الاسير اللبناني المحرر سمير القنطار في دمشق

تذكير بمساهمة فاتح الموضوع :

وصل الأسير اللبناني المحرر سمير القنطار مساء الجمعة إلى سورية في زيارة تستغرق أسبوعا يلتقي من خلالها الرئيس بشار الأسد, بالإضافة إلى قيامه بمجموعة من الأنشطة في عدة محافظات سورية.
وقال وزير الإعلام محسن بلال خلال استقبال القنطار في فندق الشيراتون "أنت الآن بين اهلك وشعبك، ونحن نفتخر بك وبجميع المقاومين الأبطال".
من جهته, قال القنطار إن "أجمل ما في سورية هو أنني عندما اعتقلت قبل 30 عاماً كانت في موقع الصمود والممانعة وأزورها اليوم وهي لا تزال في موقع الصمود والممانعة".

ومن المقرر أن يلتقي القنطار بالرئيس الأسد, بالإضافة إلى انه سيشارك في حفل افتتاح الملتقى العربي الدولي لحق العودة الذي يعقد يومي 23-24 تشرين الثاني الجاري بدمشق.

كما سيقوم القنطار بزيارة إلى محافظة القنيطرة ومنها ينتقل إلى خط عين التينة على الحدود مع الجولان السوري المحتل، حيث سيقام لقاء تضامني مع الأسرى في سجون الاحتلال على جانبي الحدود.

وسيزور الأسير المحرر محافظة السويداء, والتي سيقام له فيها لقاء ترحيبي, بالإضافة إلى انه سيقوم بزيارة إلى ضريح قائد الثورة السورية الكبرى الراحل سلطان باشا الأطرش في بلدة القرية.

يشار إلى أن القنطار البالغ من العمر 46 عاما, اسر عند قيامه بتنفيذ عملية "نهاريا" مع 3 من رفاقه في 22 نيسان 1979, في محاولة منهم لأسر رهائن من الجيش الإسرائيلي لمبادلتهم بأسرى لبنانيين في السجون الإسرائيلية.

بشكرك يا جبل العرب على كلامك الحلو
نحنا دائما متعودين من هل الجبل النخوات و الكرامي

ابوفهد الغالي انا بتمنى ما يصير حساسيات بس يمكن احيانا المخاض مهم كثير حتى تكتمل الولادة
احيانا لازم نزعل و ننقه حتى نتعلم و نلاقي الحق
لانو اذا كان الصح و الحق امر سهل كانو كل اهل الدنيا موحدين

خليني قول شغله

سمير القنطار رح يضل بنضرنا وبنضر كل العالم
اسير قضى حياتو ورا القضبان مشان يدافع عن قضيه
وحياتو الخاصه ما حدا الو علاقه فيها او بيقدر يدخل فيها

شكرا لجميع اللي ساهموا بالنقاش

خلص اي اخوانننن.... كل الكان قصدي عرفكم شو عمل سمير....

بعتزر و بتوب هههههه خلص كيف بدكن ياها. الله يحمي البطل سمير و يوفقو و ينصرو. لمهم طال الموضوع زيادي عم الزوم.

لمهم شو ما صار على قبوعة راسي من فوق دروز سوريه و لبنان و الأردن و تركيه و فلسطين (أو اسرائيل سموها متل ما بدكن) خلص والله كلنا بتجمعنا راية التوحيد...... و ممنوع التفريق بين دروز. انا بس عطيت رائي بس كل الدروز تحت راية النوحيد و كلهم غاليين.. بل روح و الدم نفدي أهل الطائفة.. مافي أحله من موحدون سورية و مافي أحله من موحدون ب فبسطين\اسراءيل... تسلمولنا

بسم الله الرحمن الرحيم
سبحان من به البدء و بذكره و امره الختام

انا بشكرك على اللهجة الساخرة يا خيي بهاء مع انو نحنا مش متعودين هيك لهجة منك بشكل خاص او من شخص متزيي بشكل عام

اذا كان كلامك على الاسماء التي ذكرتها نوع من الاستهزاء اسمحلي قولك انها اسماء لكل الناس مش حكر على اي طائفة و هذه الاسماء من الاسماء التي طالما استخدمها الموحودن في تسمية ابنائهم
فلا احد ينسى الشيخ علي الحناوي ساعة مباركة بذكرو يلي سد مدافع العثمانين بلفتو و أعطى مثال يحتذا فيه بالبطولة و الكرامة و هو شيخ العقل الزاهد يلي كان طيبو وسيطو الرائع معبي الجبل.

يا صديقي انا لما كتبت و حكيت ما علقت على رأيك بسمير القنطار هذا رأيك و انت حر فيه
انا زعجتني كلمة وحدة و هي يلي خلتني اكتب كل الكلام يلي كتبتو هي الكلمة (( نحنا كذا و العرب كذا ))
وكأنك عم تقول انو نحنا كطائفة يا استاذ بهاء مش عرب !!!!!!

انا بدي اسألك اذا كنا مش عرب نحنا شو ؟؟؟؟؟؟؟؟
بدك تقلي نحنا موحدين انا راح قلك صح نحنا موحدين الحمدلله بس هذا ديننا مش نسبنا

نحنا كموحدين بلاد الشام وبلاد الرافدين نعتز بعروبتنا الأصيلة و عرقنا الصافي, لا تكون يا بهاء مع دعاة التفرقة بل مع دعاة التوحيد بين كل الناس بغض النظر عن الدين و المذهب ((الدين لله و الوطن للجميع ))

بالنهاية انا بدي انصحك 3 نصائح من اخ صغير لخيو الكبير

1) ادرس لغة عربية بشكل صحيح و مكثف لانها مفتاح فهم الحكمة, و لغة الحكمة.
2) اقرأ بالتاريخ حتى تسطيع ان ترسم المستقبل بشكل صحيح.
3) اخرج من تعصبك الديني لان الموحدين بكل تاريخهم لم يكونو متعصبين, بل كانو عالميين بأفكارهم و اعمالهم
الم يكن اسيادنا من منع السباب و القدح و الذم ومنع ذم اي طائفة او دين و اذا كنت لا تعلم هذه المعلومة انصحك ان تقرأ أكثر حتى تجدها و اذا لم تجدها راسليني حتى اقول لك اين تجدها.

نحن مذهب تسامح مذهب كوني انفض عنك غبار التقليد الأعمى لبعض الجهلة المتسترين بلابس الدين

سامحوني على كلامي
و السلام عليكم و رحمة الله و بركاته

هههههههههههههههههههههههههه بهاء هاي بتضحك
بس مش لازم تضايق الاعضاء الي بحبو وبحترمو الشيعه والاسلام والمسيحيه واليهود وباقي الديانات
العرب باسرائيل عايشين ملوك فش حدن عايش هون بنكر الصراحه ادا رئيس اي دوله عربيه بيجي لاسرائيل بحس حالو اكتر من رئيس دوله عربيه وبعدين كل واحد ورايو انا بحب ابو تيمور وليد حنبلاط انتي بتحب سمير القنطار وانتي بتحب حسن نصرالله وهداك بحب اليهود كل واحد حر بكرامتو وقلبو ورايو

اخي حمال البيرق بدي قلك كلمة وحدة بس
الله محيي نباك يا نسل الاجواد و سليل الكرامة
..........
العروبة يا اخواني مش لغة و استعراب .
العروبة هي عاداتنا و لغة حكمتنا الشريفة و لغة مشايخنا و شهدائنا و أصلنا عربي قح من لخم و قحطان و العروبة هي الشمايل الحرة هلي ربينا عليها من نخوة و جهاد و عطف و فزعة

يا حمال البيرق يا حبيب سماع شغلي. انا عربي هون أكتر من كل العرب وما حدا بعلمني العوروبي.
لا اكراه في الدين.. بس يا أخ انت المعمي عن العم بسير مش انا..

بعرف هل اسماء بسموها الموحدون.. لا تكون متل الصغار بس ازا بهيدي الصف الصفيتن بترمز للشيعة.
ثانيا ما باخد نصايح بل عوروبي. انا دمي عربي, و جدودي عرب.. جايي تعلمني العوروبة؟ انت شو مقدم للعوروبة اكتر مني؟

انا قصدي انو النفس اصل مش عربي لان نحنل من أمن بل تقمص.. الثابت هو الدين مش العوروبة, فما لازم تكره اخوانك باسرائيل لانن بضلو اخوانك ان شئت ام ابيت.

انت بتحب الشيعة و حزب الله؟ يا بطل يا عربي انت, حزب الله فارسي مش عربي,, حزب الله قتل 15 شهيد و منهم مشياخ بل حرب الماضي علينا, حزب الله عناصرو بتسب بموحدون لبنلن,, حسن نصرالله على يديه في دم موحدون ابرياء..
تعة لعنا ع لبنان و فوت عل ضاحية و قول انل (موحد) رجاع خبرني اذا بتضل عايش, حوب الله اعتده على اخواني, شباب حزب الله عم بتسب و تعمل صور على نجمة الحدود.. حزب الله سب المشياخ الرجال و النسوان عل انترنت.. حزب الله قتل تلاتي من عنا بل سكاكيين ذبح فكرو يذلنا.. حزب الله قتلت الشهيد الموحد لطفي بل سكاكين هو عم بدافع عن ابنو بدون اسلحة, حزب الله سب ب موحدون فلسطين الهني اخوتي بل رغم من حبهم لاسرائيل, حزب الله مجرم حقير و خاين... هيدي عدا عن حبكن لحافظ و بشار الدبحو بفاسطين و العروبي.... جايي انت اتعلمني بل عوروبي.. مين قتل كمال جنبلاط قائد الثورة الفلسطينية بلبنان؟ مين قتل انتون سعاده؟

مين ذبح فلسطين؟ مين عندو أرض بل جولان مع الاحتلال؟ يا عرب ليش ما بتحرروها؟ بلبنان مافيه أراضي مع اسرائيل, قبل ما اتعلمونا العوروبي ليش ساكتين عأرضكم بل جولان؟ ليش انت بشورية فيك تطلع من بيتك مرتاح و انا بلبنان بكون عامل ألف حساب ما ارجع عل بيت؟ ليش البطل العربي حافظ قصف حلب بل طياران؟ ليش انت ما بتسترجي تسبو البشار؟ انت بتعرف شو عم يجي تهدادات الجنبلاط؟ مين القاتل تحت العلم الامريكي بل عراق؟ مين العم يبعث رسائل للاسرائيلي؟ و مين عم يبعت الأمريكة؟ مين العمل حرب المخيمات ضد الشعب الفلسطيني؟ مين قتل قياداة الرابع عشر بلبنان؟

ما حدا بعلمني العوروبي, كل واحد ينظر لنفسو لا عوروبي.. نحنا نبع الهوروبي و قدمنا شهداء كتير كرمال الاخوان الفلسطينيي. بس انا ما بفضل العوروبي عل دين هيدي النقطة تبعي. انا كتير من عائلتي مستشهد بل حرب.
شعار حزب الله مقاومة اسلامية مش عربية.. شعار حماس مقاومة اسلامية مش عربية. و مع ذالك كنا نحترم نصرالله بل عوروبة الى ان اصبح يعتدي على أهل لبنان و مش اسرائيل.

انا ما سبيت ولا دين.
بس نحنا منعرف كتير شو يعني الصار.

انت بتعرف شو صار ايام الاحتلال السوري للبنان؟ جيش معتر وسخ بل اخلاق ما بيستقوي ألا عل اضعف منه... كم فلسطيني بل سجون السوريه؟ بلاه عليك عروف شو عم تحكي..
انا بلبنان حر فيني حب جنبلاط و فيني اكرهو.. انتو احرار بسورية؟ و بتتدعو العوروبي و الدمقراطية.. عمين هل حكي يا استاذي بل عوروبة.

بل رغم من عدم تايدي لاسرائيل او النظام السوري.. . بس لعملتو انت ما هو منيح, انا ما اتهمتك بعروبتك بل أول و اسف عل حكيتو. و العروبي هيدا انا ل هل جيل و ما بقبل حدا يعلمني لان انا عربي من الوريد للوريد بهل جيل.

والله ما عندي فرق بين دروز سورية و فلسطين\اسرائيل و بين موحدون لبنان.. كلكن اغلى من نفسي و انا حتى لو مش مكلف بحفظ الاخوان رح التزم فيها فكيف انا و مكلف. والله يا أخي انت على راسي مع كل الموحدون بس ما حلو واحد يعمل متل العملتو انا بعرف اصلي ما بدنا اتهمات بين بعض, انا بزت كل هل اتهمات لاننا موحدون.. ربنا هو الواحد الأحد و نحنا موحودبن ب هل دنيا التوحيده ونمو النفس للوصول للامامه. مش لءي سيئ آخر.. و شكرن كتير والسلام عليكم و رحمة الله و بركاته.

بسم الله الحمن الرحيم
يا اخي بهاء بصراحة انا احاول ان افهم يا صديقي كيف عم تقرأ الردور تبعي بالفرنسي او بالانكليزي

انا بدي اسألك سؤال بكل كلامي انا عبرت عن دعمي او حبي او هيامي او اشواقي لحدا
هل وجدتني في كلامي كله داعماً لسياسة فلان على سياسة علتان
انا أحاول ان استخلص و انا اقرأ ردودك الموتورة كيف تناقش

يا صاحبي انا اقل الناس و لست في موقع ان اعلمك

كنت اتمنى ان تقرأ كلماتي يعين عقلك وليس بعين نفسك و قلبك
انا بكل تعليقاتي لم اتطرق الى السياسة او حب فلان على مصلحة فلان أو حب سياسة فلان على حب فلان

يا أخي فهمو عربي, مع ان الموضوع عن سمير القنطار, فأنا لم اتطرق في كلامي عنه او عن أعماله لم ادعم او أشجب ما قام به .

كل كلامي كان على نقطة انا لاحظت انها خطيرة جدا و هي التشكيك في العروبة و لا تطول و تعرض كثير و تزاود حاليا بأن تقول (( ما حدا يعلمني عروبتي )) و يا صديقي من ايام بعت و اشتريت على هذه العروبة لا تحاكيني بالشرق و انا عم حاكيك بالغرب
واذا بدك تحكي على الشهداء و على الابطال كلنا عنا ابطالنا لا يوجد مبرر للمزاودات اذا كنتم قد دفعتم بالعشرات فنحن دفعنا بالجبل بالمئات واذا حولت الموضوع اذا موضوع عائلي يا صديقي
فإذا انت خسرت من عائلتك في لبنان فأنا ما زال السواد الأعظم من عائلتي في لبنان وخسرت في حرب لبنان الأهلية أولاد عمام و عمات من خيرة الشباب فلا داعي للمزاودة في هذا الموضوع

دعنا تنتاقش كما يقال (( حبة حبة ))

يا سيدي كل كلامك و ردودك كانت بعيدة عن ما كتبته انا سابقا
واذا اردت الرد عليك على كل كلمة انت قلتها فيا صديقي نحتاج الى الكثير من الوقت

يا سيدي انا لا اعلم ما كنت سابقا هنديا او باكستانيا او صينيا او او او
ولكن اعرف ما انا الآن انا عربي من قحطان
من قبائل تنوخ
احزاني احزانهم و قضاياي قضاياهم

بعدين يا سيدي انا بكل فخر بقول اني ابجل كمال جنبلاط المعلم الذي دعم قضايا العروبة
احب الأمير شكيب أرسلان أمير البيان
أحب الرجال الشرفاء كلهم موحدين او غير موحدين و أقولها بفخر
قد اشعر بسعادة أكبر و غبطة نفس روحانية عندما يكون هؤلاء الشرفاء من الموحدين

ولكن يا صديقي لا تتخيل الذل و المهانة التي أحس فيها عندما يكون الخنجر الذي يوضع في ظهري هو خنجر د ر ز ي

لا تزعل مني يا بهاء انا كان كل كلامي محبة و خوف على كل الموحدين ما بعرف ليش بردودك حولت هذه المحبة و كأنها كره الله يسامحك
و السلام و عليكم و رحمة الله و بركاته

يا عمي انت هاجمتني وكاني خاين لاصلي. و انا بعرف منيح شو عمبسير و رجاع اكلامي بل أول كنت عم بحكي نحنا العرب الاقحاح والاصل. و اسه من كلامك ما هو دفاع عن سمير؟ ما الموضوع هو عن سمير ( بطل بل عوروبة و بس خابن لاهلو).. بعدين ما فيه شيء اسمو نحنا قدمنا و انتو قدمتو.. ب أيام سلطان نحن منستشهد معكم و بي ظروف دروز فلسطين كنا كلنا معهم. (لما انا قول نحنل مش قصدي تفضيل بس قصدي انو نحنا عرب و انتو بتتهمونا) . الشهيد الموحد هو شهيد ل كلنا. انا كنت عم دافع عن العوروبي لكان ليش انت علقت علي؟ كلامي كان اسنهزائي لسمير.. بس كنت سادق ب حبي الموحدون سورية و فلسطين. لكن ليش علقت علي اذا ما عم بتدافع عن سمير؟ وبتمنى منك ترجع لكلامي بين انا و نور بني معروف و تشوف شو كاتب.

و يمكن خرجت عن الموضوع لان ما حلو الاتهام. والموحد يتبرء من جميع المقالات. يا اخي هيدا و ضعك مؤقت كعربي.. انت أصلك موحد ثم موحد ثد موحد ثم موحد...... خلقت بأرضك و ما منخونها و ما منسلمه و هيدا نسبك.. بس ما بصح تتهم و تخون و اتقضل على الموحدون لانك عربي.

انا بعتذر اذا عم بخرج عن الموضوع... اذا بدك خلينا اناقش بعض النقاط مثل ما قلت وحدة وحدة من البداية اذا بدك. شو هي أول نقطة انت عم تتهمني فيه او برئيك انا قلتها غلط؟

ما بعرف من وين بدي بلش يا حبيبي بهاء وبنفس الوقت مابدي يأحذ هالموضوع مسار غير يلي كان مقصود فيه
وطبعا الكل بيعرف بهالمنتدى الموضوع عنوانو زيارة البطل سمير القنطار لسوريا
على كل حال حمال البيرق رد جاوب كلامك المستفز يلي بصراحة إنت كثير تجاوزت فيه الادبيات الموقع وعدم إحترامك للإعضاء الباقييين
بس بدي جاوبك على كم شغلة إنت كتبها
أول شي حافظ الأسد ما قصف حلب إلا لوجود الإخوان فيها

وكلامك أنو حزب الله قتل مشايخ من الموحدون مع إحترامي لحضرتك هو غير صحيح وهي محاولي منك فاشلة لإثارة النفوس ضد بعض
طيب أنا بقبل بكلامك الغير مسؤول عن أن حزب الله حزب مجرم وخاين بس بحلفك بالله إسرائيل شو
وبالنسبة للجيش السوري بتمنى منك قبل ما تفكر إنك تجيب سيرتو
والإخطاء يلي صارت من قبل الجيش السوري إعترف فيها بشار الإسد
ومافي دولي عربية قدمت شهداء أكثر من سوريا والكل بيعرف أنو سوريا دخلت للبنان من أجل فض الحرب الطائفية وليس لإستغلاله
فلبنان ليس لديه بترول مثلا لكي تطمع به سوريا

ما قصرتو يا عيال سلطان ونسل قحطان

سلام لكل الاعضاء المشاركين بالنقاش
حلوه الاراء والنقاش وفي شغله حبيتها وهي سياسة الكلام الي متبعينها
انا ما راح علق على موضوع سمير القنطار بس راح علق عالردود الي كانت
ما راح عيد شو انكتب بدي قول لكل شخص احنا موحدون اخوه بالعقيده مهما فرقتنا اراء ومسافات دائرتنا التوحيديه جامعيتنا
مهما اختلفتو بالاراء حول الثوار والفلاسفه والكتاب بيضل قلبكو ينبض بالتوحيد والاخوه وهذا الي عجبني ببعض الردود الموجوده .....الي كان الختم فيها اعتذار اذا صار في اي ازعاج للطرف المشارك وهذا بيبين انو العقيده بتشدنا قبل كل شيء
مشكورين كلكم عالمشاركه الرائعه وان الله راد ما حدا زعل من حدا هون لانكو كلكو اخوه واخوات بالعقيده
وهذا موقع لرفع راية التوحيد اولا واخيرا والي بينادي اول شي بالروحانيه الي نصتها علينا عقيدتنا وبمبدء حفظ الاخوان الي بيخلينا مع صدر واسع نتقبل كل شيء من اخوانا الموحدين
ارجو انه الكل يكون رايهم مثلي وما يكون صار اي حساسيه او زعل
تقبلو مروري
................................................
واخيرا انزل قرار من الاداره باقفال الموضوع
لانه وحسب رايي اخذ حقه من الردود الي راح توصل للخروج عن نطاق الموضوع
ارجو من جميع المشاركين تقبل قرار اقفال الموضوع برحابة صدر
اختكو امال