبهم مش انا ولا انت ولا سمير القنطار

لا اليهود بوخد الارض بس ارض لضعاف اليوم مش زي زمان اليوم بتكسر راسون اسالو الزابود ويركا ولبقيعه وغيرون مشين القنطار الموحدون بعرفو انو وليد غلط فش داعي يعمل ضجه

طبعن يا نور بني معروف العملو سيدنا الشيخ أمين طريف كان مزبوط.. هو كان الأدره بأمور الموحدون.
لأن الموحدون كان عددهم قليل و مكروهين من بعض الفلسطنيين.. و كانت الخيانات بين العرب فظيعة وما زالت..
و ألف لا انو تنهان طائفة مثل ما حدث بل سنة والمسيحية.. و مش نحنا المنهرب من أرضنا و من سيب المقامات للياهود.. هاد بحد ذاتو كان بطولة منكم رغم عددكم الصغير. و كنتم بوضع لا تحسدو عليه.. و لم يكن هناك مقاومة في فلسطين لتلتحقو بها و تقاومو.. واذا كان تطوع يعضكم بل جيش كرمال الدين انا لا أتكلم.. لكن الموضوع انكم ربتطم مسيركم بهم و انتم ليوم تقاتلون تحت راية اسرائيل كبلدكم وتنكرون انتسابكم العربي وبعضكم يفتخر بأنهو بل جيش الاسرائيلي أي ليس مجبر... لكن في الحقيقة أن بعض القلسطينيين خانو العوروبة وليس انتم.. لكن للأسف بعضكم نسي هذا الشيء

يا خيي خليلني افهمك شغله اول اشي احنا كرهنا العرب وعرفنا عحالنا كموحدون ونكرنا العرب السبب من العنصريه الزايده اللي منتلقاها من العرب
اليهود قد ما كانو شعب واطي احنا منغدرش ننكر انن اعطونا حقوق واحترمونا على عكس العرب اللي باسرائيل وصدقني هن اليوم عبعرفو عن حالهن انن عرب اسرائيل وعبطوعو في الجيش وعبقاتلو للموت عشان اليهود ومحدا بغدر ينكر هذا الاشي والاحسن من هيك البنات عندهن عبطوعو يعني محدا بطلعو يلوم يلومنا او يحكي علينا بالنسبه لهذا الموضوع وبعدين يا خيي اغلب الشباب عنا عايشين من ورا الجيش اكيد راح يكونو مخلصين للباب معيشتهن
احنا ما نسينا اننا مننتمي للعرب بس تنسينا من العنصريه اللي منتلقاها من عرب اسرائيل ومن عرب العالم كمان

انت موحدة قبل كل شيء. بس انتو اذا بدكن تنكرو عوروبتكم لانكم موحدون يعني لازم كمان ما تعترفو انكم اسرائلية لأنكم موحدون. و اذا هم عنصريين معكم العرب.. ساعتها نحن منتبرىء منهم كعرب ومنبقى نحنا العرب الأقحاح الطاهرين. هي الدروز بسورية والجولان محبوبين بين العرب و هي الموحدون بلبنان محبوبين بين العرب.. ( عن جديد صار في مشاكل واتهمات بين بعض) لكن كل منا بيفتخر بعروبتو و ارجعي للتاريخ بتشوفي مين سلطان باشا والعيال الكبيرة بسورية و كمال بيك و شكيب أرسلان و مجيد أرسلان و بتعرفي انو انتو بحطين قاتلتو مع صلاح الدين ضد الصليبية. و بتعرفي التانوخيي مين و جبل الموحدون وجبل لبنان ايام الأتراك و شو عانو.. اسه بيجيني واحد فلسطيني أو مين ما كان بيتهمني بل عوروبة فشر.. أنا أقاربي و واخواني استشهدت كرمال أرضي.
انا جدي موصينا حتى نصون و نحمي الأرض أكيد رح ببقى على دربه.
انا ما بهمني اذا باقي العرب خانو أصلن او اتهموني. البهمني انا اعرف حالي شو.

بس يا اخت نور بني معروف, انا ما ضدكم بهذا الشيئ قلتلك العملتو صح كرمال ما تنذل الطائفة.. والعنصرية اجت من اديان و مش من عوروبة.. في فرق بين اسلام او مسيحية وبين العوروبة.
بس شيء مهم.. أنا موحد. هذا اصلي هذا أنا ككل وهذا أصل الموحدون... نفسي ليست عربية. انا خلقت عربي, يعني مع رح انكر هذا الشيء بل عكس بعتز بهذا الشيء. بس انا ما رح اقتل اخي او اكره اخي كرمال هذا الشيء. نحنا نفس الدم والنفس والدين. وما بكفر كرمال العوروبة, و انتو عل راس والعين. ومستعدين نفديكم لأخر نقطة دم بعروقنا. وانا ما بحمل سلاح كرمال العوروبة. انا بحمل سلاح كرمال الدين والموحدون.. انا بحمل سلاح كرمال ما ننذل... اخيرا يا اختي المقصود من كلامي انو انا ما بقول انكم خونا. لان ما حدا خاين الا لبخون أصلو الحقيقي. (موحد) بس انا قلت بعضكم.. اي انه صار يحمل سلاح كرمال اسرائيل وليس الدين. وما لازم تنسو انو جدكم كان عربي. والعنصرية مش من عرب. من اديان.. و انو نحنا منحبكن قبل كل شيء

أول شي يا نور لما سمير عمل عملية نهاريا ماكان في شي أسمو حزب الله
كانت العملية لصالح منظمة التحرير
بعدين إذا الواحد خان وطنه ممكن نحنا نحاسبه
لأنو بالكلام عن مواضيع حساسة بالمنتدى لأنو أخذ شكل تاني وكلنا منتذكر أول ما سجلنا بالمنتدى كان في شرط
بعدم الأساءة لأي طائفة أودين أو مذهب
كل العرب بيفتخرو ببطل متل سمير وبعض الموحدون بيعتبره خاين عنجد على قولة العجائز صرنا بأخرالوقت
أنا عندي حل بيرضي الجميع الأخوة يلي بيعتبرو سمير خاين ونكرة أحسن شي يقطعو محاكاته
ما يستقبلوه لو إجا لعندون
أما يلي بينظرو لسمير على أنه بطل قام محتل غاصب وزواجه من خارج الطائفة موضوع بيخصه وحده
يبقو على محبة سمير ويعلقولو صورة بمضافتهم لأنو هادا الشي بيشرف أغلب الموحدين

حمال البيرق حبيبي مع أني ما بعرفك شخصيا بس إنت
من وجهة نظري أسم على مسمى
الله محي أصلك
ويلي كتبتو هادا لحالو موضوع